Yadllie Plate 야들리애플래이트 (海之戀商場)

餐廳位於海之戀商場2樓，鄰近地鐵站。餐廳環境十分空曠闊落，坐得好舒服，以西式風格為主，令用餐體驗良好。蜜味乳酪粉無骨雞（$128）無骨炸雞完全無骨，啖啖肉食落好滿足，雞炸過之後好香口，表皮炸得剛剛好，唔會太厚，內裏雞肉鮮嫩多汁，而蜜味乳酪甜甜酸酸，令炸雞味道更豐富。卡邦尼年糕（$108）卡邦尼醬好濃郁，有濃厚奶味，但同時唔會覺得油膩，年糕有兩款，分別是圓條狀及圓片狀，口感煙韌，配菜另有熟蛋及魚糕。烤牛肉水冷麵（$128）烤牛肉在水冷湯底下特別爽口彈牙，湯底清甜冰涼，夏日炎炎食特別開胃，此外有辣椒醬及酸菜絲佐，令味道層次更豐富，麵條放在冰水中都好爽口彈牙！火炙牛（$98）火炙牛賣點係即叫即燒，店員係我地面前用火槍以高温炙燒牛肉片，燒至表面焦香，而中間仍然半生熟，食落肉質鮮嫩多汁，牛味濃郁，佐料有洋蔥絲及蒜瓣等，配合食用更加香口。芝士蟹子蛋捲（$128）蛋卷表面以蕃茄醬及蛋黃醬裝飾成紅黃間隔，好睇之餘味道亦好豐富，蛋捲口感細滑豐盈，蛋捲已經切好一塊塊，入面的蟹子份量相當有誠意，每次夾起都多到滿瀉，配料有沙律菜。海鹽焦糖沙冰（$68）焦糖和海鹽的配搭意外匹配，令沙冰不會過甜。沙冰上的忌廉加上

今次已經係我第唔知幾次幫襯呢間餐廳了😆餐廳無論係環境、價錢、食物質素還是服務都做得同樣出色,真係值得一再回頭👍🏻黃金蒜香無骨雞呢份炸雞份量多到有成十幾二十件,但係都只係$128咋!!🥹菜品一上嘅時候已經聞到濃郁嘅蒜香味,夠曬入味🥰而且雞肉炸得啱啱好,即能鎖住肉汁亦能保持雞肉嘅鮮嫩度,認真唔錯🤞🏻海軍醬油湯鍋之前試過佢哋嘅芝士八爪魚已經覺得佢哋嘅海鮮好新鮮🤩今次特登嗌咗呢個海鮮鍋再回味返佢個八爪魚🐙今次食依然保持到水準,八爪魚咬落好彈牙好新鮮,食得出唔係冰鮮材料😋海鮮鍋材料都好豐富,除咗八爪魚仲有好多款唔同嘅海鮮同蔬菜,搭配埋芝士和年糕一齊食口感更佳🤤烤牛肉水冷麵牛肉煎得剛剛好,粉嫩粉嫩的😽食落煎香味十足而且嫩滑,搭配埋冰冷嘅水冷麵一齊食感覺好清爽🫶芝士蟹籽蛋捲呢個蛋捲絕對有驚喜!蛋捲好厚實好多層,而且每層都裹滿蟹籽和芝士,一啖食落去好滿足😽海鹽焦糖沙冰 & 藍橙荔枝梳打甜品賣相唔錯,適合晒女士打卡,而且水準都唔錯芒果雪冰食韓國嘢點可以唔食佢哋嘅冰啊?今次就試咗呢個芒果雪冰🍧甜品鋪滿芒果嘅果肉,而且碎冰唔係純冰,而係有芒果味㗎!真係一啲都唔馬虎😙

