影片
更多
2021-01-25
1600 浏览
呢日全家都可以在家工作，但我就要出一出去同同事交收文件，所以順便喺嗰頭買外賣返屋企比大家做午餐🥢。住九龍灣嘅同事介紹得寶商場有間泰菜唔錯，餐廳名叫「曼谷車站」。餐廳面積幾大，店內外座位都有，環境裝修亦配合番主題：火車🚄。我望入店內，座位設計好似都幾寬躺，閒日喺度食晏嘅人比想像中多好多。餐廳有提供午市套餐，全部都可以外賣。價錢非常大眾化，絕大部份$50樓下就有交易。🇹🇭泰菜選擇種類繁多，包括炒飯、炒河、湯麵同咖喱等，實在令人眼花撩亂。另外，午餐係包熱飲嘅。正宗泰式海南雞飯($53)，海南雞同油飯分開上，當中更不乏食海南雞嘅三種醬料：黑豉油、蔥油同辣醬，呢度冇因外賣而慳皮。🍚油飯香而不膩，飯本身亦夠軟熟，份量就啱啱好係一個飯碗嘅量。至於海南雞🐔，雖然唔係去骨，但都有幾多肉，肉質中規中矩，不過好在雞皮一條毛都搵唔到。冬陰功炒飯($48)，呢個炒飯同我想像中一樣咁好食😋。不過我都利申返，我係超鍾意食冬陰功味嘅食品。炒飯炒得好均勻，每粒飯都食得出冬陰功味，味道濃郁，辣味唔係好勁，但都明顯食到，超正。炒飯面頭加送一隻煎蛋🍳，同時亦有加入鮮蝦，絕對唔係得飯咁單調。 泰式炒金邊粉($48)，金邊粉比我
呢日全家都可以在家工作，但我就要出一出去同同事交收文件，所以順便喺嗰頭買外賣返屋企比大家做午餐🥢。住九龍灣嘅同事介紹得寶商場有間泰菜唔錯，餐廳名叫「曼谷車站」。
餐廳面積幾大，店內外座位都有，環境裝修亦配合番主題：火車🚄。我望入店內，座位設計好似都幾寬躺，閒日喺度食晏嘅人比想像中多好多。
餐廳有提供午市套餐，全部都可以外賣。價錢非常大眾化，絕大部份$50樓下就有交易。🇹🇭泰菜選擇種類繁多，包括炒飯、炒河、湯麵同咖喱等，實在令人眼花撩亂。另外，午餐係包熱飲嘅。
正宗泰式海南雞飯($53)，海南雞同油飯分開上，當中更不乏食海南雞嘅三種醬料：黑豉油、蔥油同辣醬，呢度冇因外賣而慳皮。🍚油飯香而不膩，飯本身亦夠軟熟，份量就啱啱好係一個飯碗嘅量。至於海南雞🐔，雖然唔係去骨，但都有幾多肉，肉質中規中矩，不過好在雞皮一條毛都搵唔到。
冬陰功炒飯
$48
22 浏览
0 赞好
0 留言
泰式炒金邊粉
$48
25 浏览
0 赞好
0 留言
濕炒豬肉河($45)，濕炒河份量同重量都係十足，餐廳用一個大湯碗裝住河粉，但咁樣有啲難夾，所以我倒落碟食方便啲☺️。除咗有好多塊大豬肉片外🐷，炒河仲配以大量蔬菜，例如有菜芯、粟米仔同草菇等，超級豐富。唯一有少少可挑剔嘅地方就係河粉碎咗啲。
總括嚟講，我全家都對呢餐泰國午餐非常滿意💯，因為全部都好好味，特別係冬陰功炒飯同泰式炒金邊粉。估唔到街坊店嘅出品都咁有質素，下次經過一定會再幫襯。題外話，呢度嘅外賣包裝包得好好🥡，所以全部野都唔易瀉。最後，門面嘅店員姐姐仲超級親切好人添，抵讚啊。
张贴
