泰屋

营业中

休息中

這間泰式餐廳位於旺角的彌敦道726號，主打地道又正宗的泰國料理。店內環境寬敞舒適，牆身及窗邊擺放植物裝飾，充滿優雅浪漫氣氛，適合約會或多人聚會。泰式蛋包金邊粉伴蝦 - $98香煎虎蝦肥美飽滿，爽滑彈牙好鮮味；整塊煎蛋覆蓋著好嫩滑，又有豆腐乾及芽菜等配料；煙煙韌韌的金邊粉酸酸甜甜帶點蕃茄味，可加入一點花生碎和辣椒碎，味道更有層次。原個菠蘿海鮮炒飯 - $106金黃色的炒飯粒粒分明充滿鑊氣，吸飽清香鮮甜的鮮菠蘿汁，口感清新不膩，鮮蝦、青口及魷魚等海鮮提鮮，還有雞肉、菠蘿肉、肉鬆、青豆及紅蘿蔔等非常豐富。泰式珍寶拼盤 - $148每種小食均有四件，份量十足。金黃酥脆的蝦餅毫不油膩，結實的蝦膠充滿彈性；泰式魚餅的魚肉中混合著檸檬葉及豆角；素春卷外脆內軟；雞中翼嫩滑多汁。泰式沙嗲(半打) - $92即叫即燒的串燒掛滿飽滿的雞肉及豬肉，嫩滑多汁而不乾柴，有著濃厚的肉香，蘸上濃稠的沙嗲醬更惹味。炭燒豬頸肉 - $88一片片厚度十足的豬頸肉，油花分布均勻，肥而不膩，爽滑富彈性，炭香四溢。椰汁西米糕 - $14/件班蘭包裹著帶陣陣葉香，濃郁椰奶好香滑，晶凝通透的西米露好爽彈。泰式奶茶 - $35熱檸檬水

呢間係近年我最愛的泰菜餐廳之一，每次都食到好飽，食物份量同水準依然keep到。🐖炭燒豬頸肉$86豬頸肉兩邊炭燒到乾身得黎又保留肉汁，食落好脆口，好似燒乳豬甘脆🫢，點上特制的泰式醬汁，酸中帶少少甜，增添了惹味口感。大推👍👍👍👍！🍤菠蘿海鮮炒飯賣相好吸引又大份，炒隻上面上面仲有好多海鮮，配料仲有雞肉、鳳梨🍍、腰果、肉鬆等等。用料好豐富，食落非常滿足💯。🥬醃肉生菜包份量真係好多，生菜洗到好乾淨同埋幾新鮮，包住酸酸地又帶少少辣嘅碎肉一齊食好開胃🤤。甜品🍧：椰汁糕、大菜糕之前每次食千層糕都好正，今次點呢兩款都好正。大菜糕入口爽脆，一件切開做兩舊。而椰汁糕超有驚喜，好濃郁的椰汁味，令人齒頰留香回味無窮。🥭芒果沙冰勁多芒果肉🥭，吾會食到成口冰，而且大大杯，芒果都幾甜，必點👍👍👍！

📍🇭🇰 Sawadee Thai 泰屋@旺角.返左全日工，大家都攰啦，一起出旺角食好西！😋🤭一個想食酸酸甜甜，一個想食辣野，大家二口同聲就話食泰國野啦！.旺角有間叫泰屋，睇落好吸引，瞬間去左泰國旅行之旅🤭🤭.我們分別叫左📝前菜：📌 醃肉碎生菜包 {HK$96}- 好正呀，生菜夾住沙律及肉碎，味道很夾！.📌 青木瓜沙律 {HK$78}- 十分開胃！.小食：📌 炭燒豬頸肉 {HK$88}- 燒得不錯👍🏻 豬頸肉很入味！.主食：📌 干炒泰式蛋包金邊粉 {HK$98}- 份量很多很夠飽👍🏻.飲品：📌 泰國椰青 {HK$48}📌 珍多冰 {HK$38}.各式甜品{HK$14/件｝：📌 椰汁西米糕📌 千層糕- 泰式甜品真係好出色！成晚重點🤭🤭.真係提供好多款泰式餐點🥘，下次再食過！😋😋

