日本野 (銅鑼灣廣場二期) (已結業)

一直都覺得銅鑼灣依間「日本野」高CP值，3個人去食晚飯，人均$166就已經每人有一個定食連小食或飲品，定食份量大，仲要幾好味，真係好滿意。*此餐廳收取加一服務費。大阪風吉列豬扒定食（單點$138），表面鋪滿椰菜絲，吉列豬扒份量多，炸漿部份薄脆，豬扒肉質軟熟，食落好Juicy，配以日式特製濃口豬排醬、美乃滋食用，味道甜鹹；日本米，表面鋪有飯素，食落好香口；溏心蛋，流心效果突出；是日沙律，表面鋪有美乃滋，包括有羽衣甘藍、紅毛生菜、粟米、紅蘿蔔、車厘茄；配菜，包括有醬油漬海帶、醬油漬蓮藕。蒲燒鰻魚定食（單點$158），表面鋪有紫菜、雞蛋絲、芝麻，原條鰻魚肉質厚嫩，食落充滿蒲燒醬汁味道，日本米口感軟硬適中，配以溫泉蛋、蒲燒醬汁食用，蛋香味濃；是日餐湯，味噌湯，內有海帶、香蔥，味道正宗。精選壽司盛盒（單點$128），鱆紅魚壽司，食落好新鮮；香蔥吞拿魚蓉壽司，味道清爽；甜蝦壽司，味道鮮甜；左口魚壽司，表面鋪有醬油，味道鹹鮮；三文魚籽壽司，食落有鮮味；油甘魚壽司，肉質肥美，食落入口即化。芝士年糕2件（跟餐$28），口感外香脆內煙韌，芝士味道鹹香。可樂（跟餐$0）。熱即磨咖啡（跟餐$0），味道濃香。

各位，想同大家講兩句今次嘅食堂經歷。🤤👌 到咗一間日式小店，窩心地方，有啲平民料理，但係啖啖滋味！首先，佢個燒魚定食，真係啱晒口味，魚肉鮮美得嚟外皮微微香脆，湊埋飯真冇得輸。系度食到暖笠笠，津津有味！再嚟，講吓佢嘅豬排丼，南乳醬汁搽得均勻，豬肉質地鬆軟，外層炸得金黃酥脆，仲要夠哂汁，即食即開心！😋 特別掂係佢個蛋包飯，滑溜溜嘅蛋皮緊緊包住煙韌嘅飯粒，每一啖都好滿足。飲品就簡單直接，杯青茶清新怡人，飲完之後一肚子嘢都消化得七七八八。係呢間小店，我感受到嘅就系，食物無須過於複雜，真材實料就夠晒。👍 隨和嘅服務加上呢啲家常口味，真系一個人、一大班朋友聚舊都岩晒。下次想食啲實惠又地道嘅日本菜，你哋知我會揀邊間啦！🍣👀

都有成年冇去過，記得對上一次覺得最好食嘅芝士餃子，另外個鐵板煎牛牛都幾好食。（但係上次啲服務員好後生，全部都冇禮貌，我地未食完就收碟，傾傾吓偈攝哂成個人入嚟收野，令到我地極唔滿意。）今次，一上到嚟門口，就有位中年叔叔招待我地入店內，坐底後有另一位中年叔叔拎野俾我地，2位叔叔好了解客人需要，未問佢已經拎碗仔同紙巾俾我地，好好人！令店舖加分不少！今次照舊叫芝士餃子🥟另外叫左大阪燒同軟殼蟹牛油果卷，味道不錯大阪燒個人覺得無咩味，好一般。最開心係我同一日用openrice book枱，有折，俾錢時都用openrice pay，再用埋之前早落既分，全單平左$40，令食物CP值up!總括而言，2位大叔嘅服務好好、細心，令店舖嘅印象加左唔少分，另外，食物質素OK不過偏貴，book左枱嘅折令成張單嘅價錢合理番

