SuperNormal (淘大商場2期)

营业中

休息中

今日有朋友生日,選左間酒吧,可以傾下計又可以飲野, SUPERNORMAL 好適合我地,場內環境好好,而且服務都好好,服務生好年輕好細心菜式選擇多樣化,叫左柚子脆皮豬手、鵝肝牛肝菌意大利飯、帶子牛油果沙律、蟹肉扁意粉以及各式串燒等。1. 招牌菜:柚子脆皮豬手 ($148)做緊半價,真係超好食,豬手的皮脆肉軟,口感極佳,柚子的清新酸甜味更是與之完美匹配,衝擊我的味蕾。2. 蒜片紅椒藍蟹肉扁意粉($128)扁意粉也不遑多讓,新鮮蟹肉的甜美很是讓人難忘。3. 帶子牛油果沙律 (98)帶子和牛油果的口感反差加上鮮甜的處理手法,成就了一道很特別的沙律4. 香煎露筍篤肝牛肝意大利飯($148)鵝肝牛肝菌意大利飯濃郁的醬汁很美味。飲品:1~SUMMER TREE ($64)2~YAKULT 士多啤梨 ($68)串燒:全部都燒得好好,好適合一路飲野一路食既下酒菜~1.焦糖菠蘿$36:一定要試,焦糖鎖住汁真係好正~2.茄子 $18~GOOD~各式美食選擇豐富,定能滿足不同食客的口味。如果想在週末與家人朋友外出就餐,Supernormal會是一個很好的選擇。

在繁忙的生活中，與家人共度美好的時光總是令人期待。這次來到了九龍灣淘大商場Supernormal，體驗了一場充滿驚喜的美食之旅。帶子牛油果沙律$98新鮮沙律菜+配襯新鮮牛油果帶子厚肉鮮甜，微微煎香保留帶子嫩滑爽彈的口感。柚子脆皮豬手 $148柚子脆皮豬手的豬手皮經過精心烹調，外層脆皮香脆，內裡則肉質鮮嫩多汁。與柚子的清香完美融合，為口感帶來了意想不到的清新。我們一家都對這道菜讚好，更是吃得津津有味。香煎露筍鵝肝牛肝菌意大利飯 $148濃郁的鵝肝與牛肝菌的獨特風味相得益彰，配上綿密的意大利飯，讓人陶醉其中。帶子牛油果沙律則為我們帶來一絲清爽，鮮美的帶子與綿滑的牛油果交織出美妙的口感。蟹肉扁意粉 $128蟹肉扁意粉的蟹肉鮮美，與扁意粉的口感完美結合。而各式串燒則讓我們品嚐到了多種風味，令人滿足。Yakult Strawberry $68Strawberry, Rum, Yakult, Triple SeeSummer Tree $64Orange Juice $26一邊品賞特飲一邊食滋味串燒: 茄子($18), 雞翼($18), 安格斯牛肉($44), 焦糖菠蘿($36)

今日約左個好耐無見既朋友聚舊，知佢好中意食西餐，做完資料搜集之後決定同佢黎呢度試下🤗除左有典型西式pasta同burger之外，仲有唔少其他選擇👏我地叫左自家釀製柚子麥啤浸德國脆皮鹹豬手，西班牙海鮮燴飯同埋一串焦糖菠蘿～見個餐牌極力推薦鹹豬手，即管試試佢😎店員一放低就聞到濃濃既柚子香味😯表皮超級脆！🤤🤤食落帶淡淡既柚子兼啤酒香，感覺無出面食既鹹豬手咁油膩，呢度清新啲，搞到我地忍唔住一舊接一舊😆唯獨是略嫌個酸菜唔夠酸唔夠清一清口腔😂極力推薦既菜式果然好食！無令我地失望😋👏西班牙海鮮燴飯都幾大碟，個汁好creamy有啲似龍蝦汁，飯粒有咬口得黎口感偏硬少少，蝦肉爽口魷魚圈彈牙👍燒焦糖菠蘿面頭有層剔透香脆既焦糖，搭配勁juicy而帶微酸既好夾好好食😚呢度有唔少特色酒類供應，可惜今日唔太方便飲🙊 下次一定要試下！😎

番工問題要四圍走，就算無得堂食，都想食番餐好野食，今日就來到SUPER NORMAL。限聚令一再延長，為保健康，唯有忍耐一下，這裡外賣自取更有85折優惠，抵食。回家打開外賣盒，相當豐富，流哂口水啦。面包卜卜蜆鍋 - $139一打開盒子、陣陣蒜香味撲鼻而來，蜆肉粒粒飽滿，份量多之餘亦無沙；蒜蓉包色澤黃金，外脆內軟，輕點卜卜蜆汁，味道更有層次。果仁法芥焗豬鞍 - $189肉質鬆化軟腍，肉嫩多汁，入口甘腴豐香，爽口彈牙。厚切牛舌芯 - $43牛舌相當厚身，肉質細嫩，柔軟中帶爽彈的口感讓人大為驚艷。焦糖菠蘿 - $35菠蘿香甜多汁，味道清新，一食上癮。

