Casa Cafe & Bistro

营业中

休息中

最近去了Casa Cafe and bistro，是一間位於海邊的cafe餐廳。雖然是一間Cafe，但閒日午餐都多選擇，無論是食物、環境性價比高，又無加一，可以encore。下午茶食咗個炸啲薯條加咖啡，簡簡單單又一餐，享受吓海邊嘅寧靜。有室外座位，見到有客人帶狗在室外用膳.室內裝潢簡約，今日閒日唔算多人與朋友聚餐談天是一個理想的場所。最後是服務。無加一, 提供小小自助區, 有冷熱水紙巾可自取, 我見好多人踩單車中途你歇一歇，下次踩單車都可以嚟試吓。總結來說，都幾好

Cafe近海旁，附近有泊車位。餐廳以藍白色調為主，有室內同室外位置，座位闊落，環境舒適～ 餐廳用咗玻璃門，中午陽光照射入嚟，採光度十足，好岩影相！📸️💛炸魚薯條暫時係食過最好食嘅炸魚薯條❣️炸皮炸到金黃色，好香脆！入面魚肉滑嫩多汁，配沙律醬一齊食更好味！如果怕油膩，可以喺食之前滴少少檸檬汁，減去油膩感～ 仲有一堆薯條做伴碟，啱兩個人share食。💛香焗雞中翼焗到金黃色，肉質juicy。💛Green tea latte 抹茶味夠濃。推介食物：炸魚薯條🐟食物質素：🧸🧸🧸🧸🧸環境：🧸🧸🧸🧸🧸性價比：🧸🧸🧸🧸🧸

✨抵食寫意嘅cafe✨.自從冇得去旅行後，多咗係香港唔同地方搵野食😋最近週末去咗馬鞍山近海滂位置嘅Casa cafe & bistro食野，座位寛闊舒式，裝修藍白為主令人覺得好寫意，好啱係到同朋友係到閑聊(˶ˊᵕˋ˵)仲有如果坐戶外位仲望到海添㗎，有種遠離繁囂嘅感覺好舒服呀 🌊 .▫️鮮忌廉卡邦尼意粉 $82 .▫️煙三文魚雜菜沙律 $88 .▫️炸魚薯條 $105 .▫️森半抹茶鮮奶 $40 .▫️鮮奶咖啡 $40.▫️紅蘿蔔蛋糕 $48.想講食物真係好抵食，質素都唔錯，重點每樣都好大碟😻 #卡邦尼意粉 夠creamy不膩，意粉亦夠軟身；#沙律 嘅煙三文魚份量都好多，而且有我最愛嘅火箭菜，醬汁有黑醋同芝麻醬另上可按個人喜好加落去❤️ .至於 #炸魚薯條 除咗炸得香脆，亦真係超大份，好似食極都食唔晒咁好抵食😋仲有兩杯 #greentealatte 及 #cafelatte 都唔錯♪.而我最推薦一定係佢個 #紅蘿蔔蛋糕 ，佢 texture係偏淋（唔好expect佢係硬身），蛋糕層與層之間有啲cream狀嘅cheese cake，食落完全唔會好heavy清清地咁好好食，而且並唔會有紅蘿蔔陣青青地嘅味❣️

今次好似係我第一次入馬鞍山呢，如果唔係黎探朋友真係冇機會黎。同朋友揀左呢間係海邊既cafe，雖然坐係入面係睇唔到境，但感覺上都好relax，其實都仲室外位但最近太熱了，我地就坐係入面好了。餐廳係半自助形式的，自己出去落單，等店員送上。Menu選擇雖然唔算太多，不過都種類齊全，唔會揀唔到野食。最貴既Set dinner都只係$250，仲包埋餐湯同埋甜品，都算合理。第一次見咁大支Tabasco呢！今日既餐湯係龍蝦濃湯，龍蝦味非常出，好香濃呢，上面加左啲麵包糠增加口感，都唔錯。餐湯另外仲有配蒜蓉包，用黎點湯食一流！五香炸雞翼，唔算炸得好勁，但都算外層香脆，但啲肉超級多汁嫩滑！炸雞鎚相比起五香炸雞翼就炸得更香脆，配埋特製既蒜香甜酸醬就更加惹味了！叫左份沙律，份量都幾大，配青醬既感覺好fresh呢，配番茄又幾夾。我幾中意既牛油芝士肉醬意粉，芝士加肉醬意粉基本上是個不敗的組合，絕對係必食之一。肉醬份量足夠，唔會太乾身，微酸既肉醬配合咸香既芝士，味道恰到好處。炸魚薯條，配番茄醬同埋沙律醬，好大份呢。啲魚肉keep到滑身，都算滿意。澳洲安格斯西冷，今日唔想食牛既我就冇試了，朋友話就算唔落燒汁都已經好夠