三文魚刺身$64/5 件 — 完全唔需要技巧，正常味道蔥吞拿魚蓉三文魚籽丼$168 — 完全唔需要調味同技巧，冇評論，係估唔到白飯都收$100，成碗野9成都係白飯石燒霜降牛小排$198 — 普通牛排，味道一般厚燒鰻魚玉子$98 — 味道普通

位於銅鑼灣中心地帶，日本野餐廳裝修以木色為格調，晚市設有套餐和定食，還有串燒日式小食等！𓅪蒲燒鰻魚飯定食原條蒲燒鰻魚，鰻魚份量多，另付有一杯鰻魚醬汁，定食中配有麵豉湯或沙律，還可以選擇要溫泉蛋或是糖心蛋。蒲燒鰻魚入口，很有口感和厚度。𓅪精選拼盤壽司定食壽司包有蔥吞拿魚蓉，吞拿魚蓉滿滿，甜蝦壽司，章紅魚壽司,三文魚子壽司，魚子粒粒大，油甘魚壽司，油甘魚新鮮。定食中配有胡麻烏冬，和前菜。𓅪追加小食三文魚刺身，雖然只是三片刺身，三文魚是厚切的，很有口感。鹽燒完隻大虎蝦，大大隻，鹽味不算太重，正好！

好掛住炸石燒牛扒 放工又去日本野食日本野餐廳環境都有啲日系和風嘅感覺好推薦 ✨極上刺身七品✨海膽份量好多有6嚿 😍其他刺身有厚切油甘魚、三文魚、帆立貝、赤貝、赤蝦全部都好新鮮鮮甜 😋晚市定食🐮石燒霜降牛小排🐮石燒霜降吉列牛小排牛小排肉質粉嫩 油脂好均匀 放上石鍋燒一燒 好快就食得有燒汁、和風醬、蒜辣同鹽可以自己調味咁香油脂嘅牛小排要配一碗白飯 加埋流心蛋 更加美味吉列牛小排表面炸到脆卜卜 加上香口嘅牛小排口感味道豐富 😋鰻魚玉子玉子好香滑 中間包住鰻魚 味道好香表面加上紫菜 木魚 點埋wasabi醬 味道更豐富

雖然聖誕會去多次日本，又可以食到美味既日本野但都仲要等多一個月先去旅行，唯有係香港搵間食日本野既餐廳頂住先餐廳裝修簡潔乾淨，以原木色調為主，設有和式卡位，充滿日本風主要提供刺身、壽司、大阪燒、石燒牛、壽喜燒、丼飯及多款日本小食等食物方面:晚市定食包括溏心蛋、沙律或麵豉湯、主食、白飯極上七品刺身 : 賣相非常吸引，有大大份既加拿大海膽、牡丹蝦、三文魚、油甘魚、帆立貝、活赤貝、章紅魚，款款新鮮，味道鮮甜石燒霜降牛小排定食 : 牛小排油花紋理分佈平均，放上迷你石燒爐燒，香滑軟嫩，再蘸上海鹽及特製醬汁，滋味無限石燒吉列霜降牛小排定食 : 牛小排外層係香脆鬆化吉列脆漿，放上迷你石燒爐燒，再蘸上芥末醬或蒜香汁，口感香口又惹味厚燒鰻魚玉子 : 晚市定食仲可以加錢有半份鰻魚玉子，軟滑既玉子燒表面鋪滿紫菜碎、木魚碎，入便包住嫩滑既鰻魚，再蘸少少芥末醬，更加美味

魚生好冰凍，似係雪藏魚生。百幾蚊一碗魚生飯又少又唔新鮮，好無誠意同好hea。而且啲魚生飯個味都好奇怪，似係用擺左好耐嘅醋整咁。見到店舖裝修都正常，以為食物質素正常，點知咁失望。

