米走雞 (昭德大廈) (已結業)

好耐冇食過雞煲啦，今日黎到米走雞。我哋一行六人，點咗兩個煲：🧀黃金芝士(大) $238 - 米走雞叫得自己做芝士雞煲專門店，嚟到就梗係要試吓個芝士雞煲。個煲本身嘅配料有洋蔥、中芹、芫荽同落咗少量芝士碎。黎到嘅芝士好澎湃😂啲雞好滑，同芝士勁夾，呢個煲係勁啱啲芝士怪😂食完個鍋，其實仲可以加湯同加個面咪整芝士湯麵，但因為仲有其他餸，驚會食到好飽，所以就冇咁樣做，但想像下都會覺得好正🤤🌶另一個鍋係叫咗火焰麻辣鍋(大)$228，配料有辣椒乾、洋蔥、中芹、芫荽 - 我哋叫小辣。個麻辣勁夠味，麻辣同雞煲永遠都係最佳拍檔😆其他配料我哋仲叫咗：🟡響鈴全份$52 - 啲響鈴勁大隻，好少出街食飯，會見到啲咁大隻嘅響鈴⚪️蜂巢冰豆腐半份$24 - 呢個只係okay, 下次就未必會叫🐮手切新鮮牛頸脊$228 - 新鮮又嫩！🐑蒙古羊肉片$148🦆鴨血$43 - 鴨血建議一開始就落，去到最尾先食，如果唔係就會唔夠入味🥟鮮製五併餃$108🍄雜菇拼盤$44🐟炸魚皮$48🐟脆鯇腩$98🟡豆卜半份$20🟤木耳$34整體質素都好唔錯，配料都好新鮮。如果食雞煲，呢間都係一個唔錯嘅選擇！

雞煲專門店 米走雞主打黃金芝士雞煲 火焰麻辣雞煲 見到成煲芝士 完全抵受唔住佢既誘惑 黎到最近重開既長沙灣分店 環境整潔舒適 設有卡位⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀▪️黃金芝士雞煲 $178/小 (2-3人份)芝士雞煲既芝士碎 可選小量 普通 激量自以為好鍾意芝士既我地當然揀激量啦夾住雞件卷呀卷呀卷 直至成舊雞裹滿芝士 真係超級邪惡 雞肉嫩滑 濃郁芝士味店員提醒要由面食到底 唔好撈埋 雖然底部既芝士汁無面頭咁杰 但食落芝士味同樣濃郁 真心食左幾舊已經好漏 食到一度懷疑自己係咪咁鍾意食芝士 如果可以雞煲鹹啲同加小小辣味解膩就好啦轉火鍋既時候可以選擇加芝士汁或者清雞湯 由於太膩既關係 就揀左清雞湯 估唔湯底依然充滿芝士香氣 每一樣食材都吸滿芝士湯底 淡淡芝士味✔️哈哈蝦中寶 $63/半份蝦中寶比想像中大！勁！多！超足料！蝦膠包住原粒蝦仁 質地彈牙 啖啖都係蝦 一個人食一粒都飽左唔少✔️手打五寶拼盆 $48/半份五寶分別係 鮮墨丸 鮮蝦丸 鯪魚丸 豬肉丸 鮮牛丸手打鮮牛丸 有別於平時食開既牛丸 食落牛肉味道非常濃郁 不過質地就比較軟腍 唔似平時個啲咁彈牙手打墨魚丸 質地彈牙之餘

米走雞有好多分店，一直都想試，見依家天氣涼涼地，所以就約左兩個朋友一齊食。鋪頭的門面好新淨，入邊好光猛，座位好闊落。知道米走雞出名係芝士雞煲，但又有D擔心用芝士黎打邊爐會唔會好漏，爭扎左一陣，都係決定試下芝士雞煲，揀左個小。店員送上極度邪惡嘅芝士雞煲，會等芝士溶哂之後幫我地開蓋，提醒我地唔好攪伴會更惹味。芝士的份量多，一路煲出濃郁的芝士味，令每件雞都係滿滿的芝士，雞件都好多，雞肉滑，仲有洋蔥等配料，份量一D都唔少，食完都飽飽地。食員店員會加湯打邊爐，但我地唔敢挑戰芝士湯，揀左清湯。火鍋料揀左手打五寶拼盤，有牛肉丸、鯪魚球、墨魚丸、蝦丸同豬肉丸。蝦丸口感彈牙，牛肉丸黑椒味重。由落單開始就擔心炸魚皮芝士係咩味，其實都唔太大分別，而魚皮脆卜卜，好香囗，重要勁大兜，食極都仲有。牛頸脊份量都係揀少，但一D都唔少，牛肉味濃，肉質滑，好新鮮。仲叫左廣島蠔同菜苖，最後都係食唔哂，哈哈。

