老坑火鍋

营业中

休息中

今晚有fd吹雞話打邊爐，介紹間嘢我試，即管聽佢講去試吓先唔係個fd同我去都找唔到，原來都幾隱蔽但入到去座無虛席未選湯底打邊爐前，我哋叫左兩個小食醫吓肚先炸魚皮，甘香爽脆鹵水鴨舌，好厚肉，而且個汁好杰，鴨舌入晒味，超正！最後選左個白果鹹菜豬肚湯底，鹹菜幾鹹，但豬肚幾爽唔係好腍鮮牛肉，真係好正，好鮮甜好濃牛味鮮四寶（牛丸、鯪魚丸、墨魚丸、蝦丸）樣樣食落都好彈牙韮菜餃，餡料十足，隻隻好飽滿新鮮八爪魚，新鮮真係唔同d，特別鮮甜爽囗豬沙腩，好好味，好似同食牛既崩沙腩一樣感覺肥牛肉，普普通通，冇得同鮮牛肉比所以來呢到一定要選鮮牛肉，泥猛魚，幾大條多肉，食落肉好結實好鮮甜最後埋單都係$1380，每人只需$345，算係平，朋友冇介紹錯

聽聞老坑火鍋食物質素高，雖然喺紅磡隔涉位置，都專誠約埋班老友嚟開餐。舖面唔算大，每枱都坐滿客，好地踎嘅裝修同迫夾嘅環境，夠哂地道風味一睇餐牌就知佢選擇多，有好多刁鑽嘢係其他火鍋店冇嘅呢度都有得食，生腸粉腸雞腸鵝腸、油炸鬼、田雞、牛脆骨、豬下青、豬腳筋、黃鱔、魚唇、魚咀、魚卜、喉叮、新鮮八爪魚、即劏田雞都有得你食，仲要價錢合理，問你死未！湯底叫咗個蕃茄蟹湯$350，有一隻新鮮大肉蟹，肉質鮮甜無比，但係個湯冇蟹味⋯蕃茄味都算濃郁，欣賞佢加湯嘅時候真係加蕃茄湯唔係清湯，唔會搞到個湯底淡哂。其實普通湯底只係$60，下次會選擇叫返普通湯底。炸魚皮$45超脆好味！迅速秒殺咗成碟。油炸鬼得返最後一條，阿姐問我地要唔要，梗係幾大都話要啦，可惜擺耐左味道一般。響鈴$40非常麻麻，每件大小不一，連個腐皮樣都有出入，唔係即炸，仲要有啲個心係硬嘅，可能係溝咗唔同牌子嘅現成貨。隆重推介手切本地肥牛$320，有咁嘅價位，真係俾到呢個級數嘅牛肉你，牛肉味濃仲要肉質係鬆軟嘅，好正！算係近年食過最好嘅手切牛！椰菜餃$65一打，好大粒，漲卜卜，爆多椰菜，唔錯鵝腸$90，係勁肥嘅鵝腸！大大條，唔會話驚烚完縮到唔見咗，肥美到

這天慶生日真是非常寒冷，起碼低於10度，今天有位同事生日，與一大班同事攪慶生火鍋晚餐，放工後去了紅磡的「老坑火鍋」一齊打邊爐，今次一行有十五人圍埋一起打邊爐，真是非常熱鬧! 「老坑火鍋」紅磡的曲街，環境方面都會較簡約較窄，不過地方都燈火通明，仲有電視看。火鍋湯底有十款選擇，分別有沙爹湯底、蝦湯、皮蛋芫茜湯底、白果胡椒豬肚湯底等......店員先幫我們倒了一些醬油及給我們一些蒜蓉、紅辣椒。來食火鍋前我們點了一些小食，一邊食一邊等同事來到。 兩款的小食分別點了響鈴($35)及油條，油條都是即叩即炸，外脆內軟，都不會太多油，另外不少人都好喜歡將響鈴浸下火鍋先食，但我個人就喜歡不浸湯來食，脆香鬆化，好香腐皮味，脆到好似食薯片，真是一流。 另外再點多份炸魚皮，炸起來香脆，入口鬆化酥脆可口，而且沒有魚腥味。 先來兩個湯式，一個是蕃茄清湯($40)而另一個是馳名蕃茄蟹湯底(時價)。馳名蕃茄蟹湯底內有一隻蟹，蟹肉都好大隻，蕃茄味真是好濃郁，蕃茄酸香味道真是好吸引。 一口氣都點了不少火鍋配料，真是好豐富，先來一支地道蜂蜜綠茶潤下喉，也是時候開大餐了...... 上枱時豬夏青($70)的色