一風堂 (朗豪坊) (已結業)

5點既過去食，唔洗排隊都幾好，環境都算正常乾淨，點左一個特制百丸元味豚肉拉麵同特制赤丸新味，炸紫菜墨魚鬚同餃子🥟d豚肉好老😂，唔知係咪尼間既特色，還是真的老😂總之食唔落去啦😂其他都正正常常，唔會太難食都冇驚喜😂

作為拉麵控，最難忘的一定是的拉麵店。一風堂這名字係日本可是響噹噹無人不知的，相信香港所開設的連鎖店也是有一定的水準保證！喜歡店家給客人選擇麵的軟硬度，畢竟每人的喜好不同。桌上有生蒜/紅薑絲/高菜/芽菜供應任加到麵中，還有冰涷麥茶提供。點了朗豪坊店限定的魚介醬油豚骨麵。湯是鮮味的，且並不油膩，配以Q彈的麵一起吃下，叫人只想趕在麵被熱湯泡軟前快快吃完，留住這美味。選了午餐set中的炸紫菜墨魚鬚，份量頗多！炸的香口，粉漿不厚，墨魚鬚點上醬汁吃，滋味更加讚！

昨晚我們去咗朗豪坊戲院睇完戲之後去咗4A樓嘅美食廣場諗緊想食咩餐？點知就畀一風堂張貼咗幪面超人嘅海報吸引住，同埋接待員非常有禮，所以我們就喺度食飯！我們叫咗一風堂龍蝦豚骨拉麵、溫泉蛋叉燒沙律、一風堂叉燒角包、炸紫菜墨魚鬚、明太子鷄翼、牛油果熟蝦伴山葵醬，赤乳酸梳打冰「荔枝」！他們新推出咗一風堂龍蝦豚骨拉麵，湯底非常鮮味濃郁，龍蝦非常新鮮彈牙，拉麵嘅麵質好有咬口同彈牙！好食到令我們連湯汁都一滴不漏全部飲晒！真係超讚！係本人嘅必食推介！溫泉蛋叉燒沙律非常有創意，他們將溫泉蛋，炸麵同生菜夾埋一齊食，令我覺得有意想不到嘅新食法！本人極力推介！牛油果熟蝦伴山葵醬嘅味道非常夾，熟蝦非常爽口！赤乳酸梳打冰「荔枝」啱啱攞上檯嗰陣飲第一啖係淡而無味，但等到枝冰條溶化後，整杯飲品就變成一杯極品，味道非常清甜！值得一試！所有食品都創意十足，令我們回味無窮！我們必定會再嚟食！

因為係朗豪坊行街又懶得行出呢個商場..所以就決定留係度食lunch!睇到一風堂唔駛等位..就即刻沖左入去..入到去坐定之後..本身想點款最基本既拉麵黎食..但當睇到餐牌上有一款期間限定既蕃茄拉麵..最後都係比蕃茄吸引住而揀左呢個「赤旨番茄豚骨拉麵」..仲點左一個「炸紫菜墨魚鬚」既小食..我發覺其實呢度既waiter服務態度幾好..因為當「赤旨番茄豚骨拉麵」送到既時候..雖然我有d睇唔明拉麵入面既芝士係d咩..但個waiter仍然肯耐心咁解釋比我聽..值得加分!好..講番食果方面先! 拉麵既湯底唔算太濃..但拉麵都仲keep到水準..另外不得不讚下入面既芝士..因為真係好香!而「炸紫菜墨魚鬚」亦比我想像中好食..幾脆..可以一試..只可惜份量有d少..整體黎講..一風堂都係一個唔錯既選擇..味道價格各方面都合理..唔算太貴!