焰淑泰國餐廳 (已結業)

每次等巴士都會經過呢間泰國餐廳，今日終於同朋友去試一試先。位置好闊落，仲有卡位坐添。食物選擇都夠多，如果唔想煩諗食咩，可以揀2人餐/4人餐，多人仲可以揀8人餐。不過我地想揀自己鍾意食嘅嘢，都係揀散叫。小食炸蝦餅炸得金黃又香脆，蝦肉新鮮，爽口又彈牙，入口熱辣辣，廚師仲好細心每件分開一半，方便進食。鍾意仲可以加少少酸甜汁。原個椰青海鮮焗飯，呢個製作需時，所以想點要預先叫定，不過都其實都好快上檯，10分鐘左右已經有得食，上檯已經聞到好香椰子味，以椰青的外殼裝住飯，整個飯都充滿椰香味，味道清香不太濃烈，雖然個飯係充滿椰漿，不過一啲都唔覺膩。海鮮青口放左喺飯上面，超吸睛！另外飯內都仲有蝦、魷魚，材料豐富。咖喱款式都有好多款，有綠咖喱、紅咖喱、黃咖喱、馬沙文咖喱...不過店面話如果我哋唔係好食得辣可以揀黃咖喱，所以我哋揀左個黃咖喱雞，好有椰香味，咖喱質感恰到好處，唔會太杰，唔會太稀，雞肉嫩滑，而且好入味，個汁送飯或者點印度薄餅真係一絕。燒牛肉半生熟，燒得很香，牛肉都幾夠嫩。份量又夠，加埋個酸辣汁別有一番風味。馬拉盞炒通菜炒得好香，夠晒鑊氣，好惹味。馬拉盞唔會太辣，啱晒唔太食得辣嘅朋友。整體成餐飯都

同媽媽行銅鑼灣 經過見到呢個半價優惠 就俾阿媽拉咗入黎當日係星期四 可以以半價叫泰式燒牛肉或者係泰式辣汁炒蜆 二選一炸蝦餅 ($68)炸到金黃色 外層香脆可口 內層口感彈牙 附上既甜酸醬好似比一般餐廳既多左陣柚子味 阿媽食到停唔到口泰式辣汁炒蜆 ($59)因為我本身唔係好食得辣 所以就叫左少少辣 d蜆都幾肥美同新鮮 最緊要係整得乾淨無沙 小小辣好過癮原個菠蘿炒飯 ($98)賣相好靚 仲用個竹籃載着好有特色 炒飯混合左腰果.蛋,雞肉,蘿蔔粒.青豆.粟米粒同提子乾一齊炒 塞到滿滿 份量都唔少馬拉盞炒通菜 ($68)份量唔少 個汁唔錯 不過通菜就唔夠嫩椰青 ($38) 椰青沙冰 ($48)左邊既椰青係阿媽叫既 椰青水好清甜 仲可以自己挖椰肉食 右邊既椰青沙𣲙就更加消暑解渴 d冰整到好幼好綿 岩晒而家咁熱既天氣同埋唔係好食得辣既我 一邊食辣野一邊飲沙𣲙真係好歎

幾個女生又來聚餐了，這次試了位於登龍街旁的新餐廳，看食評評價不錯價錢不貴所以訂了和朋友一起吃吃看。原來餐廳入口不是在登龍街而是面向鵝頸橋呢。經理服務很好，問他推薦甚麼菜，或哪種咖喱也很專業的解釋，還remind我們幾個女生炒菜用脆肉會比馬拉棧炒的油膩，和很多零零碎碎的細節也很細心安排，看到他也有和別檯的客人溝通，很喜歡餐廳有這種用心和人情味 菜式方面都很滿意，不得不提是粉絲大蝦煲好好味，應該是落了蝦膏去煮？粉絲很入味又不會過咸，大蝦新鮮彈牙，是我過往吃過最好吃的一間啊忘了拍蒜蓉包但好好吃~甜品太飽我沒吃但朋友們話好味~點了杯蝶豆花和泰式奶茶超好飲值得再來~~

見到新餐廳同成班friend一齊嚟試下，見到食評話蝦餅同豬頸肉好食點嚟試下先~~Oh my god 佢d 小食真係好好味，蝦餅超彈牙，春卷都炸得好好食我老公勁讚個豬頸肉跟住我哋order咗個咖哩蟹，經理話d蟹係當日新鮮買返嚟，超新鮮，d汁配蒜蓉包超好食！(個人中意脆包覺得可以再脆d，其實佢已經係個邊脆中間軟軟哋~好香蒜蓉味~)條魚都好新鮮d肉好嫩好香香茅味，d湯好鮮甜，服務好好，好細心，會幫我哋兜住d湯，唔會瀉又可以飲返菠蘿炒飯好香咖哩味搞到我想返屋企試下自己炒 XD全晚不停fill水同d水有好輕嘅椰子味好特別呀！最重要係位置方便同價錢好抵，裝修又靚坐得又舒服，係夜晚同friend食飯傾計嘅好地方

放工又累又餓去了銅鑼灣新開的泰國餐廳《Imsook》，入到去得知原來係正宗泰國廚師(整間餐廳連侍應也是泰國人)，食物都很地度很好味呢~價錢也不貴，menu選擇又多，可惜個肚有限，下次想再來試埋其他菜式！！吃到最愛的木瓜沙拉~~酸酸的很開胃，好愛上面的炸蒜同花生！烤烏頭十分鮮美，味道酸酸的很好吃很開胃，下面很多椰菜非常入味！小食像豬頸肉，炸蝦餅超讚的，豬頸肉好軟醃同燒得剛剛好，炸蝦餅好有彈性，熱辣辣食勁好味。padthai也炒的很對味超好吃不會像一些餐廳的又乾又無味。青咖哩雞超多雞肉，d汁好好味又不油膩配熱熱脆脆的蒜蓉包，最後我們encore多了一客！最後馬拉盞炒菜苗好好味，唔會過咸啱啱好又有鑊氣朋友點左泰式奶茶話好正宗好好味，下次想拉埋其他朋友再來食