初見

营业中

休息中

在旺角食飯，朋友帶了我到位於上海街朗豪坊後側的日式餐廳「初見」。餐廳晚市人氣旺，爆場要等一會兒位。餐廳空間雖少，但坐得尚算舒服~晚市看到大部分食物如拉麵、鍋物和壽司都不會過$100，鍋物份量大而且經濟實惠!!!看到有石燒吉列牛都係吸引，可惜當晚我肚子不太舒服，未能大吃一頓。日式叉燒豚骨湯拉麵賣相不錯，有兩大塊紫菜放面。湯底不是濃郁的豬骨湯，是較清的豬骨湯底，日式街坊小店感覺，想食拉麵而budget不多可以一試。叉燒有三大塊，肥瘦均勻，煎得香口。加錢要了套餐，有日式麵豉湯和西式南瓜湯可以選擇，我們當然選日式麵豉湯。套餐還包了兩件厚切三文魚和兩件厚切鯛魚。可以食到三文魚的鮮味，鯛魚都不會腥，刺身值得加$38!!下次想再來食刺身~炸明太子釀雞翼不錯，有點驚喜明太子填滿了雞翼，輕輕咬開外皮已經見到裡面的明太子。雞翼炸得香口剛剛好，味道不錯。☁️ 炸明太子釀雞翼（3隻）$58☁️日式叉燒豚骨湯拉麵$70☁️刺身＋日式麵鼔湯＋飲品$38☁️咸檸碧$12

旺角新開咗一間日料店，價錢唔貴，夜晚唔好食太多要減肥，咁試試啦。店鋪裝修得幾溫馨，鋪頭唔算大，得10張台左右，估唔到晚市都好FULL，坐咗9成滿。嘢食都幾多選擇，有火鍋，壽司，小食，咖喱等普通日本嘢。今次揀咗安格斯牛肉鍋，炸明太子釀雞翼同三文魚沙律。三文魚沙律好大一份，品種好豐富，有沙律菜，粟米同三文魚。沙律菜好新鮮，沙律醬比得好豪氣，每一啖沙律都FULL哂醬汁，好好味。炸明太子釀雞翼一份有3隻，雞翼燒得啱啱好，雞皮好香口，咬開爆哂汁水TIM。雞翼同明太子真是好夾，唔洗點醬已經好夠味。每張台上面都設置有電磁爐，牛肉鍋送上來可以開始煮，估唔到88HKD牛肉鍋搭配啲牛肉勁大一份，仲大過果隻鍋。一碟牛肉有6件，每件都長過巴掌，電磁爐唔似酒精爐驚冇火，可以慢慢涮黎食。牛肉質素好高，食落好彈牙同埋好重牛味，真係好驚喜。牛肉鍋配料都好豐富，有魚糕，豆腐，魔芋絲，香菇同白菜，仲搭配埋白飯TIM，食完真係飽到唔記得要減肥。最後埋單200幾，晚市價錢黎講真係唔貴，以後可以再encore!