泰屋

营业中

休息中

临测验受死之前食个靓靓下午菜，上网揾一揾决定食泰屋，点解？因为午餐$50都唔驶，仲有特价小食同$20-30既下午茶。绿色既椅子同梳化连同落地破璃既仿树叶装饰，共同营造一个绿悠悠既环境。天花板以木砌成井字型几靓。叫左两款小食好快上菜。炭烧猪颈肉烧得非常香囗，入口唔腻，质感仍然保持干爽。另一款小食系马拉盏炒通菜，够镬气特别惹味。份量亦够多。越式肥牛河粉超大碗，汤好清甜，更渗透淡淡洋葱独特香味。河粉唔会一旧旧咁。泰式烧鸡扒饭又系大大份，鸡扒烧得非常香口，肉质唔会太鞋。每人各叫一杯三色冰同椰汁冰。泰屋最正既系有免费wifi，密码仲会写埋系餐牌，唔需要特登问职员攞密码。整体来讲，午饭真系超抵，迫不及待揾日再食。