財記海鮮火鍋活魚刺身

营业中

休息中

今日食下港式火鍋，試訂左財記，門口光鮮，大大魚缸。入到去即時安排左大圓枱，兩個人坐四、五人枱，又有電視睇，立即加分。侍應亦都即時送上熱水比我地食碗筷，而且調味同小食一並而黎。餐具都好乾淨，基本上就唔使再過水。青瓜粗幼一致，味道剛好，好快食完。菜單多數有圖，唔使估估下。除左火鍋，亦都有多種刺生同小食。首先安格斯牛肉，細碟已經好夠食，而且有一定厚度，真係似食緊扒一樣，雪花好均勻。另外，老闆推介竹庶茅根水，餐廳自製，味道非常清新。我地叫左花甲肉蟹鍋，肉蟹原隻上，真材實料。肉蟹夠結實，啖啖蟹肉，容易食。另外花甲都幾大隻。另外叫左雜菜拼盆、廣島蠔、芋絲、墨魚滑拼蝦滑。雜菜拼盆有皇帝菜、唐生菜、油麥菜、蘿蔔、粟米同番茄，種類同份量都多。墨魚滑同蝦滑可以雙拼，兩種滑都真材實料，有粒粒墨魚肉、蝦滑係每啖都食到原隻蝦，同時都非常彈牙，第一次食到咁足料👍🏻。炸魚皮夠薄同脆，鮮炸既，味道適中。食完一餐非常飽，而且只叫左一壺竹庶茅根水就足夠，唔會口喝，證明無味精，食得舒服。

今日去咗大角咀個朋友度聚聚。不經不覺就到夜晚食飯時間，我個朋友就提議去食火鍋。大家上網揾揾就試試間中式火鍋店。間店舖裝修10分寬闊同整潔，座椅都坐得好舒服。餐廳入面還可以包房的，聽店員說有些$1500以上就可以了。打邊爐就最重要個湯底，鍾意食蟹既我們，就選擇左呢個花甲肉牌喎。個湯底同配料是分開上的。只蟹好大只，同配料好足。大大件安格斯牛肉片$176 細份。啲牛肉好大件好抵食個炸魚皮堅秋出色，因為食落口又翠又香又唔多粉。必試手打蟹籽墨魚滑加蟹籽蝦滑，好鮮同好好食！

平時我都係落開熟蒜、蔥、芫荽、 辣椒、豉油和麻醬，今次落咗沙嗲醬，令到調味料更加香濃!酸菜鯇魚鍋，真材實料，鯇魚多火，又甜， 仲有脆肉鯇添，所以個鍋一到我哋就食咗一成飽你睇下啲魚雲同埋魚頭? 呢啲就係令到個鍋好味嘅原因。而d魚唔洗點醬鼓油都咁鮮甜!以下呢兩碟真係極品😋😋😋😋第一碟(即後面果碟)係超級推介既鵝腸，第二碟(即前面果碟)亦係非常推介既貴妃蚌。兩樣都新鮮到爆，從未食過鮮到有甜味既鵝腸，而且又冇乜肥膏。查詢後得知店主既鵝腸係好朋友嘅鵝場供應，即日送到，所以咁新鮮咁好味。至於貴妃蚌亦都係好鮮甜，非常爽口、美味， 都係果句，呢到其實冇食物需要點醬油黎食，完全享受到新鮮嘅美味牛丸痳，唔好睇佢個樣普普通通，呢度唔係食彈牙，而係要食真材實料，有質素嘅食物。你睇吓裏面? 實的的咁，係全部牛肉呀!見唔見到啲韭菜餃呀？ 大大粒，皮薄餡靚，個皮真係薄唔覺食到個皮咁，只食到啖啖既韭菜包住D肉。好味!魚皮痳，都係必食，脆、香、厚度适中!