彈彈旦 (已結業)

彈彈旦，魚旦真的好彈牙。炸旦$22/10粒，炸得香脆，值得一試。但撈麵真的不要試，點了煙肉芝士汁，結果店員只是隨便放了芝士在撈麵上，所謂的煙肉細小得差點連肉眼也看不見，再隨便放三粒招牌彈牙魚旦，就盛惠$25。

今日出開旺角，路經彈彈旦，見係買特色魚蛋，決定買黎試一試魚蛋食得多，第一次食到口感咁特別既炸旦，外面脆卜卜，內裡爽口彈牙，配埋個蒜味勁濃既辣椒汁，好味到停唔到口另外，仲叫多左份原味白魚蛋配初榨椰子油咖哩汁，都係好正~~幾鍾意蒜香辣椒同初榨椰子油咖喱呢2款汁，少少辣，味道又夠香，同魚蛋非常夾，食多幾粒都唔怕辣到噴火

去開旺角，就諗起一直想試呢間主打白魚蛋既彈彈旦！原來舖頭近油麻地個邊，就係H&M行過少少，都唔難揾。諗左一陣揀炸旦好定大彈旦好，最後都係揀左炸旦。炸旦外皮炸到金黃色，粉漿夠薄，魚蛋幾彈牙。另外醬汁方面有4款可以揀，分別有初榨椰子油咖哩、蒜香香辣、煙肉芝士同肉鬆bbq。我就揀左蒜香香辣，事關頭先食完甜品，想食返啲鹹野或者辣野。但醬汁個人覺得同普通辣椒油差不多，未算太突出，亦唔算好辣，可能其他醬汁會好啲。