黃金芝士雞煲(小) $168冬天要暖笠笠，當然要打火鍋。邪惡的芝士雞煲，芝士香氣濃郁，表面鋪滿鮮豔乾蔥粒，超級滋味動人。相機先食後，我們便趕快開動了。看著芝士慢慢溶化、起泡，令人食指大動，我們爭相夾起雞肉塊，長長的芝士拉絲，超級邪惡!雞脾肉肉質彈牙，雞皮掛滿滑溜的芝士漿，入口滑嫰無比，啖啖芝士芳香迫人，滋味停不了!洋蔥粒吸收了芝士及雞肉的精華，入口香甜而惹味，衝擊味蕾，更是美味。竹蔗茅根 $ 68打火鍋和竹蔗茅根是完美的配撘，滋潤、解熱氣，吃再多也不怕。竹蔗水十分足料，有馬蹄、紅蘿蔔片、粟米及甘蔗條，入口香甜、生津解渴，馬蹄爽脆，清新潤喉，的確不錯。手打五寶九拼盤 $88手打五寶丸有:牛丸，蝦丸，魚丸，墨魚丸和豬肉丸，粒粒厚實、彈牙，蝦丸和墨魚丸尤其鮮味，魚丸吸收了芝士濃湯，鮮味當中沁出香甜，令人窩心。特級雪花肥牛(小) $128特級雪花肥牛雪花滿佈，紋路清晰，單是賣相已令人垂涎欲滴。肥牛放在湯內數秒，變得色澤粉嫰，入口嫰滑誘人，肉質綿軟，啖啖濃郁牛肉香，配上芝士的香甜，令人欲罷不能! 鮮製四拼餃 $88鮮製四拼餃有:牛肉、 韭菜、鮮肉及蝦餃，全部自家製，餡料脹卜卜，滾至浮起便可以享用

今次終於可以一嚐米走雞的招牌芝士雞煲，真係非常期待，已經心思思想食好耐。其實之前都食過呢度的麻辣雞煲，那時我都已經大呼好食，可以選擇不同辣度，而且份量十足，剩係雞煲都食到飽，配料選擇又多。呢度有啲配料仲可以選全份或半份，比啲人數唔多，但又想食多幾樣配料可以多啲選擇。而今次就點左黃金芝士(小)一落單個芝士雞煲就好快黎到，煲緊的時候，見到好多芝士係入面熔緊，睇見就好想快啲食。終於都等到芝士煮熔晒，一打開蓋，芝味撲鼻。啖啖都係雞肉，雞肉嫩滑，而且每件雞肉都沾滿了芝士，就好似食緊瑞士芝士火鍋一樣。大讚！當食完雞後，就加湯打其他配料，唔好以為係普通清湯，而係芝士湯，所以芝味有增沒減。感覺即時又變成食中式火鍋了，一個雞煲兩種不同感覺的食法。其實食完雞煲都開始覺得有少少飽，但依然想繼續食，所以都點了幾樣半份配料黎滿足我的食慾。極力推薦蜂巢冰豆腐、蟹柳，真係好食，又滑又甜，吸埋啲芝士湯好正。竹笙墨魚滑又鮮又爽口彈牙，外面包住竹笙都幾特別。仲有新鮮牛頸脊，煮完好滑好爽一啲都唔韌，而且牛肉味沒比芝士搶走。其他配料都非常好吃。鮮炸響鈴，煮10-15秒就剛剛好，外軟內脆，吸埋芝士湯簡直一級棒。炸魚皮非常香口，