又去左海之戀😆今次想食炸雞去左yadllie plate 推薦推薦呢3樣😋✔白切五花腩 五花腩係熟但爐上 可以一到食一到保持熱度👍🏻五花腩厚身得來嫩滑 唔鞋口包生菜加上蒜片辣醬 中和返肉感 唔會食濟肚呀😆生菜仲可以refill一次👌🏻✔️蒜香+密味乳酪粉炸雞推薦大家選半半炸雞因為可以貪心D選2隻味試👅我好中意蜜味乳酪粉!炸雞上面有一層乳酪粉除左小小甜 仲有d酸酸地既味道有小小似開胃D既芝士味 😆✔️烤牛肉水冷麵我好中意食水冷麵所以叫黎試下👅烤牛肉浸左水冷麵涷汁 連埋一齊食 有大大啖肉汁既錯覺口感好正~水冷麵夠清新冰係超碎唔會食到粒粒冰影響口感係近期食過比較出色既水冷麵💕

檸檬雞肉沙律 $108沙拉的外觀就係色澤鮮艷、美觀可口、鮮嫩爽口、解膩開胃，主要係好食既基礎上仲可以減肥。用檸檬汁代替以往沙律既醬汁，非常病新鮮感！火灸牛 $98呢個菜式特別在於上菜既時候，侍應會用火槍即刻燒熟牛肉，唔使膽心會唔熟或者熟到咬唔開，廚房處理左，再配合埋火槍燒一燒，恰到好處！驚喜二重奏 $258有一塊小鐵板上放頂級肉眼牛扒同炸雞，仲有沙律伴碟。牛扒既色澤同香味都令人垂涎欲滴，香噴噴既炸雞，張嘴咬一口，滿嘴流油，雞肉既酥軟又嫩滑，真係美味無比。千層牛肉醬油鍋配手切面 $148套餐入面有泡菜同沙律仲有飲品，不失不過既菜式。烤牛肉水冷麵 $128其他商店水冷麵一般只配青瓜絲、蘿蔔絲、雞蛋、泡菜，第一次食用己炸過既秋葵及烤牛肉配冷麵，口感搭配好新鮮，值得一試。

星期五放半日假，黎呢度chill下欣賞日落同食炸雞。呢度嘅炸雞係與別不同，食半半炸雞（原味/蜜味乳酪粉），發覺蜜味乳酪粉超好食，有乳酸有蜜甜，雞肉仲好嫩。食左炸雞再食烤牛肉水冷麵同醬豬蹄我覺得係一流，水冷麵酸酸滑滑，上檯咁耐，牛肉仲有烤香嘅味道；平時唔食豬腳嘅我都不禁食左好多豬蹄，除咗醬好味，豬皮每口咬落唔肥膩，係骨膠原口感，肉亦鮮嫩，包菜食仲好食。朱古力雪冰同餐牌賣相一樣咁靚，朱古力味好香濃，雪冰一層層好輕好冰凍，今日咁熱簡直一流！另外，我飲嘅芒果菠蘿Mocktail 都唔錯的，兩種水果味都好豐富，好好飲～

荃灣海之戀Yadille Plate開正喺我樓下，已經食過幾次，因為環境幾舒服，坐得幾闊落，嘢食都唔錯，分享下今次叫咗咩食魚介湯鍋 - 一鍋好足料嘅韓式魚糕鍋，有齊魚糕串、唔同口味嘅魚糕、年糕，菇等等，好啱同一大班人share食！海賊王的寶物 - 一聽就知食材都係嚟自海洋，有炸蝦、炸魚，炸八爪魚鬚、炸魷魚圈等等，更附上芥末醬同韓式辣醬比大家dip😋韓式芝士炒辣雞 - 啲雞加埋芝士泡菜一齊加熱，放入口新鮮滾熱辣，有韓國春川炒辣雞feel牛肉水冷麵 - 件牛食得出係靚牛，入口油脂咇晒出嚟！食完熱氣野再食冷麵降溫幾好😝巨峰梳打 - 充滿香甜提子味，唔會過甜，幾好飲海鹽焦糖沙冰 - 勁大杯，朋友話幾好飲