Shibui 洋食屋 (已結業)

好中意佢個門面同室內環境，裝修和設計走復古風，門外以木做主調，配上帶有復古色彩嘅玻璃窗木門，彷彿走進昭和時代。室內嘅木傢俬、牆身嘅花紋，加上燈光效果令成個環境變得更靚更有美感，好適合打卡影相📸❤️野食方面，整體味道還可以，最好食係鐵板和牛太陽漢堡扒同埋兩個甜品，仲有嗰杯藍色飲品「青空」，上面有一球雪糕，來到一定要試下😝但menu上嘅選擇不多，之前已經來過一次，都係想食嗰樣冇嗰樣😂希望佢地可以加入多d新菜式啦🙈

好耐之前已經見人係呢到打卡📸bookmark左好耐，終於約到朋友朝聖🥹一見到個門口真係心心眼😍 淡黃色外牆搭配紅白小簷蓬，外表已經好復古風，入到黎好似去左旅行一樣，日系感滿滿🕰️🎐芝士旋風蛋包飯🧀$88鋪係表面嘅芝士用火槍燒到微焦，特別香口，旋風蛋整得好滑，入面包住茄汁炒飯🎐燒明太子雞翼🍗 $58一黎到已經覺得好香😋雞翼啖啖肉，釀左滿滿嘅明太子餡係入面，帶輕微辣味，明太子fans必叫✨🎐昭和布丁🍮$48見布丁咁可愛所以點都叫🤭日系感滿分，打卡必備📸布丁奶滑，焦糖味濃郁🎐焦糖香蕉窩夫🧇 $78香蕉表面焦糖燒到脆卜卜😚超好味，窩夫係大熱嘅牛角窩夫底，酥香鬆軟🎐青空☁️ $58底下嘅藍色梳打係橙味同檸檬味上面放左一球日本柚子雪芭，店員建議攪拌過再飲，形成藍白漸層，好似天空一樣😳🎐菠洱梳打🍍$58味道酸酸甜甜，成份有陳皮、普洱、菠蘿同紀洲南高梅，有少少似咸檸七嘅味道，飲落幾開胃

想喺九龍城試吓泰式餐廳以外嘅新選擇？今日分享一間好有風味嘅日式餐廳俾大家可以過去打下卡。.🍗燒明太子雞翼 睇外表以為係平平無奇嘅燒雞翼 點知食落去啲餡咇出嚟嘅時候就知道有幾惹味，雞翼位置係已經去咗骨嘅，所以食落去啖啖肉，好味。.🥠SH1BUI和牛可樂餅 ⭐️推薦超香嘅和牛味，採用宮崎A4和牛，用咁高級嘅牛去整可樂餅真係少見，但係出到嚟個效果可謂一絕，炸得啱啱好嘅外皮到食落去爆曬肉汁既內餡都係令人好喜歡嘅組合，非常推薦。.🧀芝士旋風蛋包飯旋風蛋包飯外觀相當ok，做到旋風嘅效果，上邊有一塊火炙過嘅芝士，拎嚟打卡幾好。有啲美中不足嘅係內裏嘅蕃茄飯不算太出色。.🍚SHIBUI咖喱素菜飯咖喱香味濃郁，素菜出色。若然可以比我揀埋辣度就更加好啦😋. 🧇焦糖香蕉窩夫(配日本沖繩海鹽雪糕) ⭐️推薦呢款焦糖香蕉窩夫 焦糖即時燒製香脆 窩夫香軟 雪糕香甜。 整件事甚至乎比主菜更出色，推薦大家過嚟食的時候可以點多幾款小食！

九龍城真係好多野食，上網搵到呢間餐廳好似唔錯，而且裝修都幾得意，咁就試下啦～淨係睇個門面已經好有懷舊既感覺非常似以前曾經去過既一間喺日本既咖啡店，好有親切感餐廳細細間，預約先會比較好，室內燈光柔和，裝修都有花心思食物選擇唔算太多，飲品反而有cocktail又有mocktail小食揀左個燒明太子雞翼，都幾香口揀左北海道豚肉生薑燒伴飯呢個帶有少少薑味，豚肉片肥瘦均勻，個汁都有少少甜味，用黎送飯唔錯佢地既飯幾好食，係用日本精米，米味香而且比較軟綿另一個揀左起司牛肉丼飯，呢個味道比較濃，面頭有熔左既芝士，感覺餸多過飯甜品揀左焦糖香蕉窩夫，呢個窩夫熱辣辣而且中間仲好似有麻糬咁，加上又熱熱地，煙煙韌韌幾好味，唔係平時食果種口感雪糕係沖繩海鹽雪糕同豆腐雪糕，淡淡地都唔錯仲揀左好多人好評既昭和布丁，雖然份量細細，不過蛋味好濃，而且賣相好懷舊，都幾好