Cafe Charm's (已結業)

記得細細個常常來黃埔呢頭，溜下冰或者去個同學仔屋企“反“，大個左就好少來呢邊了。今日剛巧有點事經過呢邊，就順便食埋飯，又咁啱見到有人派傳單，就來這裡碰碰運氣。店子環境也挺新挺企理，而且光猛寛敞，倒是一家大小來的好去處！而實際上，我也見到好多夫婦倆帶小孩子來食嘢~看看餐單，怪不得，又漢堡又窩夫，倒是很吸引呢！大人小孩都歡喜~而且價錢都公道，大大份窩夫才$60多，一家人share食都無問題呀！花果茶永遠最討友人歡心，這裡的果味很夠，茶味也不會被蓋過，是剛剛好的感覺。而且杯碟很有英式情懷，飲起來更合意♡漢堡包是我至愛，當然要來一客啦！非常抵食一分手工和牛漢堡包， 大大塊成吋厚手工和牛漢堡扒， 再配上大大盒粗薯條， 100蚊有找，去邊到搵？！而且和牛漢堡扒肉質鮮嫩， 真正有和牛feel, 真係好食到停唔到口呀! 為實在太好食啦所以忍唔住要問下係咪真係和牛， 店家大方承認是使用了和牛不同的部位混合 打碎而成！ 應真落重本呀！至於這一款意大利黑松露飯也香得緊，加10蚊有雞扒，而加二十蚊就可以配煙三文魚。 帶着黑松露香氣的飯， 軟綿綿的質感， 黏黏的口感， 濃郁的白汁散發出淡淡的芝士芳香，很好食呢！

好日都唔會嚟黃埔，對上一次係應該係兩年前。因為交通實在太唔方便，不過遲啲沙中線落成應該會令呢區旺起來。今次同朋友專誠來呢頭晚餐，食完仲可以行下Aeon。不過搵呢間餐廳都搵左好耐，實質原來呢間餐廳係係理大宿舍對面附近度。行到身水身汗，比起原定訂位時間遲咗，但店員都無埋怨，仲快啲幫我地安排入座。藍莓乳酪沙冰牛奶同乳酪嘅比例啱啱好，但略嫌乳酪冰沙打得唔夠幼細同埋滑，食飲到冰粒塞左枝飲管，不過始終健康又消暑。煙三文魚凱撒沙律入口生菜新鮮，而且有超濃嘅芝士香味，加埋脆卜卜嘅麵包粒，好岩女仔食既前菜焦糖香蕉窩夫每塊蕉面都胞既，最鐘意脆脆既焦糖衣層包著暖暖呈creamy狀既香蕉，配埋個waffle，真係食唔停口，而且仲有漸漸溶緊既士多啤梨雪糕，真係heavenly happy！特級水牛城雞翼水牛城雞翼炸得好乾，而且肉都入味，個醬係另上，唔怕有d朋友會怕辣，因為單食個雞翼都好正，配埋有辣椒既bbq醬，所以好棒，好惹味!手工和牛漢堡配薯條呢個手工和牛漢堡真係不得了，個牛肉超級juicy，師傅挑選最靚牛肉自己打到咁有肉汁，配料有蕃茄、芝士，比起澳式個隻少左d沙律菜，但都已經非常好，保持牛味得黎啖啖肉!!!

這次假日尋食地點非港島一帶，來到我倆都相近的紅磡，目標是一家咖啡店。與「Cafe Dream」屬同一家庭，店家以窩夫為主打，眼見評價不俗，是為想去之目標之一。店鋪不如所想般小至只有數台小桌，反之寬敞明亮，以紫藍與白作主色，桌椅設計及擺設帶點舊年代美式酒吧風，時髦又得體。除了十多張圓桌外，裡頭的走廊也設多張方型桌，無論二人或四人皆可，如畫廊般的設計看起來都不失優雅。廚房有分內外，內是煎煮的過程不供觀看，外是供沖煮咖啡或做最後步驟等功夫較簡單之地方，但能做到如此，店鋪面積真是相當之大。玫瑰朱古力 $36玫瑰咖啡聽得多，巧克力飲卻未聽過，本抱「中伏」之心嘗試，豈料成品是意外的良好，巧克力甜及玫瑰花香能夠共存，不錯。 *推薦美祿恐龍 $40與普通美祿飲品無異，只是面上擠上忌廉作為裝飾。手工和牛漢堡配薯條 $82/Tea Set Price (6.5/10)和牛漢堡扒標榜自家搓調製作，肉質鬆軟肉汁豐沛，夾有芝士、生菜及厚片番茄，芝士鹹香。惜茄醬下得有點多，遮蓋牛肉味道，建議可以任由食客決定醬量多少。而麵包則屬札實，但無彈性亦沒往常烘至帶脆。而跟配的薯條即便放涼亦不軟趴趴的，形狀厚度不一，咬下沒溢