沙拉姆咖喱屋

营业中

休息中

今日早咗收工，約咗朋友食飯又未夠鐘，於是乎就喺油麻地一帶搵食啦，上OpenRice見到呢一間印度餐廳好似唔錯，於是就決定去試吓。去到嘅時候差唔多六點，當然冇下午茶啦，又冇理由食得heavy，於是就睇吓有乜嘢小食。佢嘅選擇都幾多，不過好多都係澱粉質嘢，例如印度薄餅、咖喱角、印度手肘餅、Naam Bread等等，最後就決定咗試吓佢個炸洋蔥。其實我寫食評好少post埋相，因為我成日覺得就算啲嘢幾難食，幅相都可以影到好靚仔好吸引，反而影響咗大家嘅判斷，不過呢個炸洋蔥真係唔影唔得，因為真係好特別，特別在佢個汁，我食第一夠嘅時候通常鍾意原汁原味，唔掂任何調味料，呢舊炸洋蔥基本上冇洋蔥嘅辛辣味，又唔攻鼻，不過就略嫌個味道好淡，正確啲來講就係麻麻地。於是跟手就梗係點埋果汁啦，個汁係酸甜嘅味道，開頭諗住即係炸嘢配啲酸甜汁冇乜特別嗰種，點知非常之有驚喜，個汁配左個仔洋蔥之後，反而令到個炸洋蔥嘅味道突出咗好多，如果鍾意食洋蔥嘅朋友真係要試吓，同大家喺出邊食到嘅咋洋蔥或者洋蔥圈非常唔同，應該唔係出面交貨返嚟嘅，而係廚師自己嘅製作。順帶一提，叫咗支Lemonade，粉紅色，開頭以為會伏，點知個味道又真係幾好，配

喺油麻地同朋友行街 行到咁上下開始肚餓諗住周圍望下睇下有咩好食 一望 就比左尼間沙拉姆吸引住雖然位置喺內街 但個位好搶眼隔左三四條街都見到盞盞射燈仲有個大大招牌 印度菜小弟好少食咁啱友人鍾意食印度菜 所以就決定喺佢啦行到附近 陣陣香料味就撲鼻而尼真喺好鬼死香 流曬口水啦 果然冇決定錯啊 入到去就有個好親切嘅店員招呼我地果陣九點幾 冇咩人 只有一兩枱客鋪頭喺長型嘅 一邊喺廚房 一邊喺客枱鋪頭雖然細 位坐落去唔會窄 好舒服 我地咁啱坐喺尼個餐牌隔離啲菜式一目了然 落單重任交左比友人落完單 兩條脆條就上左枱脆到無與論比 沾埋啲綠色嘅汁 一流個汁喺鹹加辣 好惹味 作為開胃菜一流食完個頭盤就上左杯嘢飲--芒果味乳酪 芒果味非常濃 又綿又滑 飲得好舒服 感覺上尼多10杯都飲得落 大推 唔夠5分鐘 啲食物就上齊曬兩個naam 加一個羊肉咖哩兩個naam分別喺原味同大蒜味蘸啲咖哩同埋頭盤嘅綠色汁好惹味好正 但同我印像中嘅唔同淨食naam嘅話味道偏淡但加埋啲咖哩就啱啱好可能佢地預計我地喺用naam尼蘸嘢食友人仲有叫個黃飯 粒粒分明又喺非常順口嘅嘢食 唔洗一排就食曬但可惜冇嘢到相食完尼啲仲未夠喉 小弟叫多

好幾年無食印度菜，原因係身邊朋友都怕辣。今日同事提議襯不在公司，準點放工過黎食印度菜，話比重慶大廈更有驚喜喎 。首先當然叫野飲refresh下，估唔到有咁多選擇 。呢杯椰子乳酪味道好清新，酸酸地好開胃，椰子味同乳酪味平衡得好好 ，而且好幼滑。炸洋蔥圈食得多 一大舊洋蔥拎去炸就第一次食估唔到比平時食開既炸洋蔥圈更好味 。炸芝士都唔錯 香而不膩唔油 用手攞黎食都無問題印度薄餅加椰絲，甜甜的，同事讚不絕口 。我就最鐘意呢個芝士印度薄餅，加d牛肉同羊肉咖哩，岩哂重口味既我 。煎魚用鐵板上 沙沙聲 魚質嫩滑 配埋d醬料同菜 好味道，誠意之選 。估唔到呢度連甜品都有左揀右揀，最終店員用勁過喬寶寶既廣東話 ，推介我地叫雪糕，話無咁甜，較岩我地香港人胃口。我食到薄荷味，但同事話食到士多啤梨味，真係好特別 ，唔識形容 。真係估唔到呢度既店員除左廣東話叻，仲咁了解香港人既口味，夠哂細心。最後，當然要啤啤佢🍻

呢到既餐牌好多選擇好難揀，好彩俾我發現到個chef recommend！有圖容易處理太多！本身以為入面唔係好大，坐坐下d人開始多先發現原來仲有上一層！佢個設計都令人有食咖喱既感覺。門口玻璃既形狀係好似清真個d建築咁。未上order左既食物前就好似好多印度餐廳咁會上左個胡椒脆卷先！咸咸地辣辣地，加埋個甜甜地既薄荷汁都幾好味！(因為入面d黃燈影到薄荷汁本來緑色都變黃)我地叫左個炸洋蔥。其實餐牌上唔係咁樣架！係原隻咁炸架，所以一放底個陣我以為佢上錯左。見圖餸不符其實有少少人失望，不過味道唔錯就算啦！佢炸得好香脆！d洋蔥好軟好甜！炸粉唔會話好厚燒牛咖喱係我最喜歡既菜！佢個咖喱既辣度好岩我！d香料係好香，令人好舒服個種。最緊要就係個牛好林，好香！有d係牛肉，有d係牛腩，呢個菜無論用黎配飯定包都好正！我同男朋友食清光！呢個雞肉雖然份量少左d, 但卻係我食過最好食既雞串！因為佢係用雞腿肉整！仲燒得外脆內軟！個沙嗲唔係平時個種"潔”！係好"希"既質地，但有d香草係入面好特別。