Orange Elephant Thai Restaurant (博文街) (已搬遷) 新店位置

突然講起話好掛住泰國於是我同男朋友即刻就即興去返個泰國餐廳食返餐泰菜😂😂係啊 我其實真係好希望係寫即興去返個泰國之旅🤧不過冇辦法啦 依家只好食泰菜頂下泰國癮先😂今次揀咗嚟大角咀嘅🐘Orange Elephant 餐廳裝潢寬敞舒適 同朋友傾計食飯一流呢度有我最鐘意嘅椰青焗海鮮飯入口啖啖椰香味😌海鮮有青口 🦐蝦同魷魚🦑仲混合咗椰青肉 腰果 提子乾等等配料 口感層次十足食泰菜又點少得泰式咖哩我地就叫咗泰皇咖哩炒大蝦🦐佢嘅咖哩汁都係屬於椰香味濃厚 味道偏甜唔辣入面仲加咗滑蛋 口感香滑配飯或者蒜蓉包就啱曬😋另外呢度每日都有唔同嘅$1菜式星期一就係呢個泰式炸蝦餅外皮香脆 蝦餅緊實彈牙點埋泰式酸甜醬汁 食落勁惹味🤭而且只要$1就可以享用到 真係勁抵啊！

傾盤大雨的blue Monday 🤯今日女友放假，所以有時間出嚟大角咀覓食，但係由於放工時間非常大雨，原本15分鐘嘅路程差不多行咗30分鐘先到達...😭去到依間橙象泰國菜館，一眼望過去好光猛，啲裝修都幾靚🤩唔理咁多，打開餐牌嗌嘢食先🥳椰青係女友食泰國菜必飲的，佢飲咗一啖好興奮咁叫我試吓，又真係好甜喎，佢仲不停用隻羹刮D肉食😆我依杯青檸梳打真係好啱我飲，因為唔係好甜，真係啱晒我口味😋每晚都有$1蚊特價菜色，今晚係炸蝦餅，我對炸嘢不嬲都係一般般，但係依個炸蝦餅又唔太油、我同女友一人一舊，食食吓就食晒喎⋯⋯😂原本想叫咖喱蟹粉絲煲，後尾諗諗吓食蟹好麻煩，所以最後叫咗依個大蝦粉絲煲，啲蝦好新鮮又大隻，粉絲索晒啲鮮味梗係好食啦🦐依條烏頭煮得啱啱好，最緊要係冇魚腥味，女友依家都愛上咗食魚喇😂冬陰公湯係跟個烏頭一齊嘅，其實係一路食條魚一路加啲湯落去，但係我哋就咁飲哂個湯😅總括依家橙象幾抵食又好味🥳😋🥰

有親友住奧海城，所以久唔久都會去個頭食飯。今晚表哥就提示行去大角咀個邊食，唔駛食黎食去都去商場餐廳，咁有人帶路梗係好啦😛其實穿地鐵站一落大角咀呢邊都好多餐廳，行幾步就見到呢個叫Orange Elephant🐘既泰式餐廳，正! 諗都唔駛諗就入啦。好彩早到都未full，後黎坐下坐下都幾多人，難得係星期一晚。😳睇餐廳環保呢度更似一D日式西餐廳，又唔算好泰國🇹🇭風。不過佢店內都有唔少擺設係象仔，不過都係走D modern 既象仔🐘🐘不過整體好光猛乾淨企理都好足夠☺️另一個驚喜就係佢呢期每一日都有一蚊一碟菜的優惠!😳😍店員話今晚既一蚊菜係炸蝦🍤餅，本來我就想叫架啦，仲諗緊叫個泰式拼盤定炸蝦餅好，而家唔駛諗啦😝表哥鍾意食魚🐟所以我地就揀左烏頭。本來我就唔太好食魚既，都係怕多骨，但唔知點解我對泰式烏頭又情有獨鍾，可能因為佢會落好多香料🍲唔會令佢泥味好重好腥，而且肉身好淋，諗起都開心! 先黎左飲品同冬蔭公，個芒果🥭冰特飲好香芒果味，佢係沙冰質地，但又唔會話好冰到牙都赤，甜度適中🍹幾好飲。表哥話佢個洛神花冰就偏甜。冬蔭公🍲份量睇落唔多，但好多好多料! 有好多菇🍄，個湯既酸度都剛好，我覺得佢既酸度、辣度、椰

今年2018年都未去過泰國, 好掛住泰國嘅食物同按摩呀!又到星期五，又係出街搵食嘅時候。 今次就朋友地點，去奧運站度食飯。 今晚就去咗一間叫 Orange Elephant Thai嘅餐廳 ，位於博文街42號。 原來呢條街都有好多唔同嘅餐廳，而且都幾就腳， 奧運站穿過匯豐中心就到啦 。事不而遲介紹食物先。頭盤梗係少不了炸蝦餅。 整得還不錯， 大大件，好好咬口，蝦有膠嘅質感， 點埋泰式辣醬 ，真係一個幾好嘅前菜。泰國菜又點少得咖哩呢。 朋友比較喜歡食辣，所以就點咗牛肉青咖哩。還好咖哩無想像中咁辣， 牛肉煮得好啉，咖哩送飯食就無得彈啦。最後當然要食菠蘿炒飯啦。內有大量新鮮菠蘿粒，基本上每一啖都食到菠蘿肉， 而且仲有蝦魚等等嘅餸 。有圖為證個菠蘿刮得好深 ，個飯份量十足。我就點左杯芒果特飲，濃郁丰厚，冰都無𠺢，十分足料。同場加映，餐廳每晚都會有一款餸做特價，只需要一蚊就嘆到。

大角咀除咗大型商場，其實另一邊角祥街、博文街有好多小店，今日揀咗呢間喺轉角位嘅泰國菜試下。環境：整體闊落，梳化位有咕臣，幾好。服務：樓面同事即使好忙都有禮貌。食物：雞翼好入味，幾好食，可惜係預先炸定。炸蝦餅蝦膠好Q彈，可惜都係預先炸定。豬頸肉拼海南雞飯好好食，可惜豬頸肉係一早整定。如果所有食物都係即叫即整，一定更好味。不過相信呢個都係所有忙碌嘅餐廳遇到嘅問題。即叫即整怕客人要等得耐，又怕番唔切枱。整定對食物質素又有影響。