芝味鳥 (已搬遷) 新店位置

之前叫親pizza外賣一定係pizza hut, 上網睇過食評見呢間好似唔錯，就決定試呢間啦!叫左個輕便套餐，炸雞兩件，garlic bread 4塊，同埋一個泰式辣香雞pizza!炸雞好好好好好味呀! 我從來未食過咁好食0既炸雞！個皮好脆，雞肉一d都唔鞋，仲好juicy~garlic bread黎到已經唔太脆，要自己放入焗爐re-heat。第一次食咁特別的pizza，好味!d炸雞實在太好食喇，事別一星期，叫炸雞外賣，6件雞兩個人係食唔晒ga～佢個menu同芝脆雞個menu係一模一樣，佢地係咪同一集團？下回來個Pizza & Chicken VS 芝脆雞!!!!!

呢日放左學之後，我就落左屯門買外賣番去食。我好醒目，特登早小小打個電話叫外賣。慳番時間，即整都半粒鐘。值得一讚既係，返到天水圍，野食都仲熱架。炸雞呢個係例牌食既，雞肉好多汁，皮脆肉嫩。Juicy相當，而且炸得好，唔會過哂火。泰式辣香雞pizza好足料，芝士又算幾多。而且個配料好平均，唔會一邊多一邊小。個薄餅有小小黑椒，同個pizza既味好夾。呢個係繼墨西哥香辣之後，第二個都成日叫既pizza。煙三文魚焗飯好多煙三文魚，而且芝士算幾多。海鮮既配料都唔錯，真係好好食，個飯整得好煙韌爽口。一個唔錯既飯。真係好抵食，呢個餐可以夠三至四個人食。除開都係三十幾到啦，呢個價位咁食真係可以食到好飽好滿足架。

呢日放學之後，黎呢度買外賣返屋企食。叫左個三人餐，有個pizza、焗飯同四件炸雞。都係一百二十蚊到，唔係太貴。忌廉湯幾好飲既，料又算多。不過返到家已經唔夠熱，要翻叮。香辣pizza都算幾好食，pizza焗得好脆。料係辣辣地，有青椒、辣肉腸。材料唔係最重要，重要既係pizza辣辣地好惹味架。炸雞都係咁多汁，肉質鮮嫩啖啖肉。不過返到去食個味道係差小小。三文魚焗飯都算幾多三文魚，個飯好多芝士。忌廉汁同個味都好重。呢餐都唔錯既，不過都係堂食會好食好多。

一個寒冷既下晝途經安定村一朝未食過野正係飢寒交迫入左呢間pizza and chicken見到門面只有幾個客唔算好熱鬧不過D員工就好忙好多電話要接好多單要落然後我叫左一個皇牌套餐$28.5 （學生再平$3）有一舊炸雞有碟長通粉有個湯雞炸得好脆而且唔硬唔錯油係多少少不過冇乜所謂個長通粉同湯都唔算特別可能我太餓出面太凍一下子乜都食晒但一入門就聞到好香既芝士味睇黎薄餅應該幾香下下次再試本來想拎張外賣紙之後可以叫外賣點知個員工話派晒哈哈、好生意成咁但廿幾蚊一餐如果唔係黎開屯門用太多車馬費反而不美

呢一日放假，就黎呢度食午餐。都係叫左二人套餐，因為又唔係貴，而且真係幾好食架。好彩早黎到，唔係就會好多人。忌廉湯好好飲，好香忌廉味，個湯又幾足料。炸雞皮脆肉滑，個炸雞又辣辣地。肉汁又多，真係好juicy。又唔會炸到過哂火，認真唔錯。蒜香牛肉通粉呢個都幾好食，好香忌廉味。而通粉整得幾彈牙，面頭又有芝士，唔錯唔錯。泰式辣香雞pizza雖然細細個，但pizza依然足料。個汁酸酸地，幾好味。個雞既味道又幾得意。而芝士既份量又幾多，個批又好脆口，好正。雖然呢間既環境係細，但食物既質素真係唔錯。又唔係好貴，所以點都有下次既。

早前，唔知想食咩。就去呢度"朝聖"，一入到去都要等一陣先有位坐。我決定買左野食先再等位啦。呢度D人做野好快，差唔多食哂就收起哂D野，抵讚。二人套餐忌廉粟米湯好creamy，個湯夠濃又落足料。炸雞必食既，皮脆肉滑，又唔係太油。啖啖肉既炸雞邊度找到呀。香辣pizza好味，足料之餘又夠辣，滿足到我既無辣不歡。香辣肉醬焗飯都幾好食，但D汁就唔係太夠。不過都收貨啦。平靚正既餐廳都唔知邊到有呀，如果我樓下都有間就好啦。

好友廢柴新屋入伙, 一班好友決定入去搗亂一番, 師傅當然唔放過呢個機會, 於是一早到場攪攪震; 同好友廢柴閒談下, 佢話已經決定左當晚食d咩, 原來就係呢間食店, 不過唔係堂食, 而係外賣速遞!好友廢柴話一早已然想試呢間食店, 等左咁耐終於等到喇, 真係望穿秋水; 於是柯打左一個大胃C餐! 大胃C餐有咩食呢? 就係有大批一個, 而意粉或焗飯或炸雞五件或小食, 任揀三款, 飲品五罐或蒜蓉包或餐湯, 任揀一款; 最後揀左個咩批呢, 師傅就唔記得, 淨係記得有十件炸雞, 白汁芝士焗西蘭花, 香脆魷魚圈同埋蒜蓉包!落單時就話等一個鐘到, 但最後至少等左七十五分鐘; 終於開餐喇, 師傅先試下香脆魷魚圈, 魷魚圈唔算好韌, 味道唔錯, 不過可惜焗得太耐, 腍左, 扣少少分; 白汁芝士焗西蘭花嘅芝士味幾香, 西蘭花夠晒嫩綠, 仲有好多磨菇, 唔錯; 而呢間食店最出名嘅係炸雞, 師傅當然不能錯過啦, 雞身都幾大件, 都算炸得好脆, 雞身都算滑, 一定好味過KFC, 不過始終焗得太耐, 腍左d, 差左少少; 而個批味道唔錯, 始終都係焗得太耐, 過腍!總括黎講食物質素都頗好, 不過師傅相信堂食效果應該