屋子咖啡

营业中

休息中

我和好朋友們約定今年年終前，一定要單獨同佢地食一餐飯~ 終於我地揀左我地屋企附近嘅餐廳，大圍區好評如潮的屋子咖啡。單看外表，其實我真係估唔到大圍區有間咁精緻嘅cafe，全黑色嘅外表，招牌只要細細隻「屋子」係右邊，俾人唔hard sell 好簡潔嘅感覺。我未入到去已經見到好多人~ 舖內座位不多，但係總覺得每一位食客都坐得好舒服，有少少日本居酒屋嘅感覺，當然呢度光猛好多啦~我地坐左係呢個小角落度，周邊都係寄賣oh la la嘅精品，雖然有啲阻住人睇野之嫌，但係呢一張枱最大嘅賣點，係可以好舒服咁坐係度，唔會俾人趕走嘅感覺~我地2個人叫左2個套餐，而套餐送左一杯野飲，我揀左凍森林蘋果茶，諗住都應該好味，須知道蘋果茶好難唔好味.... 但係佢竟然真係做到! 杯野淡到乜咁....茶味唔濃，蘋果味也很淡.... 唯一係夠凍.....難道森林啲野係咁凍嘅咩?跟住我嘅七味雞唐揚餐嚟啦~ 先講下個沙律，雖然菜係清一式生菜同一片蕃茄，但係花生醬落得夠多，所以成個日式沙津都好好食~ 而右邊嘅配菜係煮過嘅薯仔，呢個配菜係真係特別，因為日式好少做，而韓式又應該係一粒粒而非長條型..... 不過個味道好好，甜甜地~

跟餐-抹綠奶茶/杏桃茶/蘋果茶  另加:可可上次上試凍抹綠奶茶，今次試熱，抺茶味依舊偏淡。飯團餐-梅子飯團,日替飯團:份量太少，飯團味道一般。揚物餐-七味雞唐揚 ($66): 揚物餐包括沙律，淙伴豆腐，飯。沙律新鮮，芝麻醬汁開胃。七味雞揚雖然炸得香脆可口，但只得四粒，份量少得驚人。 炸雞裡面是南瓜蓉，味道很好。揚物餐-吉列豬扒 ($59):炸得金黃香口，份量足夠。炸年糕:好像售價$42，但份量只有四小粒，而且味道普通。焦糖杏仁芭菲窩夫 ($39):窩夫較厚身，質感似蛋糕內層鬆軟，配香草雪糕。焦糖杏仁芭菲味道很不錯，不會太甜。燕麥榛子梳乎厘 ($48): 需時近20分鐘製作，熱哄哄的梳乎里，配香草雪糕上面還有果仁碎。高聳的外表，鬆軟的內層，蛋味濃郁，甜度適中。註: Soufflé一字來自法語中一個動詞souffler的過去分詞，意思是「使充氣」或簡單地指「蓬鬆地脹起來」－恰如其分地描述烘焙當兒蛋白與奶黃結合時的情況。