傅師傅甜品小食

营业中

休息中

火焰雪山係其中一個會吸引我每次係大圍食甜品都黎到傅師傅的原因之一。外面係用蛋白發成泡泡再燒的有焦的顏色，再加D朱古力醬。裡面係類似紙包蛋糕包住冰凍的雪糕，外面係熱，入面係凍，冰火衝擊！真係好正！碟邊仲有D生果，好甜好多汁正！

大約晚上11:30去到. 店內都有位 唔洗等位一行四人叫左四個甜品火焰雪山: 滿以為係我地面前點火但原來係廚房整好哂 少了驚喜同開心cream好多 但雪糕好少 cream可以燒得脆返少少食左一啖已經有唔想食既感覺豬古力鮮果窩夫:幾脆 味道幾好 賣相唔錯炸雪糕: 味道比以前差左 唔好食 以前好好食 可能轉左師傅整??豬古力金錢袋: 賣相同名字都吸引但食落又係一般食左哩次就算 唔會有下一次幫襯!!

去完大埔，我地三五知己又邊會比佢停，食完晚飯就到甜品。傅師傅係大圍好出名架，好多人排隊，今次我地好彩，剛剛有人走，所以唔係等咗好耐。我地咁多人更係叫啲大件啲，所以就叫咗楊枝甘露芒果布甸，芒果窩夫同火焰雪山。個楊枝甘露芒果布甸，好夠凍，啲柚又夠甜，同個芒果布甸好夾，而且仲有個雪糕球，夏天食夠晒透心涼。跟住來個芒果窩夫，因為芒果合時，所以我地係咁食，個芒果夠甜，同個淡淡地的窩夫一齊食好夾，佢仲有個醬比你點，味道更加一流。個火焰雪山仲係我地必食之選，因為佢有3個唔同味的雪糕係入面，個面就熱熱地，入面就透心涼，冰火的感覺係夏天解熱的好方法。講番間餐廳，因為佢地有小食又有甜品，三五知己要敍頭，就可以來呢到落腳，因為食乜都得。

大伙兒去完海天白石BBQ後，驅車前往大圍吃甜品，由於我們有8人的關係，也要擾攘一輪才安排到一張桌子給我們坐下。這夜我點的是火焰雪山，滿以為會點著火的送上來或者來到我們前面才點火，但其實是在廚房燒好才送上來的。外層的蛋白燒得微脆，配合內裡凍冰冰的雪糕一起吃，還是可以的。可惜是伴碟的生果給碟子的溫度弄得暖暖的，吃來有點怪。其他朋友所吃的甜品，聽他們所說也只是一般。