新匯聚打冷小廚 (已結業)

提早慶祝父親節，一早訂左併，見好多食評讚好就去試下。六個人叫左好多野食。芝麻糊：好好食，自己磨，好香。鹵水併盤：好彩叫左個細，鹵水味唔夠，唔夠鹹，唔係預期既味。話梅骨：酸酸地好開胃特別,有點流。椒鹽九肚魚：麻麻地蜂蜜檸檬梳打；解喝蠔餅：多蠔鮮甜蒜蓉粉絲蒸扇貝：新鮮，因貼住個殼瑤柱蛋白炒飯：好大碟要打包有位叔叔拿飯時唔小心倒瀉杯蜂蜜檸檬，即做番杯比我，又有位叔叔不停介紹我地食唔同菜式，好好服務，問我地有咩需要。食物質素：可以服務：非常好環境：可以，容易比蚊咬就小心價錢：合理

早幾年已聽聞牛下的著名小炒新匯聚餐廳小廚搬到成業街，之前已經嘗過晚飯，都真係有水準。聽聞佢又開了打冷店-新匯聚打冷小廚，響前多幾個鋪位，於是又去試下。點了蠔餅$70，我很愛吃的，一上枱，很驚訝，超巨型，好大份，外皮非常酥脆，蠔仔大大粒，都有好多隻，漿粉比例剛好，香脆。黃金脆肉瓜$80包滿咸蛋黃，好香口，咸香味足，平時黃金蝦食得多，配上瓜類，冇咁有罪惡感。招牌清湯牛筋腩$110，湯底加了胡椒，好夾濃郁的牛肉湯味，而且好大碟，好多牛筋，牛腩都好稔，成煲湯飲晒。豉油皇乾炒牛河$70（少油），這是個套餐，包埋杯飲品，杯凍檸茶啲茶香味濃，濃到好似飲緊紙包飲品果隻味，牛肉有肉味，牛肉份量都多，炒河夠乾爽，叫了少油真係做到，好難得唔膩口。每枱還送上甜品，有杞子桂花糕。碟碟有鑊氣，份量又大碟，好抵食，店員服務都好好。