立鮨 (富達大廈)

营业中

休息中

想食立鮨好耐，之前因為要立食而猶疑，依家原來已設置左座椅，所以去左旺角分店幫襯啦！餐廳細細間，但都放到十個座位左右，沿著壽司吧枱坐，壽司師傅一整好食物可以立即放到你面前。職員好好人，會提醒我食邊樣先會更好味，亦會主動幫助我，讚！小長井蠔 $48期間限定！小長井蠔產於九州長崎縣小長井町，係日本國內人氣之選。隻蠔真係好肥美，肉身飽滿，而且味道鮮甜，口感清爽，勁正！極力推介大家食！下面放左青瓜絲我都食埋。北海道羅臼寒鰤魚壽司 $28期間限定！鰤魚係日本近海獨有，冬季鰤魚最為肥美，稱為「寒鰤」，係日本冬季具有代表性的美味。魚肉色澤好靚，肉質嫩滑。火炙松葉蟹腳壽司 $30真蟹腳，連殼一齊上證明，非常好！火炙和牛壽司 $5858蚊我覺得係值既，和牛肉質好嫩。黑松露赤蝦壽司 $24我鍾意黑松露，所以叫左呢個壽司，配赤蝦食呢個配搭唔錯。火炙牛油赤蝦壽司 $20火炙過既赤蝦依然食出鮮甜味。火炙三文魚腩壽司 $26長長一塊三文魚腩好正。火炙銀鱈魚壽司 $28火炙銀鱈魚帶有魚油卻不膩口，肉質亦嫩滑。碎蔥吞拿魚腩軍艦 $25吞拿魚腩上面放左彩色芝麻好可愛。蟹肉蟹膏軍艦 $30香蟹膏味～

老公今日想去旺角波鞋街買衫，購物之前我地就係附近覓食，經過一間壽司立食餐廳，我地都覺得好吸引，便決定入內一試。餐廳位於旺角豉油街地鋪，位置好方便，而面積比較細，裝修簡潔，圍繞料理枱放置了一行食桌，食客就直接向壽司師傅下單，而期間限定料理就會掛於牆上，日式風格感很強。餐牌選擇很多，今日選了幾款壽司和期間限定的料理。桃太郎完熟蓄蕃茄想試一試期間限定的料理，原個蕃茄浸在醬汁中，是一道涼菜冷盤。醬汁味道酸甜，加了蒜泥添加香味，非常醒胃。鰻魚櫻花蝦玉子燒食完冷盤隨即送上熱騰騰嘅玉子燒，玉子燒還在冒煙，玉子燒上放上肥厚嘅鰻魚，即時令人流口水，入口除了溫暖外還感受到玉子的甜，綿軟嘅玉子配上彈牙鰻魚，櫻花蝦的鹹香配上鰻魚香味和玉子好夾。鰻魚壽司鰻魚目測已知非常肥美，入口綿軟軟而有彈性，鰻魚肉質嫩滑多汁，無腥無骨可以放心大口吃。鰻魚醬汁甜度恰當，不會搶去鰻魚的味道，配上特製的赤醋壽司實在令人難忘。火炙左口魚邊壽司左口魚邊壽司的左口魚很厚身，入口感受到左口魚甘香的魚油，在口腔回蕩，赤醋壽司醇厚溫和的酸味提升了味蕾的滿足，不沾醬汁都已經好好味，大讚。火炙松葉蟹腳壽司松葉蟹腳有蟹肉鮮甜美，而蟹肉經火炙後滲出淡

香港食日本菜既地方好多，食壽司既店亦好多，但企係到食壽司既店好少，十分有日本既感覺，係香港第一次去體驗。環境餐廳不大，望住師傅立食，大約企到十幾人，全部即叫即整。枱面有齊綠茶粉、紙巾、濕紙巾。食物選擇選擇不少，眼花繚亂揀唔落手可以選擇拼盤，價錢亦相對上抵啲。全部都係用上成本較高既赤醋飯燒蝦頭配鮮蝦味噌湯 $15用赤味噌煮，係味噌入面顏色最深，味道最濃，再加上燒過既鮮蝦及蝦膏，飲落有燒焦過既焦香，不平凡既味噌湯。辣三文魚手卷 $15/件手卷size適中，海苔夠爽脆，辣三文魚味道剛好，唔洗點豉油已經好夠味。珍寶赤蝦壽司 $15/件果然係珍寶，好大隻，貼心地已經去尾，口感軟腍、鮮甜。火炙北海道帶子壽司  $15/件火炙過既帶子夠左少許焦香味，加上本身嫩口口感，正。火炙松葉蟹腳壽司 $30/件少食火炙松葉蟹腳壽司，但火炙有點過火，所以肉質老左啲，如果加芝士同唔火炙應該會味道同質感會好啲。火炙大吞拿魚腩海苔壽司 $48/件以整塊海苔包住火炙大吞拿魚腩，師傅會整完直接遞比你，上面仲有蒽粒調味，火炙大吞拿魚腩入口即化，帶魚油香，用海苔及赤醋飯，中和油膩感。嚴選火炙盛合 $98包括火炙三文魚壽司、火炙