好時沙嗲

营业中

休息中

八十年代尾？從前這店子曾被食客蔡瀾在電視節目讚賞。不過我當時只是住在新界老遠的中學生，一直無去食過，直至近呢十年左右才去。今日下午六時前去食，點了海南雞飯和馬拉盞炒芥蘭。飯套餐配湯和雞油飯。很多人說好時中心人少已成死場，是的，尖東也不是千禧之前多人多遊客又有夜總會。所當時只有兩枱客人。亦因此，不要以為有下午茶餐。海南雞不夠肉滑，但肯定有幾件肉很「嚡」，另外有一些肉出現「梅」的情況。雞皮下全找不到滾水淥後冷卻的啫喱狀物。雞肉間又有刀切不斷的「賴刀」情況。雞肉加鋪了一層椰菜絲。我反而覺得給用鹽煮過的椰菜更好。湯淡，欠雞或肉味，又下大量全生椰菜絲，感覺很差。飯也不覺很重的油香或香茅味，很平凡普。至於馬拉盞炒芥蘭，味道遍淡又碟底多菜水，普通。服務中規中矩。另外如想另點飲品，晚上六時前半價。

星期五夜晚約左朋友喺尖東唱k，一於喺附近醫左肚先一行5人叫左6樣餸，包括海南雞、巴東牛肉、粉絲蝦煲、星洲炒蘿蔔糕、串燒沙嗲、炒芥蘭、另加2碗油飯海南雞🐔：份量幾多；肉質嫩滑冇雪味，不過雞味唔算濃；有3款醬汁可釀巴東牛肉🐮：d牛肉好入味，個汁煮得好濃又會太油，撈飯一流；望落細兜但其實夠食粉絲蝦煲🦐：呢味菜有驚喜，同平時食開乾爭爭嗰d唔同，佢係湯浸粉絲嘅形式，d粉絲索曬蝦湯嘅味道，湯頭甜甜地好有鮮味，d蝦大隻得嚟又彈牙星洲炒蘿蔔糕：好惹味，又一送飯之選；有蝦仁有蛋有蘿蔔糕，係略嫌油左少少串燒沙嗲：(冇影相) 豬牛雞食齊，個味係正嘅，不過d肉質腍得濟冇乜咬口炒芥蘭：特登叫左佢少油，清清地中和返其他餸嘅油膩感食左咁多野每位都係$108，誠意推介👍溫馨提示：個門口好隱閉有d難搵，搵到辦公大樓既lift位轉左條路直入就會見到

原址重開嘅好時，地方好坐左好多，門口多左部機拎非仔等位，等位時已經睇定食咩餸（因為真是等了又等），感恩3口子有張4人枱坐得比較舒服，一坐低當然即刻嗌野食先，眼闊肚窄MODE IS ON海南雞飯一大碗油飯，加綠色有薑蓉FEEL嘅醬，清湯WZ海南雞，好滑！好香！黑色甜甜地，有3隻醬，整個TRAY都俾到好豐富嘅味道我地。炒蘿蔔糕辣味十足嘅炒蘿蔔糕係今次未睇menu已經唸住order嘅餸, 之前食過覺得蘿蔔糕整得好好味, 好蘿蔔, 好足料, 加埋配料炒埋一碟, 勁香炒芥蘭唔係硬bang bang嘅芥蘭串燒豬牛雞各一款嘅串燒, 係最後至送來, 個醬不錯海鮮炒河河粉好大"片"炒得好均勻同好鑊氣~ 食埋佢之後投降了，飽哂雖然開返嘅好時都咁好味，但總係無以前咁正，尤其炒蘿蔔糕....好啦！我唯有再去幫襯食真啲啦嘻嘻！

聽就聽得多，終於有朋友開口話去食呢間係尖東嘅好時沙嗲。八點上到去，冇book位，四個人等咗十五分鐘就有位，環境係一般般架啦。喇沙米粉，必食！有魚旦 豆卜 蝦仁，個湯杰杰地，米粉都算爽，好好味！四個人一人分到一碗。炒蘿蔔糕，用咗菜脯 蝦仁粒 蛋 一齊炒，似食緊甜嘅炒蛋。炒芥蘭，用蝦米仔炒，好香魚露 蝦醬個d味，應該每枱都有叫炒菜。肉骨茶，味精湯，好大碗湯 但得幾舊肉，後悔。咖哩雞，好杰 偏向酸味的咖哩，侍應話用咗酸籽去煮 酸係正常。唔好期望有一舊舊雞，因為已經煮爛哂 同個汁溶埋一齊。薄餅，脆嘅 好味！油飯，重椰香 少少甜， 唔似海南雞個d油飯，勝在夠大碗。四個女仔 埋單每人$100，飽住走，仲有好口渴 因為味精都幾勁。