澳洲牛奶公司

营业中

休息中

啲人成日話澳牛啲服務態度好差 但可能因為我由細食到大 每次未坐低都諗好食咩 反而覺得佢哋服務又好又快 完全係我嘅快靚正首選😆呢度完全令我對蛋改觀 有一種估唔到蛋都可以咁好味嘅感覺🤣每次都必叫蛋白燉鮮奶‼️奶味好香～又滑😋炒蛋唔會過熟 仲會食到有少少蛋汁嘅感覺 再配埋火腿多士perfect💯.a hk local experience would be incomplete without a visit to australia diary company ;) y’all know that they’re famous for their light speed meals & you’d definitely be amazed by their service (for all the wrong reasons) but regardless, this is one of the best places to get a heart HK style breakfast! you MUST MUST MUST order the buttery and silk smooth

雖然我喺佐敦返工，但原來食澳牛都係要講緣份。有時經過見到太多人排隊，唔想等，無去食。之後諗住搵同事幫手外賣返office食，原來茶餐(套餐系列)係無得外賣。又有次特登早閃人去食，卻摸門釘，原來逢星期四休息... 只怪我做唔夠research今日！終於食到！懷住戰戰兢兢的心情，同同事去「挑戰」下！果然由入座到嗌野食上野食都係光速！(3分鐘左右)我睇其他食評都話炒蛋多士最好味，所以我都係試呢個。多士無乜特別，而炒蛋係好味ge!!! 雖然唔係滑蛋，但有好香的蛋味！至於個叉燒意，就顯得好不堪其實都唔係好明點解澳牛有咁多個「好味」...反正人生試一次就夠了

幕名拜訪澳牛炒蛋，實地感受一下澳牛炒蛋既魔力。第一次黎到佐敦，出發之前已經睇定地圖。點知去到佐敦依然係迷路，兜左個大圈先發現原來鋪頭就係港鐵站出口斜對面。到達目的地既時候係四點左右，門口無人等位但鋪內都差唔多坐滿人。素聞澳牛既員工服務態度差，但我覺得其實未至於咁惡劣，反而仲幾風趣。話說小妹與友人係門口問一位員工入唔入得去，當時個員工應該同緊一位日本人講緊野，跟住個員工仲笑笑口咁答我地「你識日文先入得架」，之後友人仲用左句日文回應佢唔講廢話，講返D食物!我點左個茶餐要火腿通&熱奶茶，食物唔駛一分鐘就送到，速度快得驚人先講個火腿通粉，通粉外貌同一般茶餐龐相約，但略嫌太軟，通粉始終要爽口先好食，而且味道都冇咩特別。再講既係奶茶，對港式茶餐廳黎講奶茶靚唔靚係好緊要，沖得一杯茶味夠濃得黎又要幼滑既奶茶真係好考功夫。澳牛既奶茶雖然不俗，但對於本人黎講未算最好。最後就講今次來訪既主要目的—炒蛋。炒蛋應該加左牛奶去炒，之前曾經試過別家既牛奶炒蛋，但牛奶味太濃，完全蓋過蛋味。但澳牛既炒蛋果然做得相當出色，牛奶能夠提高炒蛋嫩滑既效果，又唔會蓋住蛋本身既蛋味，澳牛炒蛋果然名不虛傳!可能因為四周急速既環境影響