鮮選壽司

营业中

休息中

大半年無黎食鮮選，都係記掛住哩到嘅火炙鰭邊(左口魚裙邊)，因為以前食都係覺得佢油脂好夠，又大塊，所以返黎回味下。今次夜晚差唔多 7 點半黎拎飛，等左一陣就入得，都有啲驚訝，因為以前要提早一兩個鐘過黎拎飛先有位。一連嗌左 3 碟火炙鰭邊，滿心期待等佢黎。等左兩個字，終於黎第一碟 點知.... 係咁嘅樣....其中一件舊飯得一半，塊左口魚邊仲碎上，好似跌左落街咁，有啲驚驚地。但係好彩地跟住黎埋另外兩碟，又正常喎。最後有職員埋黎見到，都話做咩舊壽司咁樣嘅 幫我地取消左佢，叫我地再嗌過一碟。其餘嘅左口魚都正常 油脂滿滿另外一個吐槽位就係有其他人都講過，個茶壺壞左 正常就咁推個出水口係斟唔到水，因為佢太肥。整體水準都比大半年前下降左，有待改進呢

收費主要分六款，$12、$17、$22、$27、$37、$50。分咗三次落單，仲共食咗12碟。迴轉帶因衛生原因沒有食品（只有 wasabi 提供），點餐用枱面部 PAD 自助落單，最後由自動送餐火車送上壽司。藍鰭吞拿魚併盤（$37×2），赤身（冇筋，有彈性）、中拖羅（冇筋，爽口）、大拖羅（有一條食到嘅筋，肥美，爽口）各一件。性價比高，推薦。三文魚拖羅（$22），尚算肥美，味道正常。日本產池魚（$17），有啲腥，冇下次。赤蝦（$22），彈牙，丁丁甜味。日本產帆立貝（$22），少少爽口，少少甜味。赤貝（$22），爽口，但冇咩味。山葵八爪魚軍艦（$12），都幾攻鼻，紫菜是脆的。秋刀魚（$27），輕微秋刀魚應有嘅腥味，但接受到，魚肉有啲彈牙。藍鰭吞拿魚赤身（$22），同樣冇筋，抵食。火炙鰭邊（$22），夠哂肥美，燒過油脂味更重，魚肉彈牙。日本產鯛魚（$37），好淡嘅味，比較普通。整體啲魚都係新鮮的，很好。壽司飯係手制，米飯係淡淡啡色的有味醋飯。枱面提供兩款豉油，一款帶微甜（金字品牌），另一款濃味啲（萬字品牌）。Wasabi 係磨出嚟真空包裝的（有纖維有質感的），並唔係坊間嗰啲包裝普通嘢，好有誠

📍#鮮選壽司#MFJ荃灣 #MFJ日本菜人均消費: HKD115一早去荃灣行山，心思思又想食日本嘢 @sensensushihk 🇯🇵 食壽司當早餐真係有啲誇張😂😂 其實上次嚟都冇乜好感，覺得冇咩食，今次當俾個機會😂😂其實唔係太肚餓，水準同上次食差唔多，只屬中等！照燒帆立貝同火炙鰭邊都好味，海膽好味，但紫菜林晒，其他真係普普通通！ 不過佢哋好奇怪，例如吞拿魚一塊魚生太細，佢會加多一塊喺舊壽司飯上邊，真係估你唔到🙈🙈我知係我犯賤又要食多次🤣 但係食物選擇真係少得可憐，睇嚟同一間唔會再有第三次😂😂#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #japanesefood #japanesecuisine #sushi #相機食先 #荃灣美食 #日本菜

香港人呢兩年都返唔到鄉下(日本)，只好不時去Donki shopping 來麻醉一下自己，當然少不了我，舊年荃灣Donki開咗全球首間迴轉壽司店「鮮選壽司」，當然大受歡迎， 剛剛開張頭幾星期，試過下午三時經過順便去取票，但是人山人海連取票機都暫停，冇辦法只好等遲啲先試。今日星期日中午12點同老公出去海之戀搵食，食完lunch順便去Donki買嘢， 諗住去Donki 「鮮選壽司」試試運氣，如果太多人排隊就會轉場，到達時大約12:30左右，取了二人座位票只需要等約10個號碼，等了10多分鐘就已經可以入座，太高興了。 可能近期疫情第五波，晚上6:00pm 又開始禁堂食，所以街上都少了很多人之故。進入餐廳看見共有兩條迴轉壽司帶，一條迴轉壽司帶提供卡位每張枱可容納四位客人，而另一條迴轉壽司帶則是給一位/兩位客人使用，中間有間板分隔，而且座位非常闊落， 有一定私隱度，枱面已準備有一瓶綠茶粉，自助熱水水喉，2 款原支魚生豉油，筷子及杯，Wasabi 則放在迴轉壽司帶上自取。我們坐下已急不及待在迴轉壽司帶取了一些Wasabi及幾碟心水壽司，這裏提供的Wasabi 聽說是用新鮮山葵生磨的，質感比普通的W