詩餅坊

营业中

休息中

堅尼地城站新開當然想走一趟看看有沒有一些隱世美食, 不容易找到這間甜品餅店, 被雪柜展示的外觀獨特像個竹林的綠茶紅豆蛋糕吸引住, 原來竹子係綠茶蛋白, 較甜, 裡面係紅豆配忌廉, 感覺很創新; 另外有個真材實料,好像原個的無花果撻, 好鮮甜; 仲有香蕉朱古力蛋糕, 面上有香脆的香蕉乾, 下面的朱古力mousse好香濃。

屋企人鐘意食甜品，時不時去食下，呢間係西區最好味的蛋糕店，好多款都試過，覺得：招牌綠茶造型獨特但太甜，紫薯好清香但太細件，無花果撻特別靚，藍莓撻好足料，最好味的其實是金箔朱古力流心，個個都估唔到咁好食，連我呢d唔like 朱古力既人都食完又想食，打包n次。栗子蛋糕上面個只蝴蝶靚爆，好想知點整出來既。。。

係上年, 我位超愛綠茶嘅朋友生日, 係雜誌見個綠茶紅豆蛋糕造型好特別, 就remain住要送呢個蛋糕比嗰位朋友, 當然嗰次成班朋友都好滿意 無花果撻$45淡淡嘅忌廉好有奶香, 係個撻上搽咗一層白朱古力, 預防上面嘅材料會整濕個餅皮, 都係細心嘅做法, 食落好脆無花果切薄片, 裝飾到一朵大玫瑰花咁, 可惜偏生, 唔夠香味綠茶紅豆蛋糕$35綠茶蛋白(馬拎)圍邊, 好似一個竹林咁, 脆脆地好似macaron嘅質地, 裡面有兩層既紅豆蓉同綠茶海綿蛋糕, 食落都唔會太甜薑汁芝士蛋糕$42有淡淡薑汁嘅味道, 唔會有辣嘅感覺, 都唔錯*如果搭巴士向堅尼地城方向, 係聯邦新樓落會近啲, 搭電車就可以係屈地街電車廠站落都好近

吃過Bistronomique的午餐，我們就起行到隔黎厚和街的詩餅坊吃蛋糕。店子很小，一個大型蛋糕櫃放了十七款cut cakes 和tarts, 亦有數個whole cakes, 琳瑯滿目，要逐一研究每件蛋糕都要花點時間! 順帶一提，詩餅坊並不是cafe 而是cake shop, 雖然店內有兩張枱共六個位子，但能不能有桌子給大家坐下嘆蛋糕就要看運氣嚕。無花果對香港人來說應該不是很popular, 但外國人似乎頗喜歡把它製成果醬、甜點。的確，無花果味道清甜，可以幫助消化清腸胃，亦可以減低血脂，也是一個寶貝啦。偷聽到詩餅坊的糕餅師說這些無花果是剛剛買回來，非常新鮮。我也是第一次覺得無花果真的很好吃! 有點像柿子，但甜味更清爽，配上質地稀薄的忌廉很襯呢。不過撻底就太硬身了，味道也是一般，就是餅乾的味道…七彩繽紛的顏色只是看著也覺得愉快! 慕絲夠軟滑，芒果味雖然不夠濃但吃上去不像是做用芒果香精，很natural, 所以也幾好食啦。不過外層裝飾用的macaron 就不太行了，太脆了沒有煙韌的口感…樣相一流又有創意，難怪是詩餅坊的名物! 當天還看到有人特地駕車來買個whole cake 到西貢去…