為了對抗Blue Monday，約左朋友去旺角食泰國菜，再去行下街。炭燒豬頸肉 $86份量多，肉質爽口，配上泰式酸辣汁，味道更開胃惹味。泰式乾炒河 （牛肉） $86有不同的配料，均勻沾上醬汁的蔬菜、蛋、牛肉同河粉，鑊氣十足，調味不會過鹹。原個椰盅海鮮焗飯 $92份量驚人，是飽肚之選。一上枱已經聞到香濃的椰汁香味，除了脆口的腰果、蝦、青口、魷魚，表面更有炸至脆身的椰絲，食到中間會有嫩滑的椰子肉、提子乾及雜菜粒，豐富的材料加上由椰汁及椰青水烹調的焗飯，口感上有不同的變化，鹹甜鹹甜的味道令人不自覺一啖接一啖。鮮芒果糯米飯 $48芒果香甜，加上雙色糯米飯，是開心的飯後甜品。泰國椰青 $48冰凍清甜，食泰國菜必點的飲品。餐廳環境同食物味道都不錯，而且份量大，是抵食的晚餐選擇。

👨🏻‍🍳泰屋 (旺角)📍旺角彌敦道726號2樓 「旺角泰國菜有驚喜😻」 旺角search泰國菜，見到泰屋評分幾高，試下😝星期一收工食，1900已經滿座，閒日喎🥲吾算好大，但系坐落舒服🤤🫶🏻 👍🏻🍽️炭燒豬頸肉 $86醬汁微辣酸甜好開胃😻豬頸肉好大塊，肉質有咬口，炭燒脆邊，有兩種口感，好味😝👍🏻👍🏻 👍🏻🍽️蒜蓉炒通菜 $76本身不太食得辣，今晚又想清清地，所以叫左蒜蓉炒😝有驚喜！！😻清得黎好有鑊氣，但系通菜吾會老，仲好脆！！🤤 🍽️泰式干炒河 (雞) $86蛋同河粉都好有鑊氣，勁香口🥹🫶🏻第一啖試河粉，「哇」左一聲🙈好少有干炒河炒得咁香口，吾同香港既乾炒牛河🤤平時食得多乾炒牛/豬河，試試雞🤣um🙈下次都系牛/豬好了😝 👍🏻🍽️醃肉碎生菜包 (豬) $92staff好好人，我地問可吾可以盡量少D辣，佢話得🥹🫶🏻真系小小辣！！第一次食小小辣既生菜包，但系仲keep到個份惹味同香口😝食吾停，想encore🤣🫶🏻平時辣到一塊起兩塊止🙈 🍹泰式奶茶 $35！！要撈撈底，甜味系底！！系thai tea味🤤 🍹龍眼冰 $36正常🤤 #泰屋

收工同朋友食泰菜一上去都坐滿晒人非常熱鬧醃肉碎生菜包 88肉碎香辣惹味充滿泰式風情的香料配試清新爽脆既生菜🥬酸酸辣辣非常開胃炭燒豬頸肉 82爽口彈牙 香口又惹味外層香脆 炭香四溢再配上泰式酸辣汁食泰國菜必叫！泰式生蝦刺身 108作為前菜小食生蝦新鮮 肉質厚肉彈牙配埋生蒜同辣椒一齊食加生蝦蘸汁 好食😋原個菠蘿海鮮炒飯 98材料豐富有青口魷魚仲有粒粒菠蘿飯底帶有少少甜味 色香味俱全珍多冰 35 菠蘿冰 35 最後加上特色野飲 🧃

