FooDo

营业中

休息中

同朋友去旺角女人街行街，之後就去咗呢間充滿聖誕裝飾佈置嘅西餐小店。我哋叫咗一個意粉一個薄餅，仲有跟每一份主食送嘅水果茶，再加咗小食，一碗湯兩個人share。a7忌廉汁日本魷魚、菠菜葉配手作意大利意粉 $126 少少🤏辣 🍝意粉有鹹蛋芝士味，感覺似係手工意粉，質料都幾彈牙嘅。芝士汁加菠菜同埋魷魚🦑，口感有種歐陸海鮮，再加田園嘅風味，魷魚爽滑，成個意粉味道都幾特別！🤤c4 波菜葉、車打芝士、日本太陽蛋手作薄餅 $104薄餅係麵包底，大大塊菠菜，食落去有一層軟林林嘅車打芝士，太陽蛋就可以用蛋汁淋上面，味道鹹鹹地幾好食。😊烤焗芝士雞塊 $48 🧀🍗啱啱焗好，雞肉入邊夾咗芝士，味道香濃。+$13加配 薯仔洋蔥青瓜甘荀沙律細份，但係入邊有洋蔥、青瓜、甘筍、三種蔬菜嘅口感同埋味道，搭配薯蓉感覺清新。跟餐送嘅水果茶，有啲淡淡的水果味，但係唔會太甜嘅，所以幾好飲。$18 蘑菇湯，湯入邊好多蘑菇碎，淡淡都係蘑菇忌廉湯味道。佢啲座位設計適合三五知己一齊食。

一向都鍾意食手工意粉，一早已經聽過呢間FooDo @foodoonline ，主打各款手工闊麵，以手工意粉黎講佢既CP值好高！另外好驚喜既係佢地既薄餅同埋甜品都好好食！唔怪之得呢間鋪頭長期都咁多人食。1⃣️忌廉汁鳳尾虎蝦、菠菜葉配手作闊麵（$104）（玄米茶跟餐） 手作闊麵食落係真係唔同啲架～食落有蛋香味而且彈牙有咬口，係高質既🤩而且佢好掛汁，個汁唔會好膩，配上三隻虎蝦，同埋啲菠菜葉一齊食好正～唔怪之得呢度既意粉咁多人讚！另外餐飲揀左玄米茶，清清地唔錯～  2⃣️醃肉、蕃茄片、車打芝士、乾辣椒碎手作薄餅（$101）（水果茶跟餐） 諗住佢地既薄餅都寫住係手作既，諗住順便試下，點知又比到驚喜我wor😳薄餅外圍係脆身既，但係批底係煙韌既口感，唔會乾，面頭鋪上左芝士去焗，醃肉帶鹹香，配埋酸甜蕃茄片，唔會感覺太鹹太單調，仲有啲辣椒碎係面，食落微辣惹味。水果茶好好飲！鍾意佢唔會太甜😌 3⃣️烤焗芝士雞塊（$48） 有四大件，面頭有芝士烤過既味，食落係脆身既，入面既肉好厚、juicy，呢個價錢好抵食！  4⃣️焦糖脆脆蛋糕（$54） 甜品作結😋外面既奶油唔會好甜，啱啱好，滿足到想食甜品既心但又唔會過份甜膩。面頭既焦

旺角Cafe西餐琳琅滿目，但要講到對食材嘅執着、製作嘅用心，「Foodo」一定係表表者✨位於旺角通菜街，小店地方唔算大，但蘊藏嘅美味、心思卻無限大💖.店家標榜選用日本麵粉及雞蛋，走無味精健康路線💕每日新鮮人手製作意大利麵條及餅底，由搓粉、壓皮至烹調，一手包辦✅.🍴忌廉汁醃肉、日本生雞蛋配手作闊條麵💰$96店員特別吩咐雞蛋要盡快撈勻🥚將蛋汁沾滿所有麵條後，伴以忌廉汁，入口蛋香濃郁之餘亦帶忌廉奶香😍手作關係，麵條零舍煙韌有口感，同機製嘅真係好唔同😋醃肉肥瘦適中，鹹鹹地襯忌廉汁唔錯😌.🍴蕃茄汁鳳尾虎蝦、菠菜葉配手作闊條麵💰$96蕃茄汁內帶蕃茄蓉，酸酸甜甜好開胃🍅虎蝦肉質彈牙🦐.🍴菠菜葉、車打芝士、日本太陽蛋手作薄餅💰$104餅底充滿麥香🌾薄得嚟又香脆煙靭😚中間太陽蛋部份，內裏流心咬落去爆蛋汁🍳.🍴烤焗芝士雞塊💰$48有成四大舊✨金黃外層超香芝士味🧀雞肉嫩滑多汁，好滋味😋.每個套餐包一杯冷泡茶或果茶🍵呢個價錢嚟講，仲食到手作，性價比高✅

Foodo 上次食過不錯，今次再來帶朋友食，這間無加一，而且意粉、薄餅均用日本麵粉、雞蛋，性價比高。座位間板就看到是日甜品。套餐免費配的凍水果茶、凍冷泡玄米茶水果茶似少甜，玄米茶是無糖，解渴又健康烤焗芝士雞塊 $48用上日本麵包糠及巴馬臣芝士粉沾滿雞塊，再以烤焗方式烹調。一咬雞塊就覺得比平時的炸雞更為香脆鬆軟，有芝士的鹹香味，肉質又可保嫩滑及流出肉汁，好有驚喜！A5 蕃茄汁鳳尾虎蝦、菠菜葉配手作麵 $104手作麵較為闊身及厚，質感有al dente 彈性，蕃茄汁甜酸度剛好，微辣幾惹味，虎蝦彈牙。C3 醃肉、車打芝士、蕃茄片、乾辣椒碎手作薄餅 $101一上檯就傳來陣陣香味。嘩！拉絲芝士極吸引，薄餅底夠脆口，芝士又香又滑、惹味的醃肉、清新的蕃茄，整體配合得好好。抹茶紅豆蛋糕卷 $52抹茶忌廉重抹茶味，濃中帶點回甘。

藝人林秀怡有份開的日式手作餐廳，幾年前新開張有食過，之後好多時見到要等位就去左第二間餐廳食。今次再食，回憶返晒黎！餐牌選擇唔多，手作闊麵以及自家製作麵團所烤焗的薄餅是餐廳招牌。① 忌廉汁鳳尾虎蝦、菠菜葉配手作闊麵 $104三隻虎蝦都算彈牙，手作闊麵有厚度有嚼口，仲有陣蛋香味，我幾鍾意呢種質感。食物上枱時見到好多黑椒碎，我覺得有少少蓋過了忌廉汁，不過撈匀後我又幾喜歡呢個味道。② 醃肉、菠菜葉、車打芝士手作薄餅 $96 長方形Pizza分為四份，菠菜葉佔了很多位置，下面有醃肉，味道偏鹹，但夾埋一齊食啱啱好，批邊都幾脆口，餅底中間有啲煙韌，幾有咬口。朋友捲埋一齊食好似食緊捲餅咁，呢個創新食法幾正！主食奉送凍水果茶或凍冷泡玄米茶，冰凍清甜，啱晒夏天飲。③ 烤焗芝士雞塊 $48四件雞塊都幾大件，芝士在表面包住雞塊，烤焗過後有陣鹹香，咬開熱辣辣，肉嫩有汁，好食。④ 焦糖脆脆蛋糕 $54蛋糕好綿好軟，焦糖脆脆堅係脆口，夾埋一齊食味道唔會過甜。.雖然食物份量唔算大份，但兩個人叫兩份主食，加份小食其實都夠飽。