好耐無泥SuperNormal食飯 今日經過有d掛住所以就入左去啦😆 之前介紹過佢哋嘅原隻軟殼蟹漢堡包 今次一於食下其他野😋今日想飲湯 所以就試左佢地既法式鮮蠔湯 仲點左一客蒜蓉包😚 上菜先知原來餐湯已經跟左一片蒜蓉包 但係佢地既蒜蓉包好出色 比想像中更香蒜蓉牛油味 而且好鬆化😍 蠔湯好creamy 亦重蠔味 而且夠熱 好好飲👍🏻 主菜方面我地就揀左黑松露日本和牛漢堡同西班牙海鮮燴飯🤤 漢堡本身已經跟薯條同沙律拌碟 份量十足 漢堡既醬汁除左有黑松露 仲有蜜糖芥末 同和牛好夾 麵包係我鐘意 帶點甜味 整體不錯👅 西班牙海鮮燴飯有唔少海鮮 蝦 魷魚 蜆 青口等等 又creamy又夠濃味👍🏻最後仲想食d甜野 所以仲食左焦糖菠蘿🍍 本來燒菠蘿已經夠哂甜 佢係面頭再加上一層焦糖 令整體味道昇華 外皮香脆 菠蘿超甜又多汁 正🌟

今日係同老公大人註冊6週年紀念日緊係要搵間餐廳慶祝下！係OPENRICE搵食，竟然見到有餐廳係零負評，緊係要一探究竟啦⋯Book咗7點，準時蒲頭，已見店內已有4,5成客。帶住呀女，咁就叫定嘢食，等埋老公同個仔來一齊大朵快頣雖然舖仔細細，但我坐咗10分鐘就見到座無虛席，門口亦有人等枱，心中不禁期望我所點嘅美食因為只得2大2細食，只係叫咗個兩人餐，再散叫老公大人最愛嘅咸豬手&呀女大愛嘅蜆食。(呀仔最愛蒜蓉包，個餐同蜆鍋都有，唔使額外order)落單十分鐘左右，就開始陸續上菜。員工們都主動收碟嘅。整體來講，我哋兩口子都覺得食物同服務都唔錯有機會再食過下次要試佢嘅漢堡先！

生日飯🎂屋企人帶咗我去九龍灣淘大食呢間SuperNormal！叫咗十多款嘢食😋當中包括佢哋主打嘅脆皮德國鹹豬手，牛舌芯同焦糖菠蘿！真係好正👍🏻👍🏻👍🏻好好味如果嚟一定要試吓！羊架都唔錯😄其他叫咗西冷牛扒、燒安格斯牛肉、茄子、燒墨魚咀、黑松露金菇牛肉卷、安格斯牛肉漢堡⋯⋯其實總括嚟講樣樣都咁好食今餐真係好滿足！食得好開心呀！🥳

放工後同女朋友慶祝升職，提議吃多款式嘅餐廳，就選擇試試，實在令人有驚喜^_^價錢合理，味道一流，可能今日假日較多人，到埗要等10-15分鐘才有位，下次再來時要訂枱，員工細心及有禮，值得一讚

SuperNormal 喺九龍灣淘大商場M記後面，裝修新淨，似乎是新開張不久。有大量的手工啤可以選揀，仲有個非常易明嘅Rating方便我哋去選出心水嘅手工啤，設計夠晒貼心！菠蘿荔枝梳打 $38甜甜酸酸的，頗為清新！Green Latte $36綠茶味突出，而且入口順滑，不錯！香煎鵝肝露筍牛肝菌意大利飯 $128上菜時傳來一陣又一陣的菇菌香味，意大利飯上方的鵝肝煎至香脆。用匙羹把鵝肝輕輕壓碎，鵝肝肥美的油份會滲入意大利飯中，令意大利飯變得極為甘香可口，正到停唔到手！經典安格斯牛肉漢堡 $86很有份量的漢堡，伴炸至香黃香脆的厚切薯條。漢堡疊得好高，上下都有芝士，漢堡肉煎至約七成熟，肉味香濃之餘仲勁多肉汁！漢堡還加入了少量蜜糖芥茉醬，格外惹味！墨魚丸 $18厚切牛舌芯 $42串燒墨丸十分彈牙，而且加入之日式醬汁和少量辣粉一同燒製，超級正，推介！牛舌芯調味恰當，肉質軟腍，幾好！焦糖菠蘿 $34菠蘿加入砂糖和酒，燒至微焦，焦脆甜美的焦糖包著酸酸甜甜的菠蘿，正宗外脆內軟！而且酒燒得夠盡，只有酒的香味，沒有一點嗆喉，呢個當甜品食真係一流呀！