老點里 (已結業)

今日星期六由於公司都多嘢做所以一朝早已經開工，不過我呢的work-life balance嘅點樣都要休息下，收工後都係一如以往咁約朋友打波，話晒依家玩得都買少見少，所以都要好好珍惜。呢度始終係講食嘢嘅地方，所以都係講下今日食咗啲乜嘢，打完波之後大家都各自離開。由於今晚一個人食，返去途中經過吳松街見到間新派個名又幾得意鋪頭叫做「老點厘」既車仔麵，咁耐無食車仔麵心思思梗係要幫襯下啦。入到舖頭見下午茶時間未算好多人，搵到個靚位再睇下餐牌， 呢間餐廳主要都係做車仔麵，除此之外都有啲小食都幾適合大人細路，車仔麵款式都有三十幾款，望咗一輪之後嗌咗四款餸：雲吞、牛腩、牛肚同埋豬腸，呢幾樣都係我食車仔麵其中必食幾款，另外小食就有炸魚皮同埋墨魚春卷。落單時候店員都有提議我可以試下杯新款薏米菠蘿冰，消暑一流~~~等咗大約十分鐘左右，所有食物都陸續上枱啦~ 上枱啦~ 首先就係呢碗四餸車仔麵，  佢嘅份量都正常而擺碟都精美，每款食物嘅份量都算好足夠，喺其他嘢上枱前就試一試個車仔麵先，雲吞餡係豬肉，入口好新鮮而且大大粒非常飽滿。牛腩鹵得好香肉質亦鮮嫩，同出面嘅牛雜鋪有得媲美。到呢款牛肚，佢個牛肚係我最鍾意嘅毛肚

睇到社交媒體網站post 話轉左做車仔麵，今晚約咗3個朋友去試，去到舖頭見到格局無變，依然係卡位+2至4人枱，我就點左6餸麵中辣、朋友就4餸麵大辣，另外加左小食(炸魚皮、麻辣雞翼尖、炸墨魚春卷、炸雞翼），我就叫左「真菠蘿冰」… 飲完先知唔記得咗影相！😅 當服務員放低碗麵… 已經聞到濃濃嘅豬骨湯底… 雖然車仔麵餸都係普通嘢！但朋友們食完都「讚」味道唔錯 😋 ，但睇得出師傳係「用心製作」👍🏻 真心推介….. 大家都去試試啦！😊😊店名：老點里車仔麵 (佐敦吳松街)