Cocolo Tokyo Cake Factory (朗豪坊) (已結業)

$35青森蘋果批🍎 -餡料用來自日本嘅青森蘋果製作！果餡內蘋果大大粒，味道清甜Juice又爽口🫶🏻-酥皮又薄又酥脆，咬落去仲有陣陣嘅牛油香🤤食落去仲係暖笠笠！值得一試！$35特濃雙層鮮奶芝士奶油蛋糕好好食❗️鍾意食芝士嘅朋友仔唔好錯過，佢係一隻兩層嘅芝士蛋糕，食落去有好濃郁嘅芝士味。正！😍😍$30 焦糖堅果奶油蛋糕 聽落去個名好似好甜咁，但食落去一啲都唔會好甜！🤣配搭上堅果一齊食，令口感10分豐富💕 略嫌焦糖味比較淡

餐廳主打蘋果批，仲有多款甜品，賣相靚之餘，味道亦唔錯。店內有數個座位可以堂食，而外賣既話個盒好cute添。叫左青森蘋果批($33)，焦糖堅果奶油蛋糕($25)。蘋果批新鮮出爐，拎上手熱辣辣。而且好‘聚’手，重量有番咁上下。用上日本青森蘋果，蘋果餡甜而不膩，有蓉有粒，吉士幼滑，一咬d吉士就向外湧出。而酥皮層略脆，個個批都脹卜卜，好得意。蛋糕既焦糖味濃郁，好清楚見到層層蛋糕及cream。面頭鋪有滿滿既堅果粒，增加口感。蛋糕唔會過甜，入口鬆軟，凍食一流。整體，蘋果批飽肚，而蛋糕輕食當tea唔錯，價錢亦親民。拎番屋企食可以熱烘，而堂食就唔驚，因為已經夠熱。

返工太辛苦，放工需要d comfort food所以去左食飯前甜品。平時行開朗豪坊經過依間日本甜品店都見到佢哋啲批好吸引。佢哋有4款批，今次我哋就揀左寫住人氣no.1嘅青森蘋果批🍎店內有幾張日式🇯🇵和風木檯，可以坐喺度慢慢食。最細心係每張檯都有充電線俾客人叉電，櫈下面又有個籃俾你放隨身物品，佢做到的俾你想要的更多。👍🏻講返食物方面，呢個蘋果批🍎真係世一咁好食!店員送上黎個陣，仲係暖暖地，咬開入面見到粒粒甜甜嘅蘋果肉，酥皮鬆脆得黎又唔會好油膩。咁好食嘅日本蘋果批都只係收$33，簡直係佛心價，CP值爆燈！👍🏻另外我地仲叫左1件焦糖堅果奶油蛋糕。細細件，好岩飯前食~ 三層奶油蛋糕，蛋糕層口感好似海綿咁鬆軟，焦糖同奶油好夾，奶油好CREAMY，又香又滑，蛋糕面層仲有些堅果，感覺健康~ 整體來講，呢件CAKE食落驚艷到我!