今日放工太肚餓，決定就近係旺角食個晚餐。但因為時間尚早，仲係𝟓點尾，周圍嘅餐廳仲未開始做晚市，一路行一路搵，終於係彌敦道𝟕𝟐𝟔搵到間叫「泰屋」嘅餐廳坐底食個晚餐。我本身其實唔係好食得辣，但偏偏又幾鍾意食泰國野。每次都好似挑戰緊自己味蕾咁。今次因為太餓啦，所以叫咗好多野食。𝐎𝐫𝐝𝐞𝐫:⧐炭燒豬頸肉 | $𝟖𝟎⧐馬拉盞炒通菜 | $𝟕𝟐⧐黃咖喱牛筋腩 | $𝟗𝟐⧐印度油酥餅 (𝟐件) | $𝟑𝟔⧐醃肉碎生菜包 | $𝟖𝟓⧐泰式生蝦刺身 | $𝟏𝟎𝟖⧐泰式奶茶 | $𝟑𝟎⧐𝑺𝒂𝒘𝒂𝒅𝒆𝒆 𝑻𝒉𝒂𝒊 𝑺𝒑𝒆𝒄𝒊𝒂𝒍 | $𝟑𝟖炭燒豬頸肉燒得好香口，入口脆脆地，配埋個醬料勁好食，唔會太油膩。馬拉盞炒通菜係每次食泰菜我一定會叫嘅菜色，其實佢有幾種煮法揀，仲有飛天／蒜蓉，不過我個人都係鍾意馬拉盞炒多啲。呢間炒得幾好食，唔會太重味精味，唔錯！另外叫咗個黃咖喱跟牛筋腩，配咗個印度油酥餅，油酥餅點咖喱食真係一流，而且佢啲牛筋腩好重牛味，好正。醃肉碎生菜包係我每次食泰菜都要面對嘅一個極大挑戰，因為好多地方都整到好辣好辣，次次食完都辣到食唔到落去。但呢間唔會，小小辣、重酸味，係我好推介嘅一個菜式。泰式生蝦刺身

呢間泰國菜之前都想黎食，放工時間非常之多人，今日星期日時間尚早就過嚟試吓。夜晚6點黎到，都仲有好多位，環境都坐得幾舒服。炭燒豬頸肉 ($80)豬頸肉份量都幾多，一份超過十塊，點佢嘅醬汁非常之開胃，呢個醬汁唔係普通嘅酸甜醬，係比較重檸檬味。醃肉碎生菜包 ($85)肉碎生菜包一上枱非常大份，食落極之惹味，食得出泰國嘅香料味好足夠，如果可以辣多少少就仲正啦。馬拉盞炒椰菜苗 ($82)炒通菜就食得多，椰菜苗唔係間間餐廳都有。呢碟菜火候炒得啱啱好，椰菜苗都好嫩。印尼海鮮炒貴刁 ($88)碟貴刁炒得好有鑊氣，海鮮方面有蝦，青口同魷魚都各有兩件。仲有我真係好鍾意佢呢個闊嘅河粉，食落超滋味。泰國椰青 ($42)黎泰國餐廳點少得椰青。原個椰青超清甜，入面嘅椰青水好多，上枱差啲滿出黎咁制，飲完啲椰青再用匙羹食埋佢啲椰青肉，畫上一個完美嘅句號。我同友人食完大概七點半左右，全場超過一半滿晒，呢間泰菜餐廳幾值得推介。

之前嚟過726呢度食嘢，知道呢座大廈有好多餐廳，今日咁啱同個同事過開嚟旺角做嘢，就諗住嚟呢度食個lunch，一到樓下有個阿姐，好落力咁派緊傳單，見到佢咁落力為你好，都希望佢得到分數，所以就誤打誤撞嚟到2樓嘅泰屋。呢度嘅lunch set確係平，四人套餐埋單每人都唔使$100。一人餐仲更加抵，仲要免收加一服務費。落單後，店員會先奉上每人一碗冬陰功湯，佢嘅冬陰功湯完全唔辣，酸酸地好開胃。我哋叫咗一個金邊粉，金邊粉有蝦、青口、魷魚各一件，雖然配菜唔太多，但份量都足夠，味道亦唔錯，所以絕對對得住個價錢。咖喱最好就係配法包，我哋揀咗最唔辣嘅黃咖喱，真係完全唔辣，只有香甜嘅味道，蒜蓉法包有三件，烘得非常脆口，真係非常好嘅配搭！咖喱我哋選配咗牛肉，除咗牛肉之外，仲有大量蔬菜，所以都算係一個健康之選！另外叫咗一份泰式豬頸肉，佢嘅肉汁都係帶點酸味，都幾特別。我同同事分別叫咗青檸梳打同埋珍多冰，雖然要加少少錢，但係都抵飲嘅！以今時今日嘅物價嚟講，呢度嘅食物CP值係極高，有機會路過要食個quick lunch嘅話，呢度真係一個非常好嘅選擇！

