壹蒸鍋

想一個晚飯食多啲唔同種類既野食，壹蒸鍋真係一個好選擇，除左火鍋之外仲有蒸鍋同刺身。非常適合三五知己一齊去，過一段時間又會有新既蒸品，緊有一兩種新鮮野可以比你試到。今次我地就四個人去，多啲人去就自然可以食多啲嘢啦。入座後，好快就有個日式前菜比大家先醫肚，再黎就係刺身，夠新鮮，甜蝦都算大隻。熟悉既蒸鍋又一次出現，無記錯海鮮種類無咩變，夠哂豐富，最愛既係蠔，夠鮮甜，入哂味既粉絲真係食不停。仲可以加點其他唔同種類既蒸品，醬蒸黑豚肉甜甜地鹹鹹地，幾好食。最後當然就係火鍋啦，應有既都有，最特別係竟然有黃鱔，記得唔好煮太耐，太淋就唔好食。最後食曬所有嘢抱住個肚走，大家都好滿足。（記得唔好浪費食物）

天氣轉涼，最適合係吃蒸鍋，之後仲可以火爐。約六點前入座，價錢會平些$199，已經包一盤海鮮，連火鍋和刺身任食，追加半隻龍蝦$60，我們揀了瑤柱龍躉魚粥鍋來打邊爐。不用點，侍應會將刺身送上，有三文魚、甜蝦、魷魚、蟹柳、蛋、榮螺片，好新鮮同鮮味。吃完刺身，侍應才送上蒸氣鍋，有班腩、鮑魚、貴妃蚌、元貝、龍蝦、蟶子、蜆、蠔，而我推介蟶子、鮑魚、龍蝦最好。侍應等我們吃完蒸鍋，幫我們打開早前放在蒸鍋低下的粥底，粥底吸收了剛才在上層的精華，粥的味道多了海鮮味，差點吃晒粥，無得用粥打邊爐。任食火鍋配料有幾拾種，我們點了牛肉、花膠、䐁肉、蕃茄、響玲、海蝦、萵筍，我推介牛肉、豚肉、海蝦。飲品有拾幾種選擇，包括汽水、啤酒、罐裝果汁。以連加一每人約$250，又蒸鍋、火鍋、刺身，真的好抵食。

想食海鮮又唔想太貴，依到真係岩哂心水，最緊要連火鍋同刺身都有，仲要有唔錯既水準，同三五知己一齊黎食，真係好合適既選擇。因為大家都好肚餓既關係，二話不說就先點刺身醫肚，刺身好新鮮，份量好足，好快就清哂。之後就到蒸海鮮環節，各式各樣既海鮮，包你食到滿足，龍蝦甘香，蜆大大隻，生蠔鮮甜，最重要係有入哂味既粉絲。蒸海鮮精華就流落最底層既火鍋入面，兩者互補長短。仲有唔同種類既火鍋配料可以選擇，仲有平時其他火鍋好少見既牛脷食，雪花肥牛有驚喜，岩哂鍾意食牛既我。食完好飽滿，啤酒汽水任飲，好適合飲食量大既朋友，CP值真係好高！

壹火鍋呢期流行蒸鍋，所以滿街滿巷都係，探望完奶奶，我同老公講未試過，要去試一試，他話兆萬中心有一間，上次我們吃過壹火鍋的姊妹公司，咁就來咗呢一間叫壹蒸煱啦。我們差不多六點半前入座，入座時大部分枱，都係未有人坐。而當我們食飽飽食飽飽後，八點離開時，已經全部爆滿，好彩今日放假，可以早點食，不用和其他人迫😂😂，我覺得如果繁忙時間一定要訂位先。等緊海鮮蒸的時候，先送上有剌身㗎，可以食住等，刺身都很新鮮無雪味😋😉上層放了半只龍蝦，龍蝦肉新鮮爽口和鮮甜下層：粉絲下面有寶藏（貴妃蚌、蠔、班腩、鮑魚、蜆）🤗，貴妃蚌和鮑魚最好味👍，其他都很新鮮😋食完海鮮之後打邊爐，我們叫了胡椒豬肚雞湯底，當個湯底滾起，好重胡椒味，吃了一口湯，飲落覺得有一股暖流向胃部流去，個胃即時好舒服，呢個湯底好啱女仕飲用，可以䁔胃行氣👍👍👍我們點了牛肉、脆肉魚腩、鵝腸、田雞、花膠、䐁肉、墨汁墨魚丸、菜心、蕃茄、響玲、粟米、海蝦。每種都好新鮮，我特別推介墨汁墨魚丸夠彈牙、鵝腸有鮮味😍😍貼心服務:另外當晚我著了全套白色裙，因為之前無諗過要吃蒸鍋，仲擔心會整污糟時，好彩侍應醒目，自動送上一次性圍裙，如果大家都有同感，記得問侍應攞，完全免費