火五越式牛肉粉專門店 (其昌樓)

营业中

休息中

Office喺佐敦未搬新址前，lunch間中想食越南嘢，就會嚟呢間餐廳。諗起好耐無食，放工搭兩個站嚟食飯！1️⃣火五咖喱吉列豬扒豬扒炸得好靚！炸皮和豬肉沒有分離👍 見金黃色嘅炸皮，令人很有食慾，豬扒肉質鮮嫩，多汁，幾好。我鍾意個咖喱汁，質地濃稠，咖喱香辣濃味💕。2️⃣火五特色鳳爪鳳爪大隻多肉，爽脆彈牙👍，酸酸甜甜很開胃。呢度嘅鳳爪係偏酸少少嘅。3️⃣火五火車頭牛肉湯粉越式牛肉粉湯底通常係用牛骨、牛肉和多種香料去熬製而成，呢度嘅湯底食到天然鮮濃嘅牛肉風味👍，清香可口唔會太鹹，亦都食唔到加工味精。表面鋪滿香料、配料和牛肉。牛肉薄切，入口嫩滑。雖然門面唔太靚😂，但食物味道質素真的唔錯💕。4️⃣峴港炸魚餅魚餅微辣惹味，正常發揮👌5️⃣火五特色雞翼油香飯雞翼炸得幾靚鹹口香脆，裏嫩入味。油飯也不錯，$48份量幾大，CP值👍👍。

好耐都冇食過越南菜啦 今晚特別想食返碗pho 所以嚟咗呢間餐廳😮 可能係星期五嘅關係 都等咗一陣先有位呀 我同友人各叫咗一個一人套餐 套餐包括一碗湯粉 一款小食 同一杯飲品🥳火五生牛肉湯河粉呢個可以話係食越南菜必食菜式 生牛肉嘅份量唔算得係好多 但係都好濃牛肉味🐮 牛肉生熟程度啱啱好 可以見到仲有少少粉嫩嘅部分火五和牛牛丸+扎肉湯檬粉呢碗嘅和牛牛丸真係好有驚喜 和牛牛丸嘅牛味非常香濃 一咬開牛嘅油脂充滿成個口腔呀🥰 好鍾意呢種牛丸火五特色鳳爪呢碟酸辣鳳爪係原隻上嘅 配埋佢嘅軟骨 真係好有咬口呀😚蜆港吉列炸蝦餅冇諗過套餐嘅蝦餅都有四塊咁多 蝦餅食落都好彈牙😺香茅豬頸肉呢個小食係另外再叫嘅😉 豬頸肉燒得好好 外面有少少香脆 肉質都幾爽口 連埋上面嘅蔥同蒜食 就夠晒惹味🐷飲品 凍荔枝茶 凍咸檸梳打鍾意甜嘅朋友可以揀荔枝茶 鍾意鹹嘅朋友可以揀凍咸檸梳打🥤食咗咁多樣野 埋單都只係二百蚊 呢個晚餐真係好滿足呀😎

今日喺佐敦試食澳牛隔離嘅越南餐廳🤩同朋友六七點左右去到 等咗兩張枱 算好快有得入座 餐廳座位算闊落 仲有好大部掛牆電視首先嚟到嘅撈檬唔止個碗大 份量都好多 兩個人share都食到好飽 春卷亦有六條 $48嚟講真係好抵食！！青瓜沙律分量都唔細 大蝦嘅炸粉唔厚 好好食😋 四隻唔係幾夠囉😂鳳爪超入味 夠酸夠辣 絕對唔只$22嘅質素 米紙卷都係必叫 六件都好足料餡料而且皮薄 仲有少少青瓜絲伴碟飲品叫咗越式咖啡同三色冰 咖啡味道唔算好特別 但冰融之後都夠濃 三色冰亦好香椰奶味總括嚟講 呢餐晚飯只係人均$100 咁嘅價錢咁嘅質素真係冇得彈！！見到menu有午市同下午茶套餐 更加抵食 經過佐敦嘅話千祈唔好錯過❤️