影片
食家推介
安定呢间芝味鸟应该十年都有，野食真系好吃过M记，不过两睇，因为佢呢间无薯条，反而有每次都炸到好香既炸鸡。今次叫左个皇牌套餐，其实佢既分类只系份量既分别，分别都不太大。不过我奉劝男人就叫皇牌，否则就会唔够食。佢每日的粉面套餐都是有分别的，今次都叫左个海鲜焗饭，因为由小到大食左咁多年既经验，除在焗饭，其他外卖都不太好吃。海鲜焗饭的料次次都好足，加上佢焗到D白汁有少少㶶㶶地，味道一般，但我就食哂。另外叫左个十年都一样既忌廉磨菇粟米汤，味道似金宝汤，料足，粟米入面最有营养个粒芯都起到，不过去到最底永远都有D粉状既感觉，睇黎佢地落生粉落得太多。炸鸡睇黎系呢间店既招牌菜，永远隔15分钟，拎番屋企都会仲香、仲热、仲脆。不过缺点就系你会见到炸鸡先生滴油，不过几岩我口味，因为佢虽然油，但系好干身，好脆好热。不过外卖次次都要等4-5个字，好慢，因为佢楼面得1个人，入面个厨房就得3个人，我都惯了，玩玩下手机都过左。
继续阅读
自从几年前朋友聚会中试过佢地既pizza同炸鸡~ 真系平靓正~ 所以好耐冇食过Pixxx Hux 同上校鸡~ 今晚懒煮dinner~ 快靓正咁黎返个高卡路里餐~ 18:15打电话叫左个 $133 既"星期一至五套餐"~ 包括: 大批1个, 意粉/饭 1客, 咖喱角春卷/炸鸡2件, 田园沙律/餐汤2碗/汽水2罐~女侍应话等大约45mins~ 咁一路上网一路等啦~ 点知~ 18:30 就有人敲门~ 哗!! 15mins就送到~ 快到好似方太教煮𩠌咁.... 整定~ 从未试过嗌外卖快成咁~ $133 有D咩食呢? 1个环球世界大薄批~ 香辣海鲜焗饭~ 2件炸鸡~ 2罐百事~~环球世界大薄批 - 即系PixxxHux既至尊批咁~ 咩都有~ 个批好求其咁切左几下就算~ 完全分唔开~ 要用刀再锯先可以将佢地分开~ 味道可以~ 用料足~ ~香辣海鲜焗饭 - 食完pizza同炸鸡已经食唔落~ 留待明晚dinner~ ~炸鸡 - 一鸡肶一鸡胸~ 今次个皮唔够脆, 淋左~ 个皮炸得比较深色~ 有D过左火咁~ 朋友话件鸡胸个皮较厚~ 我旧鸡脾就OK~ D肉唔鞋唔韧~
继续阅读
以为母亲节大多数人会出街食, 为咗唔想同人迫, 唯有食pizza, 但点知同出街食冇乜分别, 都系唔多掂...........之前打去问过外卖自取要等几耐, 个老细答廿分钟左右, 于是我地六点半叫, 谂住七点有得食, 点知第一次打去响到爆都冇人听, 再打去, 直头打唔通, 隔一阵再试都系咁, 唯有行落去门市直接order啦~~未有到去都见到条人龙, 排紧队时又听剽d等紧外卖的人话等咗差不多成粒中都未有, 哗,,,,,,,,,,,,,,等咁耐, 早知叫pizza hut好过啦~~ 但都已经去到, 唯有焗住要帮衬, 因为唔想再行去第间, 根本人手唔够, 个女仔收收下钱又入咗去厨房帮手, 个老细坐响隔离又唔理, 电话系咁响又唔听, 系咁望住个mon都唔知做乜? 落单又慢, 服务态度又唔见好得去边, 仲要等咁耐, 都唔知点解仲咁多人帮衬, 可能系平挂?终于落完单, 问佢要等几耐, 佢话你预半粒中啦~~ 真系信佢一成都双目失明, 个个都话等咗成粒中, 仲一路咁多人order, 点只等半粒中丫..........好奇怪地佢拎出嚟叫的no, d pizza都唔算好热, 再加上如果冇人拎, 佢就咁放响架上, 完全冇保温袋装住, 人地pizza hut全部入住保温袋等客人拎架~~ 大公司系贵d, 但我觉得物有所值lor~~ 所以我地拎到返屋企时, d pizza系冻哂架lor~~ 樱之花大薄批 材料有千岛汁、烟三文鱼、洋葱、粟米、狮子狗鱼蛋、蟹柳、紫菜、芝麻, 好似好多料咁, 但唔讲真系食唔出有咁多料lor~~ 汁又唔够, 完全食唔到千岛汁味, d馅料又咸, 个批焗得太干, 好似食紧饼干咁味~~ 特色烧烤普通厚批 材料有烧烤汁、洋葱、青椒、蘑菇、烟肉、鸡肉, 又系唔够汁, 烧烤汁本身有浓味的, 但一d都感觉唔到.,.........厚批唔够厚, 而且唔够松软~
继续阅读
约左朋友系安定等，点知佢竟然迟大到....无奈之下就去揾野食....俾我发现有一间PIZZA 店，入去试下先~不过一个人又无理由叫PIZZA既,SO我叫左佢地另一招牌菜 - 炸鸡等左一阵....(其实都有一段时间,不过因为一边打机,所以冇留意)D野食黎喇~望落去都几正~新鲜热辣辣，搞到我都唔敢即刻食...试食一啖，OK㖞~~D肉有调过味,SO虽然都系急冻货，不过都好好食~而且炸得刚刚好,D肉熟得黎唔会DRY,仲有肉汁.我觉得好食过KFC 果D TIM ~下次有机会再食过~~
继续阅读
之前叫亲pizza外卖一定系pizza hut, 上网睇过食评见呢间好似唔错，就决定试呢间啦!叫左个轻便套餐，炸鸡两件，garlic bread 4块，同埋一个泰式辣香鸡pizza!炸鸡好好好好好味呀! 我从来未食过咁好食0既炸鸡！个皮好脆，鸡肉一d都唔鞋，仲好juicy~garlic bread黎到已经唔太脆，要自己放入焗炉re-heat。第一次食咁特别的pizza，好味!d炸鸡实在太好食喇，事别一星期，叫炸鸡外卖，6件鸡两个人系食唔晒ga～佢个menu同芝脆鸡个menu系一模一样，佢地系咪同一集团？下回来个Pizza & Chicken VS 芝脆鸡!!!!!
继续阅读