香料咖哩皇 (已結業)

今日難得假期放假,所以同朋友去左尖沙咀食個印度野,成間餐廳既裝修風格都好有印度既風味,服務員既招呼都好有禮貌!食野方面,去印度野識食緊係食燒雞啦!由於唔食得辣既原故, 所以我地叫左衣個炭烤香燒雞,個燒雞係用鐵板上既,夠熱之餘,一路食住其他野都唔會凍得咁快唔好食! 另外叫左個必食既咖哩角, 個咖哩角大家記得一定要趁熱食,因為熱食真係同凍左食分別真係極大, 熱食果時入面D汁流出黎,真係好好食!總結而講,衣間印度野都真係幾唔錯,特別係個炭烤香燒雞同埋個咖哩角,熱食都真係一流~如果大家行開去尖沙咀又想食印度野,就記得黎香料咖哩皇黎試下啦!!!

食印度菜首選一定係重慶大慶, 不過每次未入到重慶就比班印尼人圍住搶生意的確有D怕…而今次經朋友介紹, 去左間新開既印度餐廳食個dinner~ 好易搵, 重慶大廈行到最入部lift上4/F就到!前菜聽說入黎必食既係呢個 炭烤香燒雞 (HK$78) , 果然冇講錯!完全醃得非常入味, 雞肉放係鐵板上, 熱辣辣, 香噴噴咁上檯, 侍應先將檸檬汁支係雞肉上, 令香味更加突出!! 雞肉嫩滑, 推介!! 由於上面呢個好食既關係, 我地再order左個炭烤雜錦 (HK$138) 黎食, 有羊肉,雞,豬肉,同埋魚塊, 但始終覺得雞肉既比較好食!但如果想試哂餐廳唔同既肉類, order呢個係滿足哂要求!食印度菜點可以少得咖哩同印度薄餅呢~Order左個印式咖哩蝦 (HK$85), 但因為個咖哩太濃, cover左蝦本身既味道, 開邊蝦都帶點爽口, 而重點在於咖哩汁, 甜甜地又少少辣, 帶點椰奶味 沾上印度薄餅 (HK$15/份), 飽肚之餘又食得夠正宗…(呢個係4人份量) 呢個牛油雞 (HK$75) 既椰奶味好出, 如果唔食得辣既朋友, 可以試試呢款, 味道近似唔辣既咖哩汁 最後仲叫左個 印式黃飯 (H

作為香港人，我還是第一次去重慶大廈。或許不少人也會擔心品流複雜，但其實印度人們也是熱情罷了哈哈。店內有着印度的氣氛，播着印度MV和掛了印度畫作，不少印度人也來吃晚餐。___『烤脆餅塊 Papadoms』是免費的前菜。其實是胡椒餅，可以沾薄荷醬汁吃！有職員懂得廣東話，便提醒我們要趁熱趁脆吃☺️。『咖哩角 Samosa$30』✨ 員工推介！第一次吃印度的咖哩角，我覺得這個比平常的更好吃。用烤焗的方式比較沒有油膩感，而內裡的咖哩薯泥與青豆配合得好。『炭烤香燒雞 Trandoori Chicken $78』嘩這個以鐵板上，一上枱便「咋咋」聲，與洋蔥一起煎非常香，可再加檸檬汁，嘗其鮮味。雞件非常「重手」大件，雞脾雞胸肉質嫩一人吃兩件已經很飽足了😋。『印式咖哩鮮蝦 Prawn Curry $80』不用怕辣，咖啡比較鹹，沾薄餅是常識。蝦隻新鮮又大隻，頗為驚喜！而且數量適當。『印式烤餅 Naan $15』#可一可再✨ 這個應該是店自家製，非常香的麵粉味，而且烤得鬆化，沾咖哩好物！『印度雪糕 Kulfi $45』貪新鮮一試，卻不如想像。雪糕並不冰的反而是暖，而且質感屬糕狀，也不曉得如何形容那些汁的味道了。