番茄師兄

营业中

休息中

深水埗被打造成新旅遊景點，除左各老店外，亦有新店加入，晚上來到番茄師兄，附近路上店鋪大多已經關門，見到那個蕃茄牌還在亮起，踏入店內，燈火明亮，不同食客共用桌子，客人主要是年輕人，有點大學canteen 之感。同家人一起想分享多些口味，見麵的份量幾大，就決定要佢主打犇犇有禮，一貝子同各種小吃。檸檬雪梨露貨真價實，飲感如整個雪梨打碎，少甜健康正氣，師母嘅創作果然好加$5 得到佢個玻璃飲品樽可以再用。市面已經少見有桑寄生茶，媽媽話煲得唔錯。炸物最先上場，桌紙寫佢用香港製造品牌學利魚蛋，新鮮鮮味，比其他店用嘅大陸魚蛋，冇咁多粉，食到真墨魚味。跟住慢煮相雄就出現啦，雞翼係70度慢煮，皮保存得完整靚仔，麻辣瑞士汁唔會剩係得個甜味，有少少麻少少辣想一直食。豬腩肉經過慢煮之後肥膩感少左，油香肉香相配合，同放在上面嘅沙嗲洋蔥醬料夾得好好。食完各小食感覺好唔錯，期待嘅番茄麵終於到濃厚嘅蕃茄湯汁將新鮮大花甲同帶子鮮味保持，花甲熟得剛好，但帶子既然是剌身級就略嫌煮得過熟了佢主打嘅犇犇有禮係騸牯牛各部位：有牛面頰，崩沙腩同牛坑腩，分別嫰，香，有咬口，一次品嚐到不同口感滋味。兩碗湯頭雖然都係用騸牯牛腩牛骨加大量蕃

最鍾意試新嘢嘅我，聽聞深水埗開咗一間用蕃茄湯底嘅麵店，我立即急不及待去試下。星期五嘅晚上到達餐廳嘅時間比較早， 當我坐低冇幾耐 店內已經坐滿客人，一入到去就比餐廳色彩繽紛嘅餐牌食具吸引住了。 餐牌上有五款招牌麵， 包括有犇犇有禮，鮮氣逼人，一貝子，滑一滑，豚豚圓圓等等。麵底還可以選擇米線，日式拉麵或者烏冬 。小食方便佢有三種炸物可以選擇， 最吸引我就係慢煮小食， 飲品方面就係一些健康有益嘅飲料。今次我點了犇犇有禮 $78，一貝子$68， 70度慢煮麻辣瑞士汁雞中翼 $28， 鮮炸魚片頭 $24， 凍檸檬雪梨露 $18， 熱桂圓紅棗桑寄生茶 $18。 首先講下犇犇有禮，佢嘅食材係用牛面頰，牛坑腩，崩沙腩再加新鮮蕃茄濃湯， 聽聞舖頭每日用30斤蕃茄和30斤牛骨牛腩淆湯的， 食材非常新鮮，唔會用冰鮮牛肉，搵咗香港最強牛肉買手 (牛王莫)取新鮮牯牛肉做餸。 蕃茄湯底真係好足料， 每一啖湯都食到佢滿滿嘅蕃茄蓉，犇犇有禮 選擇咗配拉麵， 麵嘅質地彈口煙韌， 一食落口就知道係高質嘅拉麵，牛腩類有好重嘅牛味香味四溢！一貝子配米線， 超級大粒嘅花甲再加兩粒北海道帶子， 兩樣都好鮮味， 食海鮮最緊要就係夠

今日又係深水埗度出沒，之前搵過一間係深水埗食番茄麵嘅好似好正咁，而我同我女朋友又係番茄迷咁梗係要去試一試啦。一坐低見到間鋪頭嘅裝修都幾新穎，牆上邊嘅木製餐牌又幾別緻。睇完餐牌之後我就叫咗個犇犇有禮嘅牛肉麵，而女朋友呢就叫咗個四寶丸番茄湯濃湯，見到佢有個麻辣瑞士雞翼幾特別又叫埋佢，仲加左個炸魚片頭同埋叫左兩杯野飲，檸檬雪梨露同桂圓紅棗桑寄生茶。先講個犇犇有禮牛肉麵，食落都幾有牛味但係有啲部位就有少少鞋，個番茄湯底如果再濃少少就好啦同埋如果有啲蕃茄容喺入邊嘅話咁就冇得頂。反而個麻辣雞翼就真係有啲驚喜，係出面食唔到呢個小小麻辣又有瑞士雞翼既sweat sweat味道。個四寶丸就正常嘢啦冇乜特別。反而個檸檬雪梨路都幾出色， 女朋友都爭住飲我個杯唔記得咗飲自己個杯野。總括來講如果係蕃茄控休又行開深水埗嘅話都可以去試吓呢間鋪頭㗎。