‼️必食霜降牛肉壽喜燒🐮食日本野必食日本野😝🎏日本野（銅鑼灣）今日同豬仔嚟到銅鑼灣，呢邊有好多樓上鋪既餐廳，我哋都好鍾意食日本嘢，今次特登搵咗間日本餐廳，佢個名好搞笑，真係叫做日本嘢🤣餐廳好寬敞，以木系設計，坐得好舒適，啱晒一家大細、朋友聚會🥰晚市定食好吸引，我都係比起主Menu多$10，就有飲品+沙律或者湯🥰性價比好高，份量一啲都唔少😆嘢食仲好鮮甜好好味！哩度最出名係食壽喜燒，仲有石燒牛‼️刺身都好吸引🤩今次就試吓個壽喜燒同刺身先～✨火炙蝶魚裙邊海膽丼 $198大大件超鮮甜海膽，顏色好靚，金黃金黃🤩一啲腥味都冇，充滿海水嘅鹹香同鮮味😋大大粒鮭魚卵係口中爆發🤤咸、香、鮮！一啖食晒入口😍 火炙過既蝶魚裙邊更加係不得了！超香嘅焦香味，令魚既油脂香更出眾🤩滿滿嘅一大碗真係超滿足，食過返尋味‼️✨霜降牛肉壽喜燒配烏冬 $248一上枱超驚艷‼️大大塊嘅霜降牛肉，上面嘅牛花超靚！足足有兩大塊！份量超滿足🥹 一大塊放入口中好爽😝香濃既牛味，勁嫩滑，放入口中唔使點咬，配上日本鮮雞蛋，味道更加溫純，提升牛嘅鮮味😍牛肉底下係滿滿既椰菜，菜肉均衡，牛肉壽喜燒鍋簡直無敵😋烏冬煙煙韌韌，口感一流🥰是日沙律 🥗滿滿嘅一碗

去到間餐廳以為因為過咗食飯時間所以冇乜人，點知食完先至中伏😣本人叫咗以下食物：嚴選五品刺身（其中四款刺身各有兩件，但帆立貝竟然得一件）炭燒大啡菇炭燒黑豚腩肉炭燒魷魚蟹籽沙律成為$491，真係估唔到咁嘅質素食個晏都要二百幾蚊一個人🙄，又話OpenRice度訂位會有八八折，點知原來張單都冇折到😤價錢又貴、份量又少，唔抵食之餘可以選擇嘅款式更少，刺身有少少怪味，Wasabi又奇怪味，其實真係一定唔會再幫襯囉！唔怪之得，成間餐廳冇乜人啦！一定唔會介紹朋友嚟，把鬼。完！😠訂座編號：20231007385205

日本野超多選擇🤍🤍環境好寬敞～仲好有日本feel!唐揚炸雞🐥熱辣辣，即叫即整！雞件食落好juicy💦火炙三文魚壽司🍣好肥美！油香十足！牛油果軟殼蟹卷🦀呢個值得要食！勁足料軟殼蟹配埋牛油果，好滑超好食大阪風吉列豬扒定食有溏心蛋、沙律🥗仲揀咗芝士年糕☺️☺磅多沙律菜係面，豬扒略嫌厚粉如果薄啲會更好，肉質偏腍📍 日本野 (銅鑼灣廣場) (銅鑼灣)銅鑼灣駱克道463-483號銅鑼灣廣場2期6樓#銅鑼灣美食 #旺角美食 #日本菜 #日本料理 #日本野

