熊小館 (已結業)

疫市之下，難免不多不少都有點負面情緒，見到天真可愛的啤啤熊坐在餐廳門外，似是呼喚著我們進去光顧，心情頓然開朗，原來熊小館在將軍澳開了分店。餐廳有很多熊公仔擺設，每一張餐桌上都放了一隻小熊，點餐時服務員很有禮貌地告訴我們，可以自行在櫃裏取出喜歡的啤啤熊拍照，真係機不可失，啤啤熊迷不可以錯過啊！品味新嚐 - 烤美國安格斯漢堡伴炸薯條，原價$98，現在特價$78，牛味香濃，唔鞋唔韌，咬落肉汁飆出，連埋生菜番茄一齊食，有多層口感，沙律好清新，令牛肉冇咁油膩，正!廚之推介 - 泰式菠蘿海鮮炒飯$56，配是日歐陸濃湯和牛油法包，炒飯超足料，有魷魚圈、蟹柳、提子乾、肉鬆、腰果、蝦仁、豆角粒、菠蘿粒和紅蘿蔔粒，鑊氣十足，非常惹味。跟餐免費配熱華田和熱檸檬茶。甜品 - 自家製心太軟，超濃朱古力漿，加上流心效果，為這頓午餐寫上完美句號。。。。。。午市+下午茶時段 - 60歲以上、穿制服人士（包括學生、零售、保安……）可享8折優惠😍

🐻🐻疫情關係反正冇得旅行，所以最近就成日翻山涉水咁去另一區遊歷下尋找美食。今日久違黎到寶琳，發現真係唔少好野食開左黎呢邊，行到攰攰地就食個tea，試下呢間好可愛既熊仔餐廳！一入到就有隻超大隻既熊仔招呼客人～餐廳環境餐廳主要招待家庭客，環境報置好溫馨，燈光暗暗地，仲要周圍都好多熊仔公仔係枱到牆到！菜式都好多，有西餐，鐵板餐，兒童餐同埋甜品個啲，大人小朋友都會搵到想食既野！但今次好可惜食tea, 所以未有鐵板餐提供！食物芝士肉醬焗千層麵烤美國安格斯漢堡伴炸薯條心太軟我地加左個餐湯同蒜蓉包，忌廉湯濃滑唔膩，有好香既粟米蘑菇肉味。蒜蓉包就焗得超香脆！千層麵算係西餐裡面我其中一款最鐘意食既菜式，豐富既肉醬加埋出面超濃既忌廉芝士，口感好豐富，唔會過咸過甜，份量亦都非常適中。 安格斯漢堡價格真係算好合理，牛肉既size都好厚，而且肉唔會好乾仲keep住幾juicy，薯條香口但唔會好油膩！最後叫埋個心太軟，雖然唔熱愛朱古力，都唔好甜品，但一切開啲朱古力汁漏哂出黎，而且甜度控制得好好，我食落都唔覺好甜。有個熊仔頭既奶茶香滑得黎唔會澀！餐廳服務質素都好好，希望等晚市開返會黎再試下餐廳招牌既鐵板餐！🐻🐻🐻