爵士拉麵

营业中

休息中

平時經過爵士就係普通一間餐廳，無話特別想去食。但係和你Eat見到佢，於是就去支持睇食評見到年糕拉麵、炸雞、炸豆腐正，就專登試呢3樣。通常抱住期望去，就會有失望既風險。但爵士完全無令我失望！！！2舊炸年糕非常大同埋厚身，放係味噌湯底上超級好食，重點係舊年糕相當煙韌炸雞賣相相當吸引，好大舊，炸得勁香口，但又唔會覺得炸既麵粉落得太多，落埋檸檬仲正炸豆腐都不錯，但未去到炸雞同年糕拉麵令人一食難忘既程度不過爵士拉麵反而就少伏，男友以為叫呢度既招牌拉麵實穩陣，點知隻蛋唔係流心，條蟹柳亦唔太吸引。雖然佢碗拉麵中伏，但男友都認為炸雞的確好食我慕名而來試既3樣野都無令我失望！！

呢間拉麵店已經幫襯左超過十年以上，由昔日日本爸爸打理到近幾年阿囡承接，只要用心打理，食物水準依然出色炸物小食出色，油份收乾咖喱薯餅日式炸豆腐豆腐外脆內軟，最重要是醬汁調得非常出色是靈魂所在拉麵有兩款大小，湯底有三款味噌、醬油、辛辣，大多數我都會選擇辛辣，那種辣調味不會死辣叉燒是必選的，而且是每日新鮮製造，肥瘦適中，不會有罪惡感醬油味道更清澈雜錦拉麵👉🏻叉燒、蟹柳、粟米呢間拉麵我一直有幫襯，因為食店的拉麵是最簡單幸福的味道，也希望食物質素能保持下去

爵士拉麵🍜喺粉嶺已經好多年要食到真係好講緣份因為佢唔係日日開門門口貼咗張月曆 show咗幾時放假，幾時開門不過我都試過幾次摸門釘😣穩陣起見我都會打個電話問下有無開門先搭車入去店舖不大 所以晚市通常都要等位排隊時已經諗定食咩入到去好快就有得食😋百吃不厭的日式炸豆腐外脆內裡係滑一滑的豆腐，配埋木魚汁今次試埋個炸雞即叫即炸 好香口 炸完都仲係咁juicy 炸粉漿不會太厚加少少檸檬汁 感覺更清新炸年糕拉麵🍜平時炸年糕都係當小食咁叫今次配拉麵又幾特別年糕炸都熱辣辣 一口咬落去. 煙煙韌韌咁拉麵軟硬度適中醬油湯 不油不會太咸年糕+拉麵. 超飽呀！

愛吃拉麵的我，對拉麵的要求也高…….幾年前食過這家麵店，便成了這兒的常客，可以大膽地說句 : 這裡的拉麵是我吃過香港最好的 ! 先說說這裡的麵和湯，麵條彈牙， 跟日本地道麵條一樣，配上三種出色的湯底 :札幌味噌 – 小小辣…..濃湯辛味噌 – 是辣的東京醬油 – 豬骨湯淆….. 較清三種不同的湯底都試過的我，獨愛東京醬油，湯底夠清，叉燒加上配菜，好滑,又不失爽口ge麵，一碗簡簡單單拉麵跟湯，吃得好滿足 !這裡的炸物也很出色，炸豆腐，配上木魚汁來吃，老闆娘常常強調木魚汁才是這小食的靈魂。吉列咖哩薯餅，咖哩跟薯仔真的好配，皮炸得好薄好脆 ! 而吉列蝦加上炸粉，也不覺油膩，咬落粒粒蝦肉yummy。 這家麵店最有性格就係唔憂做，開工時間越縮越短，中午12:00 – 1:30 晚上 18:00 – 20:30 一日開四個鐘，星期一星期二例牌休息，呢度係有好多規舉ka …唔齊人有位都唔俾入，落單後要即時俾錢，更不設第二次落單 (可能係要疏通人流) 小本經營，店子小，師傅用心做的一碗拉麵，保持食物水準，都是對食物應有的執著，真抵讚！