德發粥品專家

营业中

休息中

最近好想食「生滾粥」同「炸兩」，喺 Mee App度揾到哩間；雖然好多食評都話啲staff態度好差，但真係好想食「生滾粥」同「炸兩」，有晒兩樣又有良心嘅，真係無咩揀。『豬膶粥』$27『豬膶豬腰粥』$37➡️熱辣辣咁上，豬膶爽口；友人話豬腰有腥味，但我又唔覺，可能落咗胡椒粉⋯⋯『炒麵』$10➡️ 普通⋯⋯『炸兩』$10『即整炸兩』$20➡️原來『炸兩』係已經整咗，一早放喺度，同係細碟啲（大概係一孖油炸鬼分兩份）；『即整炸兩』係有晒成條油炸鬼，同埋即刻包，所以脆口啲；🌶️佢個辣醬有驚喜，唔係得個鹹，係真有辣味。🖍️整體：味道唔錯，同埋因為人多，啲嘢去得快，好多都係即整，除咗炒麵；至於啲「姐姐」，又無人哋講得咁差，可能心入面已經打咗底，同埋食哩啲舊式餐廳，本來就唔期望有好優質服務；對我嚟講，唔算好就腳，但想食「炸兩」，都會再嚟。📍 德發粥品專家 (荃灣)荃灣四陂坊9B號地舖。好味指數：🌕🌕🌕🌗🌑回味指數：🌕🌕🌕🌗🌑

雖然而家係夏天，不過突然之間想食粥，中午飯時間就去咗呢度試下啲粥啦！一去到佢有兩間分店嘅， 一間坐滿曬就叫我去轉彎嗰間， 點知第二間都坐滿咗個， 果時心諗，粥品都咁多人食一定係好野！諗住走之際，叫我哋上去2樓， 當然大家唔好幻想係好靚裝修啦，都係舊舊殘殘。 但係我反而幾鍾意呢啲地方食嘢！因為有另一番味道！喺二樓呢就要守得住噪音！因為佢哋係咁嗌咪落去搵嘢食上嚟呢度啲粥好好食每一碟又好大碟！正！同埋真係好平好抵食！食粥係要係呢啲地方先好食！

尋日(21-1-2018 Sun)朝同老公落荃灣買餸,老公話食粥,咁o黎呢間啦,我o地去到,o岩o岩係最多人o既時間,坐低諗好耐至諗到食咩o野,我要$34.00o既腰膶粥,$9.00o既炒麵;老公要$25.00o既肉丸粥同$7.00牛脷酥.落完單,牛脷酥同炒麵即上,睇見牛脷酥唔油膩,食落重脆卜卜,甜甜地,唔錯. 炒麵係凍,味道消淡,加麻醬食,正.之後老公o既肉丸粥到o黎,睇見肉丸唔少;好耐,我o既腰膶粥終於到o黎,材料同樣唔少,豬腰乾淨冇異味,口感佳;豬膶正常地甘苦,粥底好似稀o左啲.食o左半碗同老公對調,佢o個碗清淡啲,肉丸有啲陳皮味,口感鬆軟.食完後埋單,重買多件牛脷酥俾爸爸食.味道係3.7分, 抵食係2.7分服務:男o既大叔冇問題,但兩個亞姐就麻麻,冇乜禮貌,尤其是短直髮o個個.對上一次o黎食原來已經係一年零三個月前o既事,o個個食評: https://www.openrice.com/zh/hongkong/review/%E5%94%94%E7%9F%A5%E9%BB%9E%E8%AC%9B-e2665511

今晚天氣涼涼地，食返碗粥當宵夜先，價錢方面，可能因為最低工資不停加，所以店舗食品既價錢都跟住個勢，略加了。炸兩$9（即蒸$15）凍冰冰，太多豉油白粥$7比起艇仔粥$15仲熱辣辣。所有炒粉麵$9一碟，雖然都係凍的，但份量一定滿足到大家

       大約7:05pm放後工去食Dinner,點知都幾多人,有2/3的人客呢,幸好岩岩好找到一張在店內的餐桌,未試過呢道o既糖水,所以試下先~ 番薯糖水 $8大碗,不過略為甜,充滿番薯的味道,而且有好多件番薯,口感good!暖笠笠~北菇滑雞粥 $20雞件係足料,但係北菇的份量真的不太多,我諗只有1隻菇,不過將佢切件only,整碗粥都充滿雞肉的味道,粥內無碎骨~有少許薑條,附蔥花及花生,很惹味!加上好大碗呢炒麵 $7真係好大碟!職員盛到成座山咁高的炒面,有蔥條,芽菜,紅蘿蔔切絲!食得多當然有點兒肥膩的感覺腸粉(一底) $8相比起$5的腸粉較為大碟,因為一齊share的關係,又想每人食d,所以叫左1底~幾軟滑+爽口!good 媽子叫左碗綠豆沙$8Total: $51~真係抵食!我地兩個人食咁多野,哈哈~有位太太佢搭枱再落單,waiter無幫果位太太出單.一定係以為我地叫咁多野食,係我地3人share吧~哈哈