安南 (又一城) (已結業)

平日假日見呢間餐廳都要排隊難得今日平日見唔使排隊於是入去食個LunchOrder左一個招牌火車頭首先試一試個湯底味道唔錯, 唔會太油膩, 飲得出係落過功夫配料份量多, 味道都算正常但唯一係件牛筋唔夠淋,口感差左小小

想帶家人去食越南菜，可惜香港大部分嘅越南餐館都係坐得唔太舒服，突然記起之前試過安南，都唔錯，就一於請家人嚟再食過~每次食泰越等菜式我都會叫個沙律，今次就揀札肉雞絲沙律，都幾足料，啱哂鐘意食肉嘅，對於我嚟講就多啲蔬菜會好啲~想揀個小食，諗住叫米紙卷，但畀呢個雙拼吸引咗，差不多價錢，呢個可以同時食到札肉粉卷，又可以食到札肉件，仲有芽菜拌碟。呢個係要encore嘅其中一道菜，海皇湯入面有魚肉，魷魚等多種海鮮，濃郁嘅湯仲配埋脆麵包粒，仲有份量都唔少，四個人每人都可以試到至少半碗，讚！生牛肉湯河就見得多，生牛肉豬肝湯就第一次見，一於叫一客試下，個樣真係好似生牛肉湯河，好夠味，可惜太油，鐘意食肥牛嘅就啱啲，但都不宜飲太多。另一個encore嘅菜式就係越南春卷，亦都係餐廳推介嘅菜式，佢冇某啲餐廳炸得咁油，仲有菜可以夾住嚟食，加點魚露就更好味！又試下啲唔係間間越南餐廳有提供嘅菜式，雖然叫炸筍殼魚，但唔會好多炸粉亦唔會好油膩，有啲脆口得嚟肉質好淋好滑。啱哂鐘意食魚又鐘意食香口菜式嘅我。有火車頭，當然要放棄生牛肉湯河，除咗生牛肉，仲有牛筋同牛柏葉，每樣配料嘅比例啱啱好，睇得出唔會因為成本而某啲食材多啲或者

難得放假 當然要搵好地方食好野偶然發現到以前嘅RICE PAPER變左做安南 就入去試吓啦喺門口果位姐姐嘅藍色裙都好特別 而幫我地落單嘅巧合地都係越南人.值得一讚係店員好有耐性解釋 因為見佢地都好忙落完單都有不停為我地加水, 儘管我對菜式有好多疑問, 佢地都樂意解答.下次放假會再黎試其他野 今次得兩個人試唔到太多

一直對哩間越南餐廳印象都幾好 環境舒服 食物質素一向都唔錯 但用膳時間只有個半小時 唔太適合鍾意慢慢食同一班朋友聚會嘅地方 同埋由於係又一城 所以價錢都偏貴少少青芒果蟹肉米紙卷 HKD88次次黎親都要食嘅米紙卷 一定唔會失望 份量多 都有蟹味 米紙卷好有彈性 真係會食唔停招牌火車頭 HKD98其實火車頭都好難煮得難食 湯底都濃 重香料味 但生牛肉略少 食落美中不足馬拉盞牛肉炒飯 HKD98一擺上枱就聞到濃濃馬拉盞味 飯份量都好大 又足料 飯軟硬到適中 食炒飯最怕食到煮到林嘅飯兩個人點左三個餸 都夠食 下次都會再黎食