常常在旺角市中心尋找美食，不難發現近油麻地的一座大廈「彌敦道726號」有不少令人注目的美食，之前也去過這裡吃晚飯，感覺其實真的不錯，環境比一般的餐廳好，食物的味道也在水準範圍。這次找了一間不太昂貴的泰國餐廳，都有一段時間沒有吃泰國菜了，很是想念呢。以泰國菜來說，這裡的價錢真的非常便宜，但向來也是小食比較昂貴，要七十至八十多元，不過款式都很多，有一款「恐龍蛋」和「芝士炸彈」，兩款的名字都很搞笑😂粉麵飯的款式比較多，也有分辣和不辣的，不太能吃辣的人吃沒那麼辣的會好點吧。這間的粉麵飯也有特別的款式，譬如是手撕雞湯粉、泰式乾炒河和濕炒河。想不到椰青那麼快就來了，這裡的椰青非常美味，比起一般泰國餐廳的椰子味更濃郁，份量也好像較多？怎樣喝也喝不完似的😂喝完還可以用匙羹刮裡面的椰肉吃吃。馬拉盞炒通菜想必是每一間泰國餐廳都有的菜式，為何人們通常不愛吃菜都那麼愛吃這道菜呢？勝在有更香的醬汁味，馬拉盞基本上和通菜融為一體，吃每一口通菜都能感受到馬拉盞的香氣。這裡最有名的是醃肉碎生菜包，生菜包的確有它的吸引之處，就這樣吃肉碎就會感到很膩，但配以生菜來吃剛剛就能達到中和的作用。醃過的肉碎也不至於太辣，味道剛好

今日搵食黎到旺角，一早聽聞係旺角道同彌敦道交界位置多左一座好多野食既商業大廈，而今日我地就黎到呢到搵到間泰菜同大家介紹下。一上到2樓，門口已經好泰國風，裝修都以木材為主，環境都唔錯，不過當日去到見到好多團餐既遊客，驚中伏😂但黎左d食物後就安心返好多😂首先我地叫左個小食拼盤開下胃，包括左魚餅，蝦餅同春卷，三樣都非常香口，加埋泰式酸甜醬都幾唔錯，呢個價錢食到算抵👍🏻👍🏻跟住再叫左個炭燒豬頸肉，肉身非常爽脆，加埋泰式辣醬就梗加惹味～仲有值得一提既係佢個椰盅海鮮焗飯，一黎到份量多到嚇親，海鮮都係放面頭為主，椰汁流哂出黎一上台就聞到椰香，抵食!😆最後我地仲叫左個椰青，近排天氣咁熱，飲返個清甜既椰青認真唔錯架😋😋🔹迷你小食拼盤 ($82)🔸炭燒豬頸肉 ($80)🔹原個椰盅海鮮焗飯 ($88)🔸泰國椰青($42)

臨測驗受死之前食個靚靚下午菜，上網搵一搵決定食泰屋，點解？因為午餐$50都唔駛，仲有特價小食同$20-30既下午茶。綠色既椅子同梳化連同落地破璃既仿樹葉裝飾，共同營造一個綠悠悠既環境。天花板以木砌成井字型幾靚。叫左兩款小食好快上菜。炭燒豬頸肉燒得非常香囗，入口唔膩，質感仍然保持乾爽。另一款小食係馬拉盞炒通菜，夠鑊氣特別惹味。份量亦夠多。越式肥牛河粉超大碗，湯好清甜，更滲透淡淡洋蔥獨特香味。河粉唔會一舊舊咁。泰式燒雞扒飯又係大大份，雞扒燒得非常香口，肉質唔會太鞋。每人各叫一杯三色冰同椰汁冰。泰屋最正既係有免費wifi，密碼仲會寫埋係餐牌，唔需要特登問職員攞密碼。整體來講，午飯真係超抵，迫不及待搵日再食。

