鉄火堂 (登打士街) (已結業)

今晚約咗個朋友響呢間叫鉄火堂嘅餐廳食飯，聽講幾抵食之餘味道都好唔錯。我哋叫咗一個火盛黎食，賣相很不錯，有大約十件壽司，種類都算幾多，又有壽司杯，鐘意食飯嘅朋友就最啱，另外仲有個沙律同湯，都只係百五蚊左右，好抵食。

終於可以見食到鉄火堂聞名不如見面 啲食材真係好新鮮 三色海膽丼超級正宜家 火盛 同 藍鰭吞拿魚丼 性價比超高 抵食夾大件 因為五點後有半價 九點半後仲有58蚊優惠壽司添😋😋😋😋😋😋

同男朋友喺附近做開嘢，又突然想食壽司，就去咗鉄火堂嘅旺角店。坐低見到餐牌除咗有好多款丼外，仲有外型好吸引嘅壽司盛，侍應介紹兩款壽司盛，如果喺專頁 like and comment 返其中一個KOL幫鉄火堂拍嘅片，就可以半價享用兩款壽司盛。我哋就揀咗原價$298嘅火盛，有12件壽司，兩件反卷，細細碗嘅碎蔥吞拿魚腩飯，溫泉蛋，沙律同味噌湯，半價後$149非常抵食。由於男朋友都唔算大食，另外只係嗌咗個$22兩件嘅鰻魚玉子燒，同埋男朋友好想食嘅一口炸芝士，我其實麻麻地想食，又成$35，不過佢想食就嗌咗。個玉子燒嚟到好細件，同餐牌張相差好遠，又切到一大一細咁，於是叫個staff換過碟俾我哋，再整過其實都係真係得咁大件，只係好似切得均勻咗少少，好就好在熱辣辣，但個蛋都唔係太足料，得好少層冇乜substance, 個人認為真係唔係太抵食。至於個一口芝士基本上就係吉列炸芝士，我只係食咗一舊，味道不過不失，可能因為本人唔係太鍾意食炸芝士，覺得太漏，但男朋友就讚不絕口。下次如果再食，都應該focus on壽司或丼，質素會有保證啲。一人百幾蚊嘅壽司晚飯都算係好抵。