心夜來潮 (已結業)

為何深夜總是餓？？開工OT開到夜一夜！專登去左旺角一間都幾出名既新派潮州菜館因為見間野開到凌晨0600!可以食耐d坐耐d!我地一行三人叫左三個餸食！一窩潮汕海鮮砂鍋粥海鮮係自選的！價錢分明！種類繁多！如有花甲王，膏蟹，蟶子王，海蝦，魷魚，鮑魚等等目不暇給小窩價錢為HKD180起，大窩價錢為HKD330起而我地就ORDER左小膏蟹，蟶子同埋肉片都幾足料架味道一流！真係幾好味另外，我地又ORDER左勝瓜白蜆湯鍋湯真係令我好失望一撈....再撈....三撈....都得勁少蜆肉！蜆殼同勝瓜就一大堆....只能說圖片只供參考！理想與現實另外，order左一碟炸饅頭！幾好食！唔錯！幾出色！外脆內軟

第一次嘗試呢間餐廳 點左5算太多食物包括一個中蟹粥(夠2至3人)份量 值得嘗試個人覺得好味過澳門既蟹粥 足料另外一個非常值得推介既就係炸饅頭 價錢68 (咸味)但一碟有好多粒 飽肚又惹味之選至於豬手則不值得推介 配料太多豬手得好少炒菜則中規中矩

新開潮州打冷樓上舖.. 一上到去見到好多二人枱.. 多數都一對對情侶食都得.. 打破了傳統打冷的模式.. 而且裝修現代化.. 相信怕污穢嘅女孩子都不會抗拒.. 餐具都印晒餐廳名.. 哈哈.. 食完一次都記得個名咯.. 招牌菜小米餃其實食落感覺同蝦餃分別不大.. 我覺得蝦餃仲好味啲.. 因為小米餃一口食都係肉有少少雜質.. 配上蠔油.. 其實都幾普通..但都咁多人食所以改個菜名係幾咁重要.. 炒芥蘭基本上點整都好味.. 而魚仔我未食過.. 好硬好難咬.. 可能本身都係咁硬身.. 真係炒得好差..粉絲完全無味而且又無料.. 得幾粒肉粒都淡而無味又硬似係雪藏肉.. 基本呢個餸我地叫左食幾條就無食過咯.. 饅頭細細粒.. 一啖過好好味.. 性價比高.. 不妨一試.. 最後仲點左個牙簽雞細細件好咬口.. 點唔點醬都咁好味.. 幾特別架.. 每一碟份量不多好啱少人聚餐..

其實好幾次去完新之城行街都見到好大個心夜來潮既招牌！不過無咩腳，所以無入去食。今日難得約得成腳，大家食樓上cafe食到悶，所以我就提議食呢到。黎得潮州菜館，食嘅梗係唔少得有潮州嘅鹵水鵝同埋鹵水拼盤！ 其實如果佢一個拼盤有埋鹵水鵝就好喇！不過好多潮州菜館都係要咁樣分開叫嘅！鹵水拼盤上面有紅腸、肥豬肉、豬大腸、豬脷同埋豆腐。除咗豬脷之外，其他其實都好common！好多地方都係咁樣做拼盤。不過平時好多都會用豬耳，好少用豬脷。。。 鹵水都鹵得幾入味，大部分野都好好食！(我唔食豬脷XP) 個人最喜愛係個肥豬肉！肥得嚟唔會好溜！肥膏同埋肉嘅層次好分明！而且中間有點醋可以點，好有潮州風味！鵝肉真係啖啖肉！有啲friend會走鵝皮，但我個人就覺得鵝肉同埋鵝皮加埋一齊食先係最唔會太咸！調味調得好唔錯！潮州另外一樣好出名嘅就係手打牛肉丸！呢到既牛丸同出面街外買既牛丸好唔同。真係feel到好似漢堡咁樣好多肉mix埋一齊！係手打嘅感覺，唔算話好彈，但就好有牛肉嘅味道。 湯底好配牛肉丸！係用生菜同埋芫荽煮嘅湯底，清清地，幾好味佢呢度因為又好出名嘅沙鍋粥，所以黎呢度就唔可以唔試！叫咗隻膏蟹嘅砂鍋粥，感覺佢好足料