日本野真係港人至愛！ 我個人特別鐘意蒲燒鰻魚飯今日就來到銅鑼灣呢間日本野食日本菜😆餐廳內環境寬敞明亮舒適Dinner set 都多選擇，幾抵食，晚餐跟湯或沙律同一杯汽水石燒霜降吉列牛小排$248擺盤相當精緻，每塊牛小排都均勻地切成大細適中，色澤鮮紅， 外層炸至金黃，牛小排擺卜石燒 燒一燒做可食用，牛肉鮮嫩多汁，只需加小小鹽， 已經好好味蒲燒鰻魚定食$158 一打開定食盒蓋，聞到鰻魚炙燒的外皮，香氣十足，忍唔住吞左一下口水🤤鰻魚有一定的厚度，口感細緻嫩滑，入口即化，好滿足😌小食 ：和風柚子雞翼和 芝士年糕柚子雞翼酸酸甜甜，開胃又好味！芝士年糕，即叫即炸，口感煙煙韌韌，中間夾住濃濃的芝士🧀️兩粒我食晒

近日喺銅鑼灣廣場發現咗間日本野餐廳，以其和風木系裝修和寬敞的座位吸引到眾多食客。我哋喺一個舒適的晚上過嚟嘗試佢嘅食物，發現佢真係幾出色。.首先，環境方面，佢哋的座位寬敞，裝修風格幾chill，店員服務態度好好，食完嘅碗碟好快就清理左，喺枱面唔會擺放太耐。.嚟到食物部份，我哋嘗試咗以下幾款菜式：.🍲牛肉壽喜燒霜降牛肉片薄但嫩滑，點上日本蛋汁，更加滑口，配菜仲有豆腐、菇、雜菜等，好有牛肉的甘香。.🥩石燒吉列霜降牛小排牛肉油花分布平均，外皮鬆脆，配上店家提供既醬料，如自家製蒜蓉醬，dinner set 包沙律或者湯品，再加杯飲品，真係太滿足啦！.🍘芝士年糕年糕煙韌甘香，中間芝士濃郁，啖啖香軟拉絲，一粒都幾飽肚🤣.🐤和風柚子雞翼味道酸酸甜甜，好開胃，好有日本風味。

你地呢排有冇食日本野？🥢🇯🇵我有呀～ 去咗「 日本野 」度食😗感覺銅鑼灣呢間分店比旺角分店寬敞 『 晚餐 奉送湯/沙律、咖啡、茶或汽水一杯 』揀咗沙律、味噌湯各一。🥩《石燒霜降牛小排 💲238》🍚🥚（配日本米飯及溫泉蛋） 肉質唔韌又有肉味，用熱石輕酌兩面鎖住肉汁仲正～ 先食原味後可試試蘸醬汁提味～ 同埋食日式燒肉最緊要碗白飯～即時減膩更開胃！🍲《 霜降牛肉壽喜燒 💲248 》（配飯/烏冬）中意甜甜哋嘅Sukiyaki湯汁～霜降牛肉色澤鮮嫩，大塊且入口有肉香～入面仲有菇菌、滑豆腐、配稻庭烏冬煙韌彈牙又掛湯～🐟《 精選角切魚生丼💲178 》丼飯上面舖滿唔同嘅角切魚生，有三文魚、蟹籽、油甘魚等，仲有甜蛋，份量都多同新鮮，底下有醋飯，好味道～餐飲簡單揀咗檸茶。呢度上菜好快，店員亦會主動添水、收拾～

今日行銅鑼灣順便食晚飯，記得上次喺銅鑼灣廣場2期上面有數間餐廳，今日同朋友都想食日本野，便上去睇睇，到達6樓原來真係有間日本野，餐廳都好大，寬敞舒適。看看Menu點，有晚餐定食，乜都包曬，電子落單好方便。石燒霜降牛小排 $238配日本米飯、及溫泉蛋，晚餐定食有湯、飲品一杯，這道係必點項目，現場自己石燒好好玩，香氣撲鼻，輕燒一會已經可以入口，肉味香濃肉汁豐富，配上一碗靚日本米飯，好滿足。豚肉生薑燒丼 $148朋友點了晚餐定食有沙律、飲品一杯，再追加小食，三文魚刺身$48，丼飯份量好足，豚肉生薑燒醬汁香甜，豚肉腍軟，很不錯。