好耐無食泰國野，今日同男友過黎食個lunch~價錢超抵😍最平$50蚊都唔使，仲送野飲同埋湯。✨炭燒豬頸肉（$45): 呢個豬頸肉超好食，食落爽口多汁，唔會燒到乾爭爭。外皮帶小小脆，加埋面頭d 炸蔥同個酸酸辣辣既汁真係勁惹味👍🏻 ✨紅豆冰（$10): 呢個紅豆冰，顏色好白，因為係椰汁底黎，椰汁味勁濃，我最鍾意～～✨送既酸辣湯，雖然我唔食得辣，但佢呢個辣唔算勁只係微微辣，估唔到我又接受到😆， 飲落都幾開胃，不過唔夠熱。✨乾炒泰國金邊粉（$50): 份量都唔少， 配料仲有青口，大蝦，魷魚，豆乾，蛋，芽菜，櫻花蝦～～大蝦爽彈，青口都有鮮味，係魷魚比較淡口。✨個金邊粉炒得乾身仲幾彈口，質感保持煙韌，味道帶小小酸但唔會太搶，都幾好味。✨泰式豬手飯（$65): 個豬手好好味， 豬皮好腍好滑好入味，充滿膠質既感覺🤤連d 肉都好腍～～ 個汁撈飯正👍🏻個底仲有好多菜添。 最後飽到個金邊粉都食唔晒，呢間餐廳實在泰抵食

2019年1月23日。晴。旺角。除咗日本嘢，泰國嘢都係另一至愛～呢日就卜咗枱食呢間泰國餐廳成個場唔算大，建議卜枱，因為餐廳都好受歡迎我哋共點半左右上到去，前面有個無卜枱嘅客，已經要等到八點半先有枱餐牌有晒啲散叫嘅菜式，另外都有套餐，但就四人餐起計醃肉碎生菜包，$85少少辣，多多趣～豬肉好惹味，仲有肉汁，唔會好乾身包成生菜包就更清新份量非常多，生菜食晒仲有好多肉碎，最後撈埋落個飯度加餸，又夾喎！一流！炭燒豬頸肉，$80豬頸肉份量亦絶不欺場肉質爽脆，再加埋個鹹酸醬汁，泰式風味湧晒出嚟～冬陰公鮮蝦炒飯，$85一直都非常鍾意冬陰公湯，有時仲會喺屋企自己煮添～見到餐牌上有呢個冬陰公炒飯嘅組合，覺得好神奇所以喺好奇心驅使之下就嗌咗，想知會係咩味結果原來係好夾喎！冬陰公味還原度高，有香料味、有酸味、配料都齊埋，正！泰國金柚鮮蝦沙律，$98柚子唔似平時啲沙律咁係一粒一粒嘅，呢個沙律嘅柚子係成梳成梳嘅！用料十足～沙律醬亦較濃郁惹味～泰式奶茶，$25色澤金黃，茶味濃厚～清甜好味～～

老友就黎生日🥳，佢地話好耐無食過泰國菜，就提議黎試下泰屋😋佢喺旺角中心附近，都算易揾，天橋落黎就係，棟大厦係無名嘅🤷🏻‍♀️，就係叫7️⃣2️⃣6️⃣，朋友一早就book左枱🤪，等齊人就上去。入面環境幾光猛💡，係略嫌枱距離比較密🤨。炭燒豬頸肉🐷: 燒得好腍, 好香🤤, 一黎到已經好快清左碟😋。串燒 (🐮, 🐔): 一個order係有半打, 但食食下先記得影相😅, 兩樣都好食, 一ｄ都唔乾, 仍然好juicy!豪華泰式拼盤:  有魚餅🐟, 蝦餅🦐, 素菜春卷🥬同雞翼🐥，雖然全部係炸，但都係唔會乾，我最喜歡素菜春卷。泰式鳳爪: 唔太喜歡食生洋葱嘅我🙊，覺得呢個一般，份量亦唔太多，不過不失🤓。炭燒金沙骨: 我有理由相信呢度ｄ炭燒真係用炭爐燒♨️，有陣炭爐嘅獨特香味。馬拉盞炒椰菜苗🥬: 好多馬拉盞，好惹味，唔算太鹹。原個菠蘿🍍咕嚕肉: 呢個係一般嘅咕嚕肉，無乜驚喜。蟹肉🦀炒飯🍚: 呢個炒飯反宜唔錯，炒到粒粒分明，係淡左少少，不過同ｄ餸一齊食就啱啱好👍🏻。蝦醬炒鮮魷🦑: 蝦醬味唔太濃，魷魚好爽口唔會韌，炒得夠乾身。最後，食泰國菜當然唔小得飲象啤😎🍺......