近日連場暴雨,我既思緒也仿佛也受到大雨影響🚶,不論我怎做也找不到快樂的理由,所以决定藉這場暴雨好好審視自己的人生,從而把自己由低氣壓拉出並好好放鬆自己,我在雨中走着,看到ㄧ間簡單舒適的餐廳💆,我想我既人生與現在的我亦該歇歇吧,所以不假思索就走進店内,店内簡潔,使人忘記煩惱與束縛,我點了各樣餐點,並享受着暴雨中的午餐.1.玫瑰荔枝梳打🍹荔枝既清香加上梳打,十分清爽和解渴,配上濃郁既花香,猶如置身在花田中.2.炸魚薯條🎣🍟炸魚的皮炸得香脆,而薯條反而遜色,整體上比較咸3.煙三文魚厚薄餅(大)🍕本以為係小小ㄧ件,沒想到如此厚,看似比較似麵包多過薄餅,但飽肚亦十分鮮味,CP值高,但建議叫小份就足夠這樣平靜既下午,用完午膳後,心情沉澱好,可重新享受雨後既彩虹🌈

今晚約了媽咪，去屋企附近的餐廳晚餐。呢間餐廳之前我們都好想試，不是沒有位，就是太早未開。今晚終於都試到啦！❤❤❤ 覺得呢間餐廳是間有海景睇，又文青，又休閒的 café. 仲可以帶小寵物到來架，非常好的地方啦。馬鞍山是一個美食的沙漠重災區，今晚呢間 Casa cafe & Bistro, 應該可以打救呢個沙漠啦～我們大約晚上7:10到達餐廳，職員很好，有禮貌地說，餐廳是半自助的方式，坐下來睇好餐牌，之後去收銀處付款便可。還是碗筷，水都是自己去取的。餐廳環境非常開揚，坐得舒服，自己 order food, 職員會送餐。食物方面，全是即叫即製，確保新鮮。價錢相當合理，沒有收加一。仲有提提大家，星期一餐廳 close。🥰我同媽媽 order 了 weekday set combos set B, 再加個我至愛--- 炸魚薯條。Set B 包括，餐湯 X 2, Starter 我選了 素菜春卷（5條），Main Dishes 選了 蘑菇辣肉腸厚薄餅，甜品，養顏玫瑰花果茶 & 雪梨檸檬梳打。餐湯是蘑菇湯，非常濃郁，很滑，很香。素菜春卷，油炸食物，控制很好，沒有油多出來，只是炸得有點過火。蘑菇辣肉腸

週末懶得出城，所以又來到馬鞍山海傍的Casa Cafe & Bistro吃晚餐，上次吃過都覺得是同區中高質素餐廳。餐廳環境開揚，坐得舒服，自助式下單後就可入座等待店員送餐。餐牌食物種類不算十分多，不過全都是即叫即製，而且全日免收加一，價錢貼地，以同區來說實在不算貴。鮮忌廉黑松露煙肉蘑菇馬鈴薯粉 $85 忌廉醬汁調較得香滑濃稠，加入黑松露，菌香滿溢，香氣馥郁。馬鈴薯粉即是一粒粒小丸子Gnocchi，口感綿軟又煙韌，徹底吸收奶滑濃郁的忌廉醬汁。香辣蒜片虎蝦厚薄餅 $128起初還以為如此厚切的Pizza會很飽滯，但想不到咬下去外脆內軟，綿軟之餘帶點QQ空氣感。加上以香草餅底所製成，比平時的普通餅底多添了清新香氣，所以兩人都可輕易KO 一整個。虎蝦肉質爽彈，加上蒜片及芝士粉提味，惹味無窮。慢煮原條豬肋骨配蜜糖手製醬 $178豬肋骨表面沾滿香甜的蜜糖手製醬，令人胃口大開，色香味俱全。豬肋骨肉質軟腍嫩滑，咬一 口肉輕易便離骨，不會過韌，滿口肉汁，脂肪不多，所以吃完也沒有肥膩的感覺。薯條連著薯皮炸得外層酥脆，肉心軟綿細密，邪惡又美味，完全吃到停不了口！炸魚薯條 $92一上枱仍是熱辣辣，炸魚size超

我地兩個人叫左兩個tea set, 一個係炸魚薯條，另外一個係牛油果波蛋三文治，兩杯餐飲就以半價改為cappuccino, total 只係$203... 我同我先生都覺得好抵，因為以tea set來講算好大份，午餐既份量，大大塊魚柳下面就好多薯條，而且熱辣辣，食得出係即叫即煮的個人認為薯條配他他汁都好好味好夾的，我地另加了一個他他汁($3)。另外牛油果波蛋三文治也很特別，不過就幾”漏”的...兩個tea set食曬確實好飽。Cappuccino 溫度控制得好，不用加糖都可以，飲到泡同咖啡的層次侍應服務也很好，很友善值得推介的Cafe