日本野 (銅鑼灣廣場二期) (已結業)

去完置地文華staycation落左去銅鑼灣食日本野餐廳名真係叫日本野係銅鑼灣廣場六樓要上左商場再搭升降機先上去另外仲有旺角分店上到去發覺得格離西餐同泰國野應該都係同一集團岩岩晚市平日六點入座就無乜人我地卡位坐得幾舒服頭頂幾有氣氛餐廳雖然係QR code落單但都有實體餐牌落完單已經有個加一前既價晚市set既話可以揀野飲同沙律或者湯我地叫左兩個set所以有兩罐汽水晚餐仲有附送沙律同湯第一個餐要左鰻魚炒飯個鰻魚炒飯上面木魚碎仲識郁另外一個係幾特別既火灸蝶魚裙邊海膽丼平時都無咩點叫過呢一款海膽以呢個價錢黎講算係咁當然唔會好鮮甜但起碼唔會好似放題咁難食蝶魚片刺身都幾多塊呢個set幾好另外跟set可以加小食我自己就幾鍾意叫芝士年糕仲叫左d爽口既小食好似雞軟骨同牛舌串燒咁兩個人就夠晒連加一都要過五百價錢就唔算平不過都叫多左幾樣野食銅鑼灣地段叫做可以接受

鍾意食日本野嘅我，每隔一排就會想去呢到食下邪惡得來好吸引嘅火灸蝶魚裙邊海膽丼～最近晚市仲有88折，真係好吸引🤩入面好有日本感覺，而且都坐得舒服，適合gathering 傾下計～當晚點了2個dinner set🍱火灸蝶魚裙邊海膽丼係我每次來必點，亦都係呢到最出色嘅菜式之一！蝶魚味道有d似左口魚，但更有口感，鮮甜肥美，火灸過後入口即溶，配壽司醋飯一流！另外上面的海膽都幾鮮甜。🍲龍蝦海鮮番茄鍋有半邊龍蝦，上面好多膏好香口。另外鍋內超多海鮮，有超鮮甜大蜆 、蝦，還有多種類菇做配料，湯底的番茄味濃香，配彈口烏冬一流😋dinner set 追加$28仲有芝士年糕食，超香濃芝士味好好味～下次再來食蝶魚飯🤤

上次去過同層既西餐廳食野，見到隔離有間叫日本野既日本餐廳，個名改得咁得意，裝修都唔錯，所以又去試下～D位都闊落，裝修行和風路線，感覺都幾舒服除左單點都有晚餐揀喎，包湯或沙律再加飲品，日本野黎講都幾抵食！見好多人點石燒牛，好似幾吸引最後揀左兩個飯，然後再追加左d小食。呢個係蜂蜜牛油粟米，細細兜但好香牛油味好甜厚燒鰻魚玉子，呢個有三件，都好大件，中間有夾到鰻魚，點埋佢俾既芥末醬仲好食和風柚子雞翼，呢個係炸雞翼上面有柚子醬，味道酸酸甜甜，雞翼都唔會炸得太乾，都幾好刺身拼盤，有四款每款兩件，食落去都新鮮，不過係直接放喺冰上面，所以d冰開始融就連d wasabi都融埋要食快d呢個係晚餐入面既火灸蝶魚裙邊海膽丼，好味呀～好多蝶魚裙邊～仲要係火灸過更好食海膽都有兩大件另一個揀左蔥吞拿魚碎三文魚籽丼呢個都好大碗，蔥吞拿魚碎超級多，不過中間d飯有少少凍，如果熱番少少就更好啦！但都係成碗食晒兩個人食日本野食咁多野都係每人二百幾蚊，坐得舒服d野都幾好食，唔錯！