日本野 (銅鑼灣廣場二期) (已結業)

日本野，啱呀就係食日本野，係銅鑼灣廣場二期，旺區既餐廳，但環境都好寬敞舒適，和風木系設計，舒服又夠Chill🥳有生啤供應，忍唔住飲杯Asahi Draught爽一爽再睇食咩🍻主打居酒屋食物，丼飯、壽司、刺身、鍋物、串燒等都有，好多人食石燒添，勁香🤤串燒時間🍢炭燒雞肉，一份有兩串，都算幾抵下，雞肉勁嫩滑，相當好味，調味都好正👍🏻🐻勞蘇食🐻推介——炭燒大啡菇，成舊大啡菇一分四，燒得超香又好味，勁勁勁多汁😍鍾意食菇既唔使諗，必食🖖🏻除Asahi外仲有1664 Blanc Draught，充滿花果香，夾日本野都正😎炭燒牛舌串，厚切牛舌，焦香配埋超好味醬汁，牛味好濃，正😋炭燒魷魚串，原隻魷魚去做串燒，真係好有炭燒風味，其實其他串燒都係🔥好鮮好濃味，相當好味既燒魷魚🦑厚燒鰻魚玉子，賣相幾好，鰻魚同玉子好夾，仲好細心咁配個芥末醬加小小魚子，個味真係升級左❣️超高性價比既日本野，想飲多啲仲有生啤既Tower😛食物環境都正，係時候bookmark下✨

日本野餐廳是由我好姐妹推薦給我，餐廳裝潢簡潔乾淨，日本式風格以木為主，日式燈籠溫馨的燈光，面積不算太大,枱與枱之間有足夠距離，坐位都坐得滿舒服。打開餐牌感覺食物類型多元化，有壽司、玉子燒、刺身、石燒吉列牛、串燒等，應有盡有，價錢不算太貴。芝士煎餃子 HKD78煎餃皮薄，餡料亦不算少，煎出來非常香脆，再配上面上的芝士添加口感豐富。炭燒魷魚串 HKD58成只上用竹籤串好，依自己喜好切片或切長條狀均可，外形美觀，香嫩可口，燒烤汁味道較為濃厚。極上七品刺身 HKD368刺身有牡丹蝦（好大只蝦肉極富彈性，鮮爽無比，甘甜濃郁）、油甘魚(清爽) 、三文魚(甘腴肥美)、海膽(味道甘甜，入口即溶）、吞拿魚（充滿彈性，肉質爽口）、帆立貝(肉厚實甘甜）、整體上口感上佳且平衡，回味無窮。牛油果軟殼蟹卷 HKD138眾多款壽司手卷中我最愛食軟殼蟹手卷，因為口感最為特別，賣相仲好吸引，壽司飯包里炸至香脆的軟殼蟹，－口咬下去一軟一脆松脆的口感特別之美味。