LA Restaurant & Dessert Bar (已結業)

女人街卧虎藏龙，发掘到一个LA餐厅！前菜有蒜蓉包，配由带微酸蕃茄加香草加橄榄油做成嘅酱，简单又好味。忌廉汤足料，有蚬肉、蘑菇。小食点咗烤焗芝士蟹肉牛油果。第一次咁食牛油果，系全餐嘅惊喜之作。必食！牛油果够熟，creamy嘅口感配埋满满一丝丝蟹肉系大满足。面头仲有最爱嘅微焗嘅芝士，没有不爱嘅可能。主菜系烤焗芝士虎虾墨汁意大利饭。大大只原只虎虾，足足有1只手指长。好彩有新朋友剥壳，啖啖肉，正。肉质爽口，保留到鲜味。意大利饭软硬适中，就返港人味道。墨汁调味好，有淡淡嘅海鲜甜味。不过，食墨汁一大注意系要抹嘴！！店名有dessert bar，睇黎对自家甜品好自豪，所以决定食下LA伯爵茶奶冻焦糖脆脆伴雪糕。伯爵茶味好出。焦糖脆脆配云呢拿雪糕，底下oreo碎，系唔会出错嘅组合。焦糖脆脆唔会过分甜。新朋友对甜品大赞。饮品各点咗mocktail LA Mojito同芒果沙冰。呢排对有薄荷嘅饮品情有独钟，几钟意清新解渴嘅感觉。Weekend系旺角闹市中享受一餐轻轻松松嘅西餐好正，希望下次黎食威灵顿牛柳。