Brooklyn (已結業)

心血來潮，想食個靚西餐，一個客都冇，由我包場，其實係閒日晚上六點，入座時間尚早啫。㨂咗個靠窗嘅位坐低，再欣賞下餐廳嘅裝潢，原來只要點選餐牌主菜，就可以免費任意享用沙律吧，入黎嘅時候已經俾佢深深吸引住…沙律吧有多款菜類選擇，而且外觀極為吸引，已經急不及待出去拎。沙律吧有雜菜紅湯丶蘑菇湯丶芝士粟米粒丶煙燻火腿丶炒椰菜花丶菠蘿片丶粗幼薯條丶炸雞粒，餐包等等，十分豐富。當再次出去拎湯飲，返座位同時，離遠已經聞到濃烈嘅炭燒木香味，原來我叫嘅＂炭燒厚切蘋果木煙豬腩＂已經送上枱喇！一堆嘢食，一時唔知食邊樣先，先飲湯，雜菜紅湯，清。蘑菇湯，濃郁，茹味出，我鐘意。沙律菜新鮮爽脆，食得出高質素。煙豬腩，一刀切落去一睇，厚身半肥瘦，食落外脆，肉質略為偏硬，帶有陣陣蘋果木煙燻香味，豬肉味濃，好味！有韓燒豬腩肉感覺。隨著太陽落山，原來餐廳嘅燈光係極為偏暗，燈光伴美食，靜靜享用，另有一番情調。

今晚係Girl's talk.. 朋友指定要去旺角新世紀度食.. 咁我地都勉為其難揀左間新野去試.. 一早網上訂定位好方便.. 哈哈.. 係新世紀五樓格調都唔錯不過燈光就真係暗左啲.. 我地揀左近窗邊高枱坐別有一番風味.. 我地四人行點左3個dinner sets.. 跟餐會有一個小食.. 檸檬胡椒脆雞粒: 雞粒係整粒雞肉.. 我覺得如果用雞軟骨會更加好.. 而且雞粒外皮不夠脆.. 色澤睇上去都無金黃色.. 唯一好就係有醬汁可以中和一下雞粒嘅熱氣.. 富士蘋果沙律: 第一次食九芽呢個菜種.. 好硬身又乾.. 總算有少少芝士汁中和一下.. 松露蘑菇湯: 松露味不多.. 但勝在有我最喜歡蘑菇.. 蘑菇味很濃.. 野菌汁燒肉眼牛排配松露薯條: 肉眼牛扒侍應居然無問我地幾熟.. 當然一上枱就有點失望喇.. 差不多已8成熟.. 肉汁已不多而且較多筋難咬口.. 幸好有野菌汁.. 薯條本身已有松露味幾特別.. 不過同茄汁不太夾.. 唔點汁會好味啲.. 不過值得一提係茄汁都係自己調配架.. 煙肉忌廉意大利飯: 非常juicy嘅意大利飯.. 濃濃嘅忌廉同牛油味.. 呢個sauce 真係無得輸.. 煙肉只