鬼混 (已搬遷) 新店位置

一入門口就已經見到掛住「那怕無酒」牌匾嘅BAR枱 旁邊擺放著一大堆恐怖骷髏骨頭嘅擺設雖然知係假 但個氣氛令人個心不禁寒一寒🥶 🔖 水牛芝士氣球沙拉就係沙律上面有個水牛芝士氣球 芝士味偏淡🔖 鬼混番薯條 (海苔味)番薯條炸得都香脆 加埋海苔粉正常普通唔難食對比起來 配話梅粉感覺新奇好味更多🔖 烤焗骨髓伴麵包片一道好驚奇嘅菜式 本身驚好油膩 點知少少骨髓加埋麵包片一齊食 好鬼正 超香🤤🔖 三色冷麵有好多蟹肉舖係麵上面 再自己用茶壺倒出寶藍色嘅水一齊食用～打卡用🔖 威靈頓白吞拿魚威靈頓牛柳就成日食喇 今日先知入面可轉吞拿魚本身仲擔心會好怪唔好食喇 點知又好鬼正喎魚肉鮮甜嫩滑 加埋小小蔥調味 PERFECT!!🤩 外層用脆脆酥皮包裹著 夾埋一齊食 口感更豐富

近排行開銅鑼灣，係維園附近開左間充滿神秘感的餐廳👻- 鬼混，原來佢係Mamaday同Little Vegas班底經營嘅姊妹店💛~餐廳位於商場1樓，一到門口已經好多鬼片海報，上電梯仲見到好多鬼怪👻同骷髏頭☠️裝飾，而餐廳同層另一邊仲有市集同鬼屋體驗館，就睇您敢唔敢玩啦😂😂餐廳裝修以復古風打造，但周圍都會有唔同嘅鬼怪裝飾，連餐具都有骷髏係到，打卡都幾唔錯架👍🏻😆野食方面主打西式fushion菜，我地就叫左個➡️"鴨肉醬鴨肝慕絲脆片"作為頭盤，脆片其實有d似印尼蝦片，上面鋪左鴨肉醬鴨肝慕，雙重鴨味真係非常突出，加埋上面一d比較清新嘅生果，真係幾開胃😋😋再黎就係➡️"烤焗骨髓伴麵包片"，牛肉就食得多啦，牛骨髓好多時都係老火湯先會食下，今次用黎麵包片真係幾特別，牛骨髓用咗蒜泥同香草去烤非常入味，不過比較多油非常邪惡XDD主菜方面有➡️"洛神花飯配香煎帶子"，煮法似意大利飯，但係加用咗栗子汁，令到口感較為厚重好有特色，帶子好大粒同新鮮，可以一試😆😆另外值得一提嘅係➡️"麻辣芝士麵伴大頭蝦"，真係估唔到麻辣同意粉都可以咁夾，辣得黎又有芝士嘅惹味，值得推介架😋😋如果想食素嘅朋友呢到都有選擇，雖然唔係全素，但係佢