漁正居酒屋

营业中

休息中

聽講呢間居酒屋幾好食，平時都好多人，book咗位先去穩陣啲。今次book咗星期四嘅6點鐘，仲可以walk in,不過好快就坐滿人～清酒煮蜆 $78啲蜆都大隻厚肉，煮出來嘅湯好香酒味，清甜冇腥味，最後連湯都飲曬。（利申平時唔飲酒）味噌燒蠔 $48呢隻蠔都大隻，食落唔似味噌味，覺得係芝士白汁味，好好味，燒到啱啱好，咬開係好嫰滑好juicy ~串燒 $20-28/串嗌咗雞軟骨、雞腎、帆立貝同荔枝豚肉卷，雞軟骨，雞腎都正常發揮；帆立貝鹹香，啖啖肉，燒到啱啱好唔鞋口；而個荔枝豚肉卷非常驚喜，未試過呢個配搭，賣相唔講仲以為係燒肥腸，一嗒食落去，爆荔枝汁，甜鹹味再加埋少少油脂香，好好食！濃湯蝦烏冬 $128嗌咗個烏冬做主食，湯底雪白，好重蝦味，仲有一堆櫻花蝦做配菜，更加鮮味。成碗烏冬有四隻大蝦，好厚肉，蝦夠新鮮，肉質彈牙。烏冬就係稻田烏冬嘅口感，滑而彈牙，最後仲有啲海帶索湯汁，好味滿足～原味乳酸$58呢杯野係碳酸味益力多，都幾好飲，不過少貴～

喺OpenRice 見到漁正居酒屋做緊🌟5️⃣週年優惠 🌟用app訂座正價有7折多款小食及刺身做緊大優惠飲品仲買一送一添 🍻一向鍾意食日本菜嘅我，梗係唔會錯過啦 裝修風格是日本居酒屋設計 🍶如果有3 – 4個人，仲可以坐卡位，要除鞋入內，夠晒風味 我哋點咗： 🥢淮山漬 $48 （再有7折）醃製過嘅淮山漬好特別，有Wasabi味，少少咸味，質感綿密而爽滑 🥗柚子汁牛脷沙律 $78 （再有7折）一道好開胃嘅沙律，柚子汁配沙律菜清新開胃，牛脷微彈牙，幾好食，份量又多 🐟 伊佐木 $280（大激安價）5週年大激安之一，一魚三吃前排刺身可以蘸醋來吃，肉質鮮味彈牙後排刺身，師父將魚皮輕輕火炙過，魚皮燒過好香口，蘸豉油Wasabi來吃，係另一種風味最後，仲有用這魚嘅魚骨煲出嚟斯嘅兩碗鮮甜魚湯魚身有晒來源地 🍢串燒分別點咗（再有7折）:露筍豚肉巻串 $28 ～整個組合咬下去，露筍爽脆 豚肉肉質鮮嫩多汁燒豬肝串 $28 ～第一次食用燒嘅方法來烹調嘅豬肝，好香口，肉質鮮潤雞軟骨串 $20 ～雞軟骨幾乎是每次食串燒必點菜式，軟軟硬硬嘅質感，咸咸哋再加上酸酸哋嘅檸檬汁，好好味牛舌串 $35 ～比起剛才沙律嘅牛舌，

蟹子沙律($58)，青瓜絲好爽口，沙律醬和蟹子份量都足夠，均勻攪拌之後每條青瓜絲都能沾上，味道好開胃。活赤貝(2隻$120)、油甘魚($88)、烏賊($48)、三文魚($58)、牡丹蝦刺身(2隻$98)，每款海產色澤都好靚，烏賊刺身幾特別，因為內裏有一片紫蘇葉，連埋一齊食，葉既香味會更突出，我超鐘意食赤貝，因為好爽口，牡丹蝦雖然唔係最大隻既size，但食落有黏住黏住既口感，證明食材新鮮。左口魚邊($68)、三文魚子($78)、北海道鮮帆立貝壽司($58)，炙燒後既左口魚入口溶化，帆立貝肥美飽滿，食落好鮮甜。烏賊紫蘇梅子脆卷($128)，這款招牌菜既特式，餡料係將烏賊肉打成膠配上紫蘇葉，外層既炸皮好酥脆，再輕輕加一點梅子汁，食落外脆內彈牙，口感豐富。雞胸軟骨($28)、荔枝豚肉卷($28)、大蔥雞柳($28)、牛舌($35)、燒豬肝串燒($28)，價錢相當抵食，豚肉既油脂再配埋荔枝肉汁既清甜，兩者溝埋一齊好夾，有互相中和作用，牛舌厚切爽口，牛既羶味亦好香。清酒煮蜆($78)，酒味經煮過之後唔會好濃烈，保留住少少酒香滲入蜆肉。濃湯蝦烏冬($128)，濃湯果然係濃湯，湯底有好重蝦味，相信用左