LA Restaurant & Dessert Bar (已結業)

網上睇到呢間位於旺角通菜街的西餐廳，重磅介紹嘅係佢的威靈頓牛柳。我哋家人一向鍾意食西餐，加上全家都係大胃王，商討一番之後，決定一齊嚟尼度食晚餐。是日是星期六，雖然話係訂咗位，但係排隊嘅人龍仲係好長。我哋訂嘅時間係7:30，最後等咗20 分鐘左右至能夠入座。因為排隊嘅時候已經睇咗餐牌，所以坐低就可以馬上嗌嘢食。一家四口，通常嗌四至五樣嘢大家分享。睇到呢度嘅晚餐，如果加$30就可以有餐包、餐湯同熱飲，二話不說就決定要咗4份。論著次序嗌主食，哥哥要佢鍾意嘅墨魚汁意大利飯，妹妹要嘅係香煎牛柳配黑椒汁。Daddy 都係話想食飯，要咗份脆炸軟殼蟹意大利飯，我則嗌咗呢度嘅看家名菜-威靈頓牛柳。因為daddy通常都食唔飽，所以又外加一份水牛城雞翼同一個魔鬼牛油果軟殼蟹薄餅。阿仔嘅烤焗芝士虎蝦墨汁意大利飯最先上，烏卒卒一坺嘢，賣相唔係好睇。叫得虎蝦就一定係大隻，阿仔話隻蝦都幾新鮮。我哋其餘的人都食咗一啖飯，墨汁味道都叫做唔錯。跟住嚟到嘅係妹妹嘅香煎牛柳配黑椒汁。食西餐嘅話，呢一味係非常普遍的，其中嘅分別，就係牛柳的質素同埋廚師控制火候嘅準確程度。妹妹係食牛柳的專家，佢嘅評語係牛肉質素OK，但係煮得有少少

女人街臥虎藏龍，發掘到一個LA餐廳！前菜有蒜蓉包，配由帶微酸蕃茄加香草加橄欖油做成嘅醬，簡單又好味。忌廉湯足料，有蜆肉、蘑菇。小食點咗烤焗芝士蟹肉牛油果。第一次咁食牛油果，係全餐嘅驚喜之作。必食！牛油果夠熟，creamy嘅口感配埋滿滿一絲絲蟹肉係大滿足。面頭仲有最愛嘅微焗嘅芝士，沒有不愛嘅可能。主菜係烤焗芝士虎蝦墨汁意大利飯。大大隻原隻虎蝦，足足有1隻手指長。好彩有新朋友剝殼，啖啖肉，正。肉質爽口，保留到鮮味。意大利飯軟硬適中，就返港人味道。墨汁調味好，有淡淡嘅海鮮甜味。不過，食墨汁一大注意係要抹嘴！！店名有dessert bar，睇黎對自家甜品好自豪，所以決定食下LA伯爵茶奶凍焦糖脆脆伴雪糕。伯爵茶味好出。焦糖脆脆配雲呢拿雪糕，底下oreo碎，係唔會出錯嘅組合。焦糖脆脆唔會過分甜。新朋友對甜品大讚。飲品各點咗mocktail LA Mojito同芒果沙冰。呢排對有薄荷嘅飲品情有獨鍾，幾鐘意清新解渴嘅感覺。Weekend係旺角鬧市中享受一餐輕輕鬆鬆嘅西餐好正，希望下次黎食威靈頓牛柳。

而家既女人街闊左好多～但夜晚會開既餐廳唔多...有日比我發現到呢間美式餐廳，見到個環境幾唔錯，就約朋友一齊去試下啦門面感覺型格枱與枱之間好闊，超舒服的淺色石磚牆上放掛飾餐牌大大本店員推薦串燒甘就試下啦果然無令人失望，睇得之餘又好食牛柳超推薦，一啲都唔韌，無根超Juicy煙肉蘆筍卷好好食😋杏鮑菇原條燒，啖啖肉都幾正墨魚汁意大利飯好味道，奶香味成碟比我食哂跟餐既餐包同餐湯蒜蓉包新鮮烤起，入口脆卜卜。點埋番茄醬非常之夾呢個必叫大啡菇釀咗黑松露蟹肉餡，最面係兩種芝士。個餡嘅黑松露同埋蟹肉嘅比例非常之平衡，上面嘅芝士唔算多蟹肉黑松露餡份量非常足料LA MOJITO 味道清新今餐非常滿足，兩個人都係食咗四百幾蚊，咁嘅質素來講，性價比非常高下次會再推薦其他朋友一齊過嚟