蔡瀾越南粉 (已結業)

蔡瀾先生識飲識食識玩，估唔到直到去年才終於開始自己的餐廳「蔡瀾越南粉」。在2018年中開業之後，初期經常大排長龍；直到今天，上班日子的午飯時間依然要排隊等位，週末週日假期人流才稍為減少。趁著今日去開中環，終於可以一探虛實。餐廳正門面向威靈頓街，佔地兩層；餐廳內靠右邊就是開放式廚房，客人可以清楚見到整個越南牛肉粉的炮制過程。室內裝修風格以木色為主，簡約、冇任何花巧。店舖盡頭有一條後勤通道，通往另一個同樣屬於「蔡瀾越南粉」的舖位。這間分割了出來的「蔡瀾越南粉」的裝修比較簡陋，與正舗格格不入，甚至有點似一間飯堂。圖文並茂的餐牌只張貼在餐廳門口，店內每張餐枱上就只有簡單的點餐紙。生牛肉湯河粉（$88）索價同另一間越南牛肉河粉專門店「Brass Spoon」不相伯仲，味道又如何呢？先講賣相，表面鋪滿牛肉，用料重手；湯底呈淺啡色，未算十分吸引，但勝在唔肥膩，廚師已經將多餘油份隔走。撥開鋪在表面的莞茜，將生牛肉攤開，才發現原來一片片牛肉曡在一起；攤開牛肉，部份是全生的，需要利用牛肉湯的熱力略為淥至半生熟。牛肉質素一般，部份有點零碎；欠缺脂肪，唔夠嫰滑，雖然未至於有渣，但味道一般而已。湯底標榜用大量牛

嗰日行開中環，同MR. C經過見食家蔡瀾開既越南pho，雖然都有人排隊，但眼見都是大約10多個人左右，唔算太誇張，就決定試下啦！其實佢哋安排得唔錯，孕婦小朋友都可以優先入座。而我同Mr. C都等咗不用20分鐘便可以進場。入面有兩層，環境裝修簡潔，感覺都算舒適。店內自製河粉，玻璃窗/half open kitchen 可以睇到師傅們係裏面努力整野食。我叫咗生牛肉+牛腩越南牛肉河、Mr.C 就叫咗生牛肉+金錢腱牛肉河粉。另外再叫咗個炸春卷。生牛肉+牛腩越南牛肉河 HK$68（唔好意思，我全走葱。。。）食越南粉，最緊要個湯。雖然我全走葱類既，本身都預咗個賣相會好“dry”咁樣。但當呢碗pho上檯嗰時，個人真係有點質疑，因爲同出面其他pho比較，真係好清。先試試味道，湯清甜帶點牛骨香，又唔錯喔！生牛肉不肥而且夠軟嫩，而牛腩切法比較特別，肥瘦適中，好有口感！河粉份量大小適中， 餐廳好大方，大食量既人可以免費添粉。不過唯一唔滿足既係佢serve河粉而唔係金邊粉。生牛肉+金錢腱牛肉河粉 HK$68金錢腱都好好味！不過我自己都係中意牛腩多啲。炸春卷 Hk$48越南春卷外脆內軟，熱辣辣！用生菜包住食加魚

鼎鼎大名的食家蔡瀾開食店，單單是這樣已經夠吸引人潮。果真平日八時來到，門口還有一條人龍。幸好吃湯河本來就不會很費時，而且餐廳還有兩層，流量很快，不消一會兒便可以入座。老實說先別論蔡瀾先生自己對於越南菜有喜好，要負上名譽到一家新餐廳，做越南菜實在十分大膽。畢竟主打的越南牛河，不管再怎麼樣也只是碗湯河粉，就是規限於牛肉、湯、河粉三樣東西，很沒新意和獨特之處，加插不干事的材料又會不夠正規。所以倒還真的很有興趣看看這位享負盛名的食家如何演譯這碗牛河。自己有幸早前到訪過越南，早知越南牛河出名，但發現越南的當地美食多得我們根本不用需要「餐餐吃牛河」。如越式法包Banh Mi、越式烤肉、高樓麵、雞飯、White rose等等，每餐絕對不會重覆。看到這裡除了最大路的越南牛河外，竟然還有Banh Mi，當然要點一個來試試，另外還多點了幾款小吃。招牌的特別牛肉湯河粉，當然要先呷一口湯頭。越南牛河口味也有北越和南越之分，前者較清，後者則較濃，並會加添其他的如蝦膏令湯底味道更豐富。但個人認為要吃一碗牛河，嘗到其牛湯的味道，北越的版本更能試真章。在河內吃過一碗Pho 10的牛河，是不得不試的名店，呷那口牛湯的時

唔知係咪未運作純屬，又勁多人排長龍，所以廚房好趕，個生牛肉湯河（HKD88）嘅肉幾乎熟透，嚡咗啲。但河粉係要讚吓嘅，勁係超級幼！自家出品係唔同啲。湯清味甜，唔係重口味，正！小食之中我最鍾意香芒炸魚米紙卷（HKD48），味道香味又唔油膩，蔬菜都好新鮮。最正係米紙卷夠薄，唔似平時食嘅有啲硬，唯一缺點係放得耐易散。跟係就係炸春卷（HKD48）同香茅烤豬頸肉（HKD58，但影漏相……）！春卷好香脆，餡料豐富。豬頸肉面焦焦哋，口感幾爽彈，酸辣汁都調得好到位！下次一個人要食豬頸肉春卷撈檬（HKD68）先得！炸蝦扒（HKD78）就貴咗啲喇，蝦味唔算突出，但以扒嘅厚度計都算彈牙嘅。越式三多冰（HKD28）都俾到驚喜我，唔單止啫喱軟滑，最鍾意係佢落咗炒香嘅花生，配淡淡嘅椰奶味好夾，又唔會甜死人，好正！美咪指數：7.510抵食指數：7/10