良鮨壽司

营业中

休息中

今個月真係日本料理月😆我哋又去咗食日本嘢🍣今次就去咗大埔搵食🥢良鮨壽司食材質素唔錯，而且價錢合理👍🏻我哋主力點刺身，一邊傾偈一邊慢慢嘆😌日本活海膽清甜味道濃郁‼️大拖羅滿滿嘅油脂分布好平均，入口啖啖都係魚油香味‼️原隻活赤貝肉質爽脆味道鮮甜‼️見到店舖做緊堂食生蠔買二送一，我哋又試吓。日本🇯🇵兵庫縣赤穗生蠔🦪雖然體形唔大，但肉質厚實🈶️海水鹹鮮味‼️三文魚腩壽司非常肥美油脂味重‼️鮮劍魚壽司肉質爽脆‼️焦糖鵝肝壽司外脆內軟，外層嘅焦糖平衡左鵝肝嘅油膩👍🏻除咗餐牌上嘅，仲有師傅發板嘅食品可以選擇，下次可以試吓☺️

今日喺大埔中電附近見到良鮨壽司店，店舖門口有部大電視，見到啲壽司相咁靚都忍唔住入去吃。焦糖鵝肝壽司 $42呢個係超推介美食，鵝肝表面燒至香脆焦糖，外脆內軟，入口帶有鵝肝香滑加上甘香焦糖，味道少少微甜，一食令人回味無窮蟹子軟殼蟹卷軟殻蟹炸得夠脆，表面鋪滿蟹子，以$35來說十分扺食。良鮨爆魚生丼 飯面上鋪到満満魚生，有海膽、三文魚子、甜蝦、拖羅魚蓉、蟹肉，份量十足三文魚子大大粒，入口有爆汁口感大大塊蟹肉，口感十足海膽口感奶滑又濃郁，味道鮮甜拖羅魚蓉份量十足，個丼名同實物一樣有爆魚生感覺，食得好滿足。

前排發現大埔開左呢間日本料理小店，試過佢既lunch set後就一直好想試下晚餐，今次終於試到喇😆2人食唔係叫到好多🙈#蟹子沙律 🥗係一道穩陣好難會伏的前菜，份量夠，又醒胃，清爽青瓜絲加蟹柳絲加沙律醬，要自己撈勻，有種新年撈起感覺😆HKD35#唐楊魷魚鬚 🦑熱辣辣炸起，皮薄，魷魚鬚唔會太硬，調味惹味，幾岩送酒既小食🍻HKD48#焦糖鵝肝壽司 🍣見幾多人介紹呢款壽司，size唔大，用鵝肝cream brulee 黎形容就好貼切，表面燒到勁脆既焦糖，下面係軟滑鵝肝，壽司飯啲醋味都好夠出，唔會俾鵝肝蓋過。不過略嫌層焦糖有啲過厚，變相甜味好出蓋過鵝肝，焦糖薄薄一層已經足夠😉HKD42#蟹子軟殼蟹卷 🦀 卷物size細，入面只有軟殼蟹，軟殼蟹粉多過蟹😢外面一層蟹子，整體味道單一，呢個就較普通，可以不試HKD35#軟殼蟹手卷 🦀🍙軟殼蟹加蟹子加埋沙律醬，紫菜夠脆，飯量都好夠，如果軟殼蟹可以係新鮮炸起就好了HKD28#牛舌 👅燒既火喉控制得岩岩好，牛舌質地唔韌，有彈性又夠軟淋易咬，調味既鹽同黑椒都岩岩好，讚！HKD38#燒免治雞肉棒 🐥有期望過會有日本蛋黃配免治雞肉棒，不過係冇既😔係冇乜醬汁咁燒，不

記憶中大埔都有幾間日本嘅餐廳但係主打都係平民街坊嘅路線，比較少係行高檔嘅路線。今日介紹依間日本餐廳係介乎高檔同平民之間但價錢都算係平民嘅餐廳。開喺廣福道人流十分之旺，我下午3點都仲係full 嘅。大家記得早d 去，同試下book 唔book 到。門面簡潔，同好有歷史嘅大埔廣福道有少少對比。入面係掃 QR code 落單，所以影唔到menu 比大家。入面檯唔多，人小就可以坐bar 檯，睇住廚師整壽司比你。先上間餐廳最出名嘅焦糖鵝肝壽司甜甜地，同鵝肝有個對比大家中和返。我平時比較少食鵝肝所以唔太解釋到。不過入口係好食嘅。燒白鱔好厚肉，勁多汁，外脆內軟有好嘅食材再加好嘅師傅就造就出咁嘅食物出嚟吉列廣島蠔勁熱，好多汁，蠔好新鮮。個粉做得好好，炸得夠脆。入面又唔乾燒牛舌明太子雞翼牛舌最緊要夠厚，咁又有咬口同有肉感明太子小辣，雞翼冇骨，啖啖肉最後要叫啲卷物咁先飽肚。牛油果鰻魚卷+蟹子軟殼蟹卷牛油果同鰻魚依個組口，唔太常見。不過都好match蟹子軟殼蟹就正正常常食得出師傅係有心機去整出黎嘅，唔馬虎。總結價錢唔係貴，不過CP 值高，因為手工同食材都係到。地點十分方便，係正巴士站隔離，